جـمـرات نـارهـم

الـبـارت الـسـابـع والـعـشـرون(27)

مساء الخير حبايبي البارت مو كلش طويل راح احاول انشر يومي حتى اختم القصة ضل كم بارت ونختم اعتقد اختمها 30 بارت تفاعلو تفاعلكم كلش قليل وتتذمرون من النشر اني مثبته موعد النشر بين يوم ويوم وانزل البارت من وقت ب 8 او 9 باليل وملتزمة بالموعد ومن عندي وقت انزل بارتات اضافية اعرف من حبكم للقصة وحماسكم للحداث تلحون عليه حتى انشر يومي بس اني هم وقتي مو أليه عندي بيت واطفال ومسؤلية واحنا وصلنا للختام ان شاء الله لهذا لا تروحون تعبي وتفاعلو

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_الـسـابـع_والـعـشـرون(27)

----------------------------------------------

راضي بعشرتك لو تبقه بس نضرات
احس ذني اليه و هذا يكفيني

-------------------------------------------------

مـيـسـم ::- اكيد الله وگف ألنا ركضنا مسافة طويلة كلش وبعدها وصلنا لسيارة ماهر صعدنا بيها ونزعنا الاقنعة من راسنا واحنا نضحك ،،،، الحمد لله والشكر ألف الحمدلله

اخذني لبيت ساهر بسرعة هسه الكل قلق عليه وخايفين

مـاهـر ::- لا اليوم تضلين ابيتي

مـيـسـم ::- ألتفتت عليه واني اباوع أله بشك ،،، شنوو شنوو وانت منو واروح لبيتك انت شتريد بالضبط ما جاوبني وشغل السيارة وصار يسوق سريع

مو احچي وياك وين ماخذني وشتريد مني

مـاهـر ::- اخذج لبيتي اليوم والصبح ترجعين لبيت ساهر خلي تعدي هاي الليله على خير ساهر ونيار طلعو مداهمات للمكانات الخاصة بـ***** خلي نخلص منهم وبعدها انطيهم خبر انتي يمي

مـيـسـم ::- وتريد اصدگ كلامك مو رجعني لبيت ساهر ولا تفكر بأي شي ثاني مشكور وما قصرت بس مستحيل اروح وياك لبيتك

مـاهـر ::- ليش

مـيـسـم ::- لأن ما اثق بيك وانجبرت اطلع وياك من هذاك المكان غير هيج ما اثق بيك مستحيل ولحد الان ما گتلي شلون عرفت اني هنا وشلون گدرت تدخل واحدك والمكان متروس حرس

مـاهـر ::- سمعتهم من اتفق ***** ويا واحد اجه بحجت يشوفة واني جنت اتسمع عليهم وعرفت كل شي وراقبته من طلع ومن اخذوج وضليت اراقبهم ما گدرت ادخل لأن جان نهار

رجعت لامركز وعرفت نيار وساهر راح يطلعون مداهمه تركتهم يصفون البقية واني جهزت نفسي والسيارة واخذت هذا المخدر حتى ما اداهم المكان وادخل بسهولة