جـمـرات نـارهـم

الـبـارت الـثـانـي والـعـشـرون(22)

مساء الخير بنات لا تنسون التصويت والتعليق

#جـمـرات_نـارهـم

#بــقــلــم_بـتـول_حـسـيـن

  

  للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_الـثـانـي_والـعـشـرون(22)

-------------------------------------------------

سـاهـر ::- بعد ما اختي گالت راح تهتم بكل شي ارتاحيت لأن شوية هذا راح يخفف عن ميسم وما تحس بالوحدة ،، اتصلت بنيار بس ما رد

تركت الموبايل وضليت انتظر هو يتصل بيه ضليت گاعد بالصالة و اختي راحت لبيتها انطت خبر لزوجها اليوم تضل يمنا وغيرت ملابسها لبست اسود

وگعدت جهالها يمي بالصالة وانطتهم مبايلاتهم حتى يضلون گاعدين يلعبون بدون هوسة وبعدها راحت لغرفة أمي

گعدت أمي وميسم رن موبايلي وجان نيار جاوبته بسرعة ،،،، الو صباح الخير شنو الاخبار

نـيـار ::- صباح النور جهزت كل شي اعذرني الموبايل جان بالسيارة ما ادري من اتصلت ميسم شنو اخبارها وضعها ما اتحسن

سـاهـر ::- نفس الشي ماكو تغيير وبسبب السهر والتعب نامت قبل الفجر هي وأمي شنو سويت انت

نـيـار ::- عرفت مكانهم من أيمن وطلعتهم كل شي جاهز هسه منتظرك انت وميسم حتى ناخذهم للنجف استعجل لأن الطريق بعيد

سـاهـر ::- يله بس احاول اخليها تاكل ولو شوية ما يصير تضل هيج بدون اكل وبعدها راح اجيك ،،، فصلت المكالمة ورحت للغرفة جانت هي نايمة على الجرباية ما تقبل تگوم وأمي واختي يحچن وياها يحاولن يقنعنها

ها شلونج اليوم ،،، ما جاوبتني باوعت أليه ونزلت دموعها وبعدت نظراتها عني ،،، ميسم گومي يله تريگي وبدلي ملابسج حتى نروح ندفن اخوج وفرح بالنجف ونرجع نسويلهم ثواب هنا بالبيت يعني فاتحة زغيرة

مـيـسـم ::- بس سمعت كلام ساهر بسرعة گمت من الجرباية ،،، يله خلي نروح هسه فرح وين لگيتوها شلون اخذني  اريد اشوفهم

سـاهـر ::- صبري اول بداية روحي سبحي وبدلي جبتلج ملابس سود يله

مـيـسـم ::- وتاخذني اشوفهم ما تكذب عليه مو

::- لا اخوية ما يكذب ياخذج والله يله تعالي

سـاهـر ::- اي اخذج يله استعجلي لأن بعد ورانا طريق طويل بس نروح ندفنهم ممنوع تشوفيهم لأن فرح صار هواي متوفية وتعرفين الجثه تتحلل شنو تشوفين منها وهذا الصاير بيج كله بسبب شوفتج لمنظر اخوج لهذا نروح وندفنهم بمكان يليق بيهم واكرام الميت دفنه