جـمـرات نـارهـم

الـبـارت (29)الاخـيـر

مساء الخير لا تنسون التصويت والتعليق

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_(29)الاخـيـر

-------------------------------------------------

أم ساهر ::- اني خطبتلك ميسم غيرها ما راح اخطب ولا ادخل وحدة لبيتي

سـاهـر ::- يمه مالي خلك مشاكل اني روحي ما متحملها

أم ساهر ::- واني گلت الحچي العندي تريد تتزوج تطلع من هذا البيت ولا اني امك ولا اعرفك

مـيـسـم ::- ضغطت على ايدي بقوة حتى اگدر اسيطر على دموعي وما تنزل وتقربت بخطوات ثابتة رغم تبعثر روحي ،،، ألتفتو وشافوني ثنينهم

يمه اني ما اقبل لساهر يضل هيج هذا الشي من حقة يتزوج ويصير عندة اطفال وعائلة ليش تخسرين ابنج لخاطري اذا ما تروحين تخطبين لساهر اني اروح ويا واخطب البنية

أم ساهر ::- انچبي وما راح تخطبين ولا هو يخطب وراح توافقين وتزوجون كافي شلعتو گلبي ثنينكم

سـاهـر ::- هههه شوفي رجعت باعتني شنو تريدين اتوقع منها بعد

مـيـسـم ::- تقرب مني ولزمني من ايدي بقوة وهو يحچي بحرگة مبين كلش مقهور ومجروح مني

سـاهـر ::- لج كافي كااافي حسي ليش ادمرينا ثنينه كافي تبيعين بيه ما مقصر وياج بكل شي لو تگولين اريد روحك اگلج هاي روحي اخذيها فدوة ألج

صبرت هواي لخاطرج وما شفت منج غير الصد والبرود واني احترگ گدامج وتشوفيني محترگ وما اطفين النار البيه لييييييش بشنو قصرت وياج اني گولي بشنو قصرت حتى هيج تسوين بيه

مـيـسـم ::- سحبت ايدي منه بقوة احس ما ضل عندي طاقة تحمل اكثر انفجرت اصيح بصوت عالي وابچي

واااااني هم محترگة واكثر منك اكثر منك انت تگدر تتزوج وتنساني ويصير عندك اطفال اااااني ااااااني ما راح اگدر اصير لا زوجة ولا أم منو محترگ اكثر هسه هاااا منو محترگ گول احچي

سـاهـر ::- انتي غبيه اكبر غبيه لج كم مرة گتلج اني موافق مووووواااافق و وياج خطوة بخطوة تتعالجين وتصيرين حالج حال اي بنية تتعالجين بس انتي انانية

مـيـسـم ::- ههههه واذا تزوجنا وما تعالجت وما گدرت اصير لا زوجة ولا ام شنو تنتظر مني اكيد راح تروح تكسرني وتتزوج وهذا طبعاً من حقك ماكو واحد يگدر يمنعك او يلومك هسه اني طلعت انانية لأن افكر بيكم افكر امك ما عدها غيرك متلهفة تشوف اطفالك