جـمـرات نـارهـم

الـبـارت الـسـادس

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_الـسـادس

-------------------------------------------------

مـيـسـم ::- بعد ما اخذوني وبالسيارة گدرو يخدروني شگد مر وقت واني مخدرة ما اعرف بس من گعدت لگيت نفسي بمكان غريب

جنت بالگاع وايدي ورى ظهري مربطة المكان كلش وصخ ومابي سقف يعني مو بناء لا عبارة عن اعمدة خشب وكم سعفه وكم جينكوة قديمات كلش

خفت من هذا المكان وين اني وشنو راح يصير بيه شسويت بنفسي ما اعرف ابچي على فرح لو على نفسي لو على اخوية لان ما اعرف شنو راح يسون بي اكيد ما راح يسكت اذا عرف شنو صار أليه ولفرح اكيد هم راح يشرد

عدلت گعدتي وزحفت اريد اتجي ظهري على الحايط بس خفت يوكع عليه لان جان طين فوگ كل هذا الجو بارد الحمدلله مو ظلمة

اسمع صوت سيارات يمرن من يم هذا المكان يعني وين اني اكيد على شارع دموعي صارت تتسابق وياي صرت احاول رغم حلگي مشدود بوصله بس اگدر احچي يعني اصيح بس كلامي ممفهوم

حاولت لمن تعبت ويأست اي احد يسمعني بعد مدة مو طويلة يمكن نص ساعة او اقل شوية انفتحت الباب نبضات گلبي صارت مسموعة من الخوف وجنت ادعي ربي يگون شخص جاي يخلصني

بس طلعو المجرمين اليشتغلون ويا الاعور دخلو اربع اشخاص يضحكون ويسولفون بينهم ونظراتهم قذرة حسيتهم يريدون يفترسوني

::- شلونج قلبوشتي ههههههه

::- هسه اكيد ضايجة لا تخافين راح نونسج

::- خلي ندعي للاعور على هاي الونسة الحلوة

مـيـسـم ::- وهم يحچون بينهم تقرب رابع واحد فتح حلگي بسرعة گتله طلعوني منا ما اشرد بعد والله وارجع لوجدان

ضحك وگال

::- لاتخافين راح نرجعج بس الاعور ميحب الجديد لهذا گال اخذوها ربوها و ونسوها حتى من تروحين يمه تونسي زين بدل صديقتج ههههههه لهذا لا تعبينا هن كم يوم ونرجعج خبرة هههههههههههههههههه

مـيـسـم ::- حاولت ألزم لساني وما اغلط عليهم وضليت اتوسل بيهم بس وكأنو ميسمون حتى كلامي وگدام عيوني صارو يسون قرعة منو يغتصبني اول ومنو الثاني ومنو الثالث ومنو الرابع

واني ابچي واتوسل بربي يخلصني من بين ايدهم هواي دعيت وحسيت گلبي يريد يوگف من الخوف ،،، بعد ما خلصو القرعة تقدمو فتحو ايدي وكل واحد لزمني من مكان