جـمـرات نـارهـم

الـبـارت الـواحـد والـعـشـرون(21)

مساء الخير حبايبي لا تنسون تتفاعلون تصويت + تعليق ومتابعة لحسابي

#جـمـرات_نـارهـم

#بــقــلــم_بـتـول_حـسـيـن

    

للتواصل حساب الانستا 7bt_5y

   
     يوزر وحساب الواتباد Batol99Hussein

#الـبـارت_الـواحـد_والـعـشـرون(21)

-------------------------------------------------

إن يدآ واحدة لا تصفق ولكنها تصفع إن لزم الأمر...

------------------------------------------------

مـيـسـم ::- لا ما اعرف شنو بيها ما موصيه شي اني افتحها انت خلي نشوف شنو بيها اريد اصعد الغرفتي ،،، تقرب منها بحذر أيمن وصاح على الحرس يجيبون جهاز يريد يفحصها قبل لا يفتحها جان خايف منها بس گالوله هم ما اخذوها لمن فحصوها

هنا ارتاح أيمن وبدة يفتح الكارتونه جان عندي فضول اعرف شنو بيها لأن كلش جبيرة بس ياريتني ماوگفت هاي الوگفه ولا شفت هذا المنظر اول ما فتحها أيمن

جانت مبينه جثه لأن ملفوفة بنايلون كلش خفيف من ابتعد عنها أيمن وهو مصدوم شفت وجه الجثه وعرفته اخوية محمد تقربت للكارتونه وأيمن لزم ايدي يمنعني بس دفعته بقوة

گعدت بصفها واني صافنة عليها معقولة هذا اخوية اكثر من مرة امد ايدي اريد افتح النايلون الملفوف عليه بس بعدها اتراجع

أيـمـن ::- ميسم لا تسويها ابتعدي وينكم تعالو شليو منا

مـيـسـم ::- اليتقرب اقتله خلاص فهمتوووو هذا اخوية لا تتقربون منه اخوية هذا محمد لك محمد ليش طلعت من غرفتك اني مو محذرتك ما تطلع من اني ما موجودة ليش ما قفلت الباب عليك ليش رحت محمد

گوم يله گوم نروح نلعب بغرفتك گووووووم محممممد گووووووووم لا تضل هيج نايم هنا وتخوفني عليك اكثر يله تعال اخذك لمدينة الالعاب

فتحت النايلون جان بدون ملابس وجسمة مشرح مفتوح حتى ما مخيطي مفرغين كل اعضائة ،،، يا عمري شنو حسيت وشنو عشت وانت هناك يمهم شگد توجعت وهمه ياخذون اعضائك

كله بسببي ما جان لازم ارجع هنا كله بسببي اني ما گدرت احافظ عليك ما گدرت احميك سامحني فدوة سامحني والله ما ردت أذيك ردت اعيش اني وياك ما ردت ابتعد عنك جنت اخطط لمستقبلنا

محمد ارجع فدوة عندي هواي كلام وياك ليش عفتني وحدي كل هذا سويته بس حتى اكون قريبه منك لييييش رحت ليييييش انت الوحيد الضليت أليه انت كل عائلتي

أيـمـن ::- شنو منتضرين تعالو شيلو منا ما تشوفون وضعها ،،، ميسم عوفي الكارتونه ما يصير هيج تسوين عوفيها