جـمـرات نـارهـم

الـبـارت الـخـامـس عـشـر

           
            بارت اليوم مرااااااااا ناااااااااااار

مساء الخير واعدتكم انزل بارت قصير

وهذا بارت طويل لعيونكم والله اتحمس اكثر منكم من اشوف تعليقاتكم وتوقعاتكم

اني ممقصرة وياكم لا تقصرون قبل متقرون يله تصويت وتعليق بـ تم

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_الـخـامـس_عـشـر

-------------------------------------------------

هجرك مـرض بالـروح يتوسـع وگـام
مثـل الخبـيث وصـار ياكـل بالعظـام

------------------------------------------------

سـاهـر ::- نيار اني استمعت لكل كلامك وحاولت اقتنع اني ما اقتنعت شلون تريد مجرمين يقتنعون بهذا الكلام هذا انتحار لميسم احنا راح نخليها تنتحر هيج مستحيل اخليها تروح لهناك

نـيـار ::- شنو قصدك يعني اني ما خايف عليها والله لو بأيدي اني اروح بمكانها بس ماكو شي بأيدنا واني حاسب حساب كل شي

سـاهـر ::- لا ما تروح نحاول نشوف غير طريقة ما اخاطر بحياتها

نـيـار ::- اترك المشاعر وخلينا بالشغل تعبنا كل هذا التعب واحنا نعرف شنو الخطر الموجود بهاي المهمه مو ميسم لو عندج غير حچي

مـيـسـم ::- من نظرات نيار وكلامة عرفت ما همه غير يغيض ويقهر ساهر وحتى ما فكر بيه باوعت أله بتحدي وگتله اني جاهزة باجر اروح

سـاهـر ::- ما اخليج تروحين للموت بأيدج ميسم راح تموتين انتي مستوعبه اليصير فكري زين

مـيـسـم ::- حچيت بأستهزاء واني عيوني بعيون نيار ،،، ماكو داعي افكر نيار فكر اني بس راح انفذ

نـيـار ::- ليش تحچين هيج ترا اني هم خايف عليج بس هذا اختيارج واذا تريدين تتراجعين عادي نلغي كل شي

مـيـسـم ::- لا ما اتراجع يله ساهر خلي نرجع للبيت تعبت اريد ارتاح

سـاهـر ::- اخذتها وطلعت واني احس مربط ما بأيدي شي وكلش خايف عليها لازم اقنعها تلغي كل شي واني احاول اجمعها ويا اخوها واخلص بقية البنات

اخذت عشه وياي ورجعنا للبيت طول الطريق هي ساكتة وحتى من رجعت للبيت ذبت نفسها بحضن أمي بالصالة تمددت على التخم وخلت راسها بحضنها وأمي صارت تمسد على شعرها