جـمـرات نـارهـم

الـبـارت (28) قبل الاخير

مساء الخير طبعاً ردت اختمها بهذا البارت واختصرت احداث اكثر من سنتين بس ما گدرت اكمل الاحداث بهذا البارت ان شاء الله راح يكون ختام القصة بالبارت القادم

لا تنسون التصوووووويت والتعليق

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

 
      يوزر وحساب الواتباد Batol99Hussein

#الـبـارت_(28)_قبل الاخير

-------------------------------------------------

سـاهـر ::- لا تخافين كل شي موجود التسجيل اكبر دليل من گالج الاعور اخليج درع حتى احمي نفسي وانتي شي طبيعي ادافعين عن نفسج

مـيـسـم ::- رغم هو حاول يطمني بكلامة بس شي طبيعي اخاف كل شي اتوقع منهم بعدها خلصت باقي اليوم هادئة بس بداخلي هوسة وافكار هواي

ورجعت انام بغرفة ام ساهر ،،، والصبح گعدني ساهر ما گدرت اكل شي جنت متوترة كلش جهزت نفسي وطلعنا للمحكمة ونيار جان هناك منتظرنا

والحمدلله گدرو يثبتون اني بريئة والصار دفاع عن النفس ورجعت للبيت واني منتصرة عليهم وبعد فترة ثبتو كل شي سوو بالادلة وتمت محاكمتهم بيهم اعدام وبيهم مؤبد

وجانو نيار وساهر ما يقبلون يحچون اي شي يخصهم بس گالولي عن محاكمتهم حتى ارتاح واعرف گدرنا ناخذ حقنا وحق كل شخص انظلم

بعد هذا الصار كله اليوم صار اربعين اخوية محمد الله يرحمة سوينا بيناتنا وبعدها اخذني ساهر للمقبرة لفرح ومحمد لو مهما يمر وقت مستحيل انساهم ولا يبرد گلبي

ثنينهم ماتو بطريقة بشعة كلش بعد اربعين محمد بأسبوعين أم ساهر فتحت وياي موضوع زواجي من ساهر ورفضت

يومين ساهر ما رجع للبيت بكل مرة اتصل بي يگول عندي شغل ما فارغ عندي واجب بغير محافظة واعرف يكذب عليه

باليوم الثالث جنت گاعدة بالصالة بالوحدة باليل اباوع فلم بس ما جان عقلي ويا الفلم جنت افكر بساهر بعدها سمعت صوت سيارته من دخلت للگراج ما گمت من مكاني

تمددت وسويت نفسي نايمة ماعرف السبب يمكن جنت خجلانة منه لأن رفضته بس اني جنت شاكة بنيار عندة نفس مشاعر ساهر لهذا خفت تخرب علاقتهم بسببي

سمعت صوت باب الصالة من انفتح عرفته دخل للصالة
شوية وسمعت صوت حسراته

سـاهـر ::- بس لو اعرف السبب على الاقل ارتاح ماعرف ليش هيج تتصرفين وياي رغم معرفتج اني احبج ،،،، ميسم گعدي ميسم ليش نايمة هنا گومي لغرفتج