جـمـرات نـارهـم

الـبـارت الـثـامـن

مساء الخير حبايبي

اعتذر عن التأخير بالنشر جان عندي خطار اليوم وگوه گدرت اكتب البارت اليوم والله العظيم لا تنسون التصويت والتعليق ومتابعة الحساب

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_الـثـامـن

-------------------------------------------------

نـيـار ::- ماكو روحة ولا هو يجي راح تصيرين ويانا بس بالاول ادربج الملازم ميرا حتى تكونين جاهزة تحمين نفسج واخوج وحتى تاخذين ثارج وثار صديقتج وتخلصين البنات البقية ونخلص من خليه متكاملة اتاجر بالبشر

اني اشوفج تگدرين لهذا الشي وانتي بكيفج بعد اذا تگولين اي راح يكون گدامج طريق طويل وخطر بس اتأكدي ما اتركج وحدج اني وساهر بظهرج واذا ترفضين هذا شي يخصج ما اگدر اجبرج

مـيـسـم ::- اني هذا الكلام كله ميهمني حالياً اريد اخوية وبس وبعدين افكر شنو اسوي

نـيـار ::- باعي عليه وافهميني وافهمي الكلام الراح اگولة ألج كلش زين ،،، تعرفين شنو يعني عصابه ومجرمين شفتي شنو سوو بصديقتج فرح خلي ساهر يسولفلج بالتفاصيل شنو شافت فرح هناك لان هي كل شي تگولة لساهر حتى ازغر تفصيل يصير وياها

لو اضمج جوه الگاع راح يطلعوج بعد فترة قابل تضلين كل عمرج هنا مطلعين واخوج خطر عليه اذا ناخذة ليش متفهمين هذا الشي هو يمهم وتحت امرهم راح يعيش ومحد يمسه بسوء وتعرفين الولد مو مثل البنية ما راح ينضر بشي خلصي تدريب وهو هم راح يفيدج

راح تگدرين ترجعين لهناك بسببه

مـيـسـم ::- شلون ارجع هناك عقلك بي شي راح يقتلوني بس ارجع

نـيـار ::- واني اول مشفتج گلت قوية و وگحة ما راح تعوف حقها

مـيـسـم ::- ومنو گال راح اعوف حقي ودم فرح هههه اني اريد أمن على اخوية وابتعد عنكم حتى ما اضركم وارجع واخذ حقي ما اريد مساعدتكم

سـاهـر ::- تركي اخوج هناك افضل وهذا الشي واجبنا يعني هاي مهمه تابعة لشغلنا مو انساعدج هي هاي مهمتنا صار سنه واي معلومة ما گدرنا نعرف بس فرح الله يرحمها هواي فادتني بمعلومات

مـيـسـم ::- ماشي بس اخوية اذا صار عليه شي ما راح تخلصون مني

نـيـار ::- اذا هيج قوية انتي احتفظي بقوتج من تروحين هناك