جـمـرات نـارهـم

الـبـارت الـثـالـث والـعـشـرون(23)

مساء الخير حبايبي لا تنسون التصويت والتعليق

اعرف البارت مو كلش طويل بس والله ما گدرت اكتب اليوم غير هذا بالبداية ردت انزل اعتذار وما اكمل كتابة البارت بس بعدها گدرت احصل وقت وكتبت هذا البارت
عندي بناء وتعرفون العمال والشغل البعد ميروحون العمال شلون متعب لهذا عذروني اذا اقصر وياكم

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_الـثـالـث_والـعـشـرون(23)

-------------------------------------------------

قد يرغبُ المرء أحياناً بأنّ يرى
إلى أي مدى بإمكان الطرف
الآخر المحاولة مِن أجلهِ ..

------------------------------------------------

سـاهـر ::- اخذت قطنه وعقمتها وشلت المغذي وبعدها الكانولا ضليت لازم مكان الوريد بالقطنة وتذكرت شي مهم لازم تعرفة ميسم ،،،، صدگ نسيت اگلج ترا بيوم منقتل اخوج من حبسج الاعور امر أيمن يطلگج وهو راح طلگج

مـيـسـم ::- هو گالك هيج

سـاهـر ::- لا بس انتي مو جنتي موجودة وياهم بالصالة سمعنا من جهاز التنصت

مـيـسـم ::- شلون نتأكد اذا صدگ نفذ كلام الاعور او يكذب اني ما اعتقد طلگني لأن أيمن گال يحبني

سـاهـر ::- ميسم ليش تحچين برود شنو عندج مشاعر لأيمن ،،، سألتها هذا السؤال وجنت خايف كلش من جوابها لأن حسيت تصرفها غريب المفروض تفرح بس هي تحچي برود

مـيـسـم ::- ههه تشاقة اكيد مو باوعت بعيونه وعرفت ما جان يشاقة وسؤالة جدي ،،، اي عندي مشاعر ألهم كلهم وانت تعرف هاي المشاعر هي كره وحقد انت شلون تفكر بهيج شي

سـاهـر ::- ماعرف بس انتي باردة من گتلج هيج اني متأكد هو نفذ كلام الاعور بس هم راح نتأكد بالتحقيق

مـيـسـم ::- لعد شمنتظر اهلهل بالنسبة أليه ما يهمني اي شي بعد

سـاهـر ::- حتى اني ما اهمج

مـيـسـم ::- ليش انت شي

سـاهـر ::- ماعرف شنو اني بالنسبة ألج

مـيـسـم ::- انتم هسه كل شي بحياتي

سـاهـر ::- انتم ؟!
يعني مو بس اني ههههه ميخالف نمشيها ألج هاي المرة يله گومي نطلع بالصالة

مـيـسـم ::- طلع هو من الغرفة وبعدها گمت اني من الجرباية بس احس بدوخة كلش قوية گوة گدرت اتوازن و ما وگعت