جـمـرات نـارهـم

الـبـارت الـسـادس والـعـشـرون(26)

مساء الخير يحلوات لا تنسون تتفاعلون صوتو وعلقو

#جـمـرات_نـارهـم

#بــقــلــم_بـتـول_حـسـيـن

 

  للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_الـسـادس والـعـشـرون(26)

-------------------------------------------------

مـيـسـم ::- بعد ما گال واحد بيهم اخذوها تقربو مني ثنين اخذو الموبايل من ايدي شمرو على التخم وكلبچو ايدي

::- وين ماخذيها انتم مو قبل شوية جانت بالمركز انتظر من يجي ساهر اخذوها والله اخلي يطيح حظكم ابتعدو عنها

مـيـسـم ::- صارت تدفع بيهم وتجرني بس سحبوني بسرعة بدون ميحچون وياها ولا كلمة جنت مصدومة وبس دموعي تنزل ما گدرت اسوي اي شي لنفسي

صعدوني بسيارتهم واخذوني وجانو ثنين سيارات وحدة الموجودة اني بيها والثانية همه لأن جانو هواي جانت نظراتي تتجول بينهم وخايفة

واخيراً گدرت انطق وسألتهم وين ماخذيني بس ولا كأنما يسمعون ابد هواي مشت السيارة والطريق مجهول عرفت مو شرطة واني انخطفت

جنت افكر بساهر واگول هسه يعرف اني انخطفت وهسه يجي بس وصلنا لمكان مهجور بيوت كلش قليله و جانت بناية جبيرة موجودة بس فارغة من دخلت ألها عرفتها مدرسة

بدون ولا كلمة سحبوني من ايدي وشمروني بغرفة زغيرة اعتقد مخزن جانت ظلمة كلش سدو الباب وصرت ما اشوف اي شي غير خط ضوء قليل جاي من جوة الباب

گعدت بمكاني ما تحركت جنت خايفة كلش المكان مبين مهجور وقديم و وصخ الوقت يمر وبدة اليأس يتملكني گلت هاي نهايتي هنا وساهر ما راح يلگاني راح اموت هنا

ما جنت خايفة منهم بگد خوفي من هذا المكان المظلم ساعات طويلة مرت عليه بهذا المكان لا مي ولا اكل واحس گلبي راح يتوقف واني اشوف الضوء يختفي عرفت اختفت الشمس وصار المغرب

وبعدها ما لمحت اي شي كلش ظلام صار بديت اسمع اصوات غريبة مرة صوت خطوات مرة صوت انفاس قريبة مني صرخت بصوت عالي

طلعععععععععععوووووووووني يمه وينج تعاليلي عليكم الله طلعوووني منا اني اخاف من الظلمة طلعوني سااااهر وينك وين رحت وتركتني نيااار

صرت ابچي بصوت عالي واصيح بأسم اماني وسندي بس ماكو اي شخص فتح الباب اخير شي اتذكرة صوت ضحك بنفس المكان الموجودة بي بعدها بسبب الخوف فقدت الوعي