جـمـرات نـارهـم

غش من بارت 18

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

        يوزر وحساب الواتباد Batol99Hussein

#غش_من_بارت18

-------------------------------------------------

مـيـسـم ::- والله اني هواي حاولت ولحد الان احاول دائماً اگعد ويا أيمن بس حتى احچي ويا واسحب معلومات اكثر ،،، واني احچي ويا نيار سمعت صوت أيمن يصيح بأسمي وصوته كلش قريب

نـيـار ::- لا تصفنين تحركي روحي نزلي بسرعة ميسم مو وياج روحي شبيج ،،، ما ردت عليه بس بين الخوف على محلامحها وجمدت بمكانها وبعدها وگعت بالگاع فقدت الوعي بسبب الخوف

احتاريت شتصرف هم خايف عليها وهم ما اريد يخرب كل شي ويروح تعبنا بسرعة طفرت الحايط ولزمت الدرج الحديد وصعدت وتمددت ويا التانكيات مال المي وما تحركت

اسمع صوت أيمن وهو يصيح بأسمها كل شوية اريد انزل واشوفها شبيها وارجع امنع نفسي اخاف تتأذة بسببي طول هواي أيمن وبعدها سمعت صوته بالسطح يصيح بأسم ميسم

أيـمـن ::- ميسم شنو صاير هنا ليش هيج حالتج ميسم تسمعيني

مـيـسـم ::- بعد مسمعت صوت أيمن ما اعرف شنو صار أليه بس بعدها عرفت فقدت الوعي ومن گعدت شفت نفسي بالغرفة وأيمن گاعد قريب مني

عدلت نفسي واني مرعوبة اريد اعرف شنو صار نيار وين خفت احچي اي شي ضليت ساكته وانتظر هو يسأل

أيـمـن ::- شنو صار شسوين هناك وليش هيج وضعج

مـيـسـم ::- من كلامة اطمنت ما شايفين نيار حاولت اهدء وبعدها گتله ،، جنت گاعدة بالصالة وسمعت صوت ومن صعدت فتحت الباب جانن بزازين يتعاركن بينهن ومن طردتهن وحدة طفرت عليه خفت وبعدها ماعرف شنو صار

أيـمـن ::- شلون هيج تروحين وحدج ليش ما صحتي لواحد من الحرس اذا طلعن مو بزازين جان شنو سويتي واني هواي دورت عليج ما لگيتج وگلت يمكن طالعة من سألت العاملات گالن لا ما طلعت رجعت ادور وصعدت شفت الباب مفتوح عرفت انتي هناك بس انصدمت من شفتج فاقدة الوعي

مـيـسـم ::- بسبب الخوفة الصارت بيه حتى ما بيه حيل احچي هزيت براسي وگوة طلعت الكلمات مني ،،، لا تخاف ماكو شي بعد ما اصعد هناك مرة ثانية

أيـمـن ::- كلش قلقت عليج ههههه صدگ هيج صار بيج بسبب بزونة هههه واني اگول عليج مفترسة

مـيـسـم ::- ما جنت ادري راح تطفر عليه هيج شمعرفني الحمدلله ما اتأذيت منها شلون بزازين هذني متوحشات

أيـمـن ::- غير عايشات ويا وحوش ههههههه

مـيـسـم ::- هههه ،،، ابتسمت گدامة مجاملة بس اريد اخلص نفسي من هاي الورطة 

-------------------

وهاي غش مثل مطلبتو وان شاء الله باجر انزل بارت 18

اشوفكم بخير