جـمـرات نـارهـم

الـبـارت الـخـامـس والـعـشـرون(25)

مساء الخير يحلواتي يله تفاعلو صوتو + علقو قبل متقرون البارت

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_الـخـامـس_والـعـشـرون(25)

-------------------------------------------------

عيش ولا تظل تمشي وره جروحك
‏تره شما سولفت ع البيك
تبقى التوجعك روحك .

-------------------------------------------------

مـيـسـم ::- ضليت وحدي بمكتب نيار وكل افكاري سلبيه مو بأيدي تعودت على القلق وهيج افكار بعد كل شي عشته صرت اتوقع بس المصايب وكل امل جان عندي اختفى بعد موت محمد

توقعت كل شي انتهى بعد ما لزموهم توقعت راح ارتاح بعد ما خسرت كل شي حتى عائلتي البسيطة صفيت وحدي وهم ما ارتاحيت حتى وهم بالسجن ما تركوني بحالي

ساهر اتأخر كلش وهذا الشي قلقني يعني اكيد اكو مشكلة ليش هيج اتأخر گمت وصرت افتر بالمكتب وافكر شنو راح يصير بيه معقولة انسجن بعد مساعدتي ألهم وضحيت بأخوية وصديقتي و ردت اموت كل هذا واخير شي هيج يشكروني

كلش اتندمت گلت لو تاركة الانتقام وما مساعدتهم ورايحة وحدي وماخذة اخوية وعايشة بعيد عن كل هاي الهوسة ،،، همه ما يستاهلون بس بقية الاطفال والبنات يستاهلن لأن خلصن من هيج مجرمين

واني اتخبط بين هاي الافكار انفتح باب المكتب ودخل ولد تقريباً بعمر نيار ونفس ملابس ورتبة ساهر ضل يباوعلي من رجليه لراسي بنظرات غريبة وابتسم تك خد بأستهزاء

انت ما تستحي كل هذا الكبر والطول والرتبة وما تعرف احترام الخصوصية المفروض ادگ الباب وتستأذن من صاحب المكتب وبعدها تدخل اذا ما تعرف هاي اني انطيتك درس وعلمتك وهسه اطلع برا نيار ما موجود هنا

مـاهـر ::- حلو حلوو هههههههههه اكيد انتي ميسم العظيمة الگلبتي هذا المركز وبعض من الكبار المعروفين بالدولة هههههههههه احترامي ألج

مـيـسـم ::- استفزني كلش ويضحك يستهزء بيه ياخذلي تحيه ،،، شنو حضرتك تستهزء ههههه اي حقك ،، باوعت عليه بطرف عيني وگتله ،،، حقك حقك تنضغط مني لأن وحدة بعمري هذا گدرت تسوي الماسويتو انتم بهاي رتبكم ومكانتكم

مـاهـر ::- لا ليش استهزء وانضغط بصراحة احييج وحدة بهذا العمر والحجم هيج سوت شي يفوق الخيال هههه

مـيـسـم ::- لا مو وحدي وراي سباع وسند أليه وكلنا ايد وحدة گدرنا ننتصر على الباطل صحيح خسرت هواي بس الحمدلله گدرت اخلص من هيج وحوش ،،، وهسه شرايد نيار و ما موجود هنا