جـمـرات نـارهـم

الـبـارت عـشـرون (20)

مساء الخير حبايبي

هذا بارت صحيح مو طويل بس ما حبيت اتركم بدون بارت لا تقصرون بالتفاعل

لا تنسون التصوووووويت والتعليق ومتابعة الحساب

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_عـشـرون(20)

-------------------------------------------------

مـيـسـم ::- طلعنا من بيته و اول مصعدنا بالسيارة اتصلو على أيمن وصوته تغير وصار عصبي و هو يگول متأكدين وين اختفى لعد انتم شنو شغلكم هناك

مغصتني بطني خفت حتى اسأل أيمن شنو صاير كلش خفت بس هو ألتفت أليه وگال

أيـمـن ::-  محمد ما موجود بالبيت وهسه يدورون عليه بكل مكان لا تقلقين او تخافين اكيد راح نلگاه

مـيـسـم ::- أيمن شنو يعني محمد ما موجود هو مو بالبيت وين راح لا تخبلوني

أيـمـن ::- صوتج شبيج هسه نوصل ونفهم شنو الموضوع

مـيـسـم ::- واني انتظر اوصل وافهم هذا اخوية تفهم شنو اخوية كل شي سويته لخاطر اضل ويا

أيـمـن ::- ميسم ليش هيج تحچين وياي وترفعين صوتج بوجهي ترا وگفت وياج هواي وبكل خطوة اساعدج واكثر من مرة تغلطين واعدي الغلطة و اوكف وياج

مـيـسـم ::- گول أله يسوق بسرعة واذا طلع ألك أيد بهذا الشي ما راح اسكت واذا تريد اعتبرة تهديد ما خايفة اذا اخوية صارلة شي احرگك انت وكل شخص مشترك بهذا الشي

أيـمـن ::- راح اعذرج لأن انتي بوضع صعب وراح اعتبر نفسي ما سمعت شي

مـيـسـم ::- صار الطريق اطول من عمري حسيت راح اموت قبل لا اوصل گلبي صار ينغزني وكل الافكار السود تجمعو بعقلي

اول موصلنا نزلت من السيارة مثل المجنونه ادور بكل مكان واصيح بأسم محمد بس ماكو اختفى اخوية اختفى أيمن ما شفته طلع يدور عليه وبعد ما رجع

بكل هاي الهوسة والكل يدور ومخبوص حسيت بوحدة مو طبيعية وكأنو عايشه وحدي ماكو اي بشر يمي وكل فترة هذا الاحساس يجيني

احتاريت لمنو اروح و وين ادور اخوية وبنص كل هاي الافكار صار گدامي نيار وساهر بسرعة صعدت لغرفتي وقفلت الباب طلعت الموبايل واتصلت على نيار و أول ما رد عليه گتله واني ابچي