جـمـرات نـارهـم

الـبـارت الـعـاشـر

مساء الخير حبايبي

بارت طويل لعيونكم تعويض عن اليومين الفاتن لا تنسون التصويت والتعليق

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_الـعـاشـر

-------------------------------------------------

في بحر عينيكِ هامت كل اشواقي
ياربة الحسن هل تنوين اغراقي
ماكنت اؤمن بالعيون وفعلها
حتى دهتني في الهوى عيناكِ…

-------------------------------------------------

مـيـسـم ::- بدلت ملابسي وطلعنا اني وساهر من المعسكر جان ضايج ومقهور من نيار ومن ميرا وبس يدردم

سـاهـر ::- تخبلو هذول اي عقل ما ضل عدهم نيار عندة كل شي ينحل بالعصبية والقسوة والعناد وبسبب هذا الشي خسر عائلتة من نگول اترك هذا الشي يعاند وما يتركة لو يموت

شگد جنت اتوسل بي واحاول ابعدة عن علاقاتة بالبنات بس هو يعاند لأن الكل صار ضده بهذا الشي اناني وبعد ما خرب بيته بيدة هسه ولا بحال بنية ولا يلتفت للبنات بس يكابر وما يگول ما عندي علاقات وتركت هذا الشي صديقي واعرفة حافظة اكثر من نفسه

مـيـسـم ::- لا تضوج كافي انسى الموضوع

سـاهـر ::- وانتي هم طايحة حظ وتعاندين ولسانج طويل ميسم ترا هيج ميصير بطلي عناد

مـيـسـم ::- ما تگول أله هو يبطل عناد ويبطل يتحكم بيه شنو مستعبدني لأن گاعدة بيتهم عيب عليه هيج يسوي

سـاهـر ::- والله ميفيد وياكم الكلام

مـيـسـم ::- سكتت وهو هم سكت وصلنا لبيتهم نزل فتح الباب ودخل السيارة للگراج ونزلنا دخلنا للبيت امه جانت گاعدة بالصالة

سـاهـر ::- يمه ابو الشباب راح يضل يمنا كم يوم ابدل ملابسي واطلع اجيب ملابس ألج واكل ما اگدر اطلعج لأن تعرفين الوضع

ام ساهر ::- هلا بيها بس لا تگول ألها هيج بعد يمه عيب هي بنية

سـاهـر ::- يمه لا يغرج الشكل ترا ابو الشباب زلمة معدل ههههههه

مـيـسـم ::- استحيت من امه ما گدرت ارد عليه سكتت
رن جهازي وجان نيار باوعت لساهر و هو باوعلي وبعدها راح دخل لغرفته واني رديت على المكالمة

ماكو صوت بس صوت انفاسة تنسمع شوية وحچه

نـيـار ::- اني اسف والله ما ردت أذيج بس انتي تعاندين ما تتكرر مرة ثانية بس لا تعوفين البيت وتروحين لبيت ساهر والله هاي الفكرة تخبلني عيب گدامه اتراجع عن كلمتي واتركج واترك مسؤليتج