جـمـرات نـارهـم

الـبـارت الـسـابـع (هدية)

مساء الخير لا تنسون تتفاعلون صوتو وعلقو ترا تفاعلكم كلش قليل

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_الـسـابـع (هدية)

-------------------------------------------------

وتغيرت الشخصية
واطباع حلوات شكثر
من رحت ماتن بية

حتى وية اهلي تغيرت
ما اكعد وياهم صرت
ومن اكعد احجي شوية

والناس عافوني لان
ياهو اليعاشرلة بشر
ما يلكة بي حنية ؟؟

--------------------------------------------------

سـاهـر ::- الحمدلله بس سألت هواي عن اخوها ومختفي و واحد من الاطفال اليشتغلون ويا گال مات اعرفه لهذا الطفل جان دائماً يشتغل ويا محمد

لهذا لحيت عليه وهو مبين خايف كلش گال دعمته سيارة ومات عرفت قتلو وناشرين بين بقية الاطفال على اساس حادث ،،، ما ضل عقل عندي والله محمد جان قريب مني ويومية اشوفة واحچي ويا جنت واساعدة بمبلغ بسيط بس ابتعدت عنه من بعد حادث فرح وشغلي وياها

نـيـار ::- اترجاك لا تگول لأخته اذا سألتك كلها شفته يشتغل وياهم ما بي شي ممأذينه خلي تتحسن وبعدين نگول ألها

سـاهـر ::- اني ما اگدر اواجها واگول ألها لان كل الصار بسببي بس هم ننتظر نتأكد اول شي وبعدين ننطيها خبر

نـيـار ::- تمام نتأكد اني وياك باجر ،،،،، فصلت المكالمة واني حاير خطية هاي البنية اذا صدگ طلع اخوها متوفي بعدها زغيرة وشافت وتحملت اشياء كلش جبيرة شلون راح تكمل حياتها

ضليت منتظر العشه وبعدها اخذته ورجعت للسيارة ورجعهتم للبيت وما گدرت اتعشه تركت البيت وطلعت عندي واجب وهم ما اريد اواجه البنية

---------------------------------------

مـيـسـم ::- من رجعنا جانت اخت اية موجودة انهار وحاوطني هنه وامهن كلش حبابات وحنونات بس اني ما جنت احچي غير كم كلمة او بس اهز براسي

حتى الاكل گوة اكل والگحة دمرتني اي شي اكله اتقيئ بسبب البرد بهذاك المكان ما اگدر انسى الصار وياي كل مرة اغمض عيوني اخاف وارجع اشوف كل شي صار وياي

جافاني النوم بسبب الخوف رغم وياي البنات ثنينهن بنفس الغرفة وفوگ كل هذا ما اگدر اتحرك هواي بسبب الخياطات الموجودة

الجو باد وكل شوية احتاج حمام وگوة اگدر امشي وبكل مرة اضل ابچي واتوسل بربي ياخذ امانته ويخلصني تعبت كلش تعبت