جـمـرات نـارهـم

الـبـارت الـرابـع عـشـر

مساء الخير التگول البارت قصير ادججها 🔪

لا تنسون التصويت والتعليق

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_الـرابـع_عـشـر

-------------------------------------------------

سـاهـر ::- بعد ما فتحت الباب ميسم لأم نيار جنت ابتسم بداخلي واگول أم نيار حنينة اكيد اجتي حتى تعتذر من ميسم ويتصالحن

بس انصدمت من سمعت كلامها وحسيت صوتها متروس حقد وتخلبت من سمعت سهگات ميسم احس گلبي اشتعل نار وهاي النار راح تحرگ حتى صديقي نيار بسبب اصرارة هي ضلت هناك وبسببه انذلت ميسم

ضليت احچي بعد مراحت أم نيار بس ما ترد عليه ميسم بس اسمع صوت بچيها وشهگاتها غلقت الاتصال ورجعت اتصل بس ما ردت

استمريت اتصل بيها ومن ردت وگالت شنو صاير عرفت راح تصير مشكلة جبيرة بسبب كلام أم نيار ما اهتميت للوقت لبست ملابسي واخذج موبايلي والسويج وطلعت من البيت

'''''''''''''''''''''''''''''

مـيـسـم ::- بعد ما عرف نيار شنو صار رحت گعدت على التخم احس خلصت طاقتي ما حچيت اي شي نيار ضل ساكت فترة وبعدها حچه بهدوء وياي

نـيـار ::- اعتذر على كلام امي اني گتلج هذا بيتج وماكو واحد يگدر يطردج او يطلعج منا انتي بكيفج اتخلين التريدي واطردي المتريدي هذا بيتج لا تخلين اي شخص يتحكم بيج او يأثر بيج بكلامة انتي ما مسوية شي غلط

باوعت لأمي المكتفة ايدها وتباوع بحقد لميسم وگتلها نزلي حضريلي كل ملابسي وشغلاتي اني الصبح اطلع من هذا البيت كله حتى ما تصير مشاكل

انـعـام ::- اكسر رجليك وما تطلع منا وين عايفنا نسوان وحدنا انت ليش مجلب بيها كافي نيار عوفها تروح وين متريد تروح انت ما ألك طلعة من هذا البيت اني امك واني الجبيرة هنا واذا دست حچايتي وطلعت ما راح يصير خير

وميسم اني حچيت وياها وألها بس باجر ادبر وضعها

نـيـار ::- رغم اريد اهدء وما اصير عصبي گدام ميسم بس ما گدرت صرت اصيح ،،، اني مو طفل وتحچين وياي هيج خلي احترام أليه كافي تهينين بيه البنية يتيمة واني تكفلتها وانتي من اطرديها من بيتي تهينيني

ما تطلع منا فهمتي ما ألها طلعة من هذا البيت والميعجبة هو يطلع لو اني لو انتم ما دامج اتحديتيني ومن ورى ظهري اطردينها