جـمـرات نـارهـم

الـبـارت الـثـانـي عـشـر

مساء الخير يحلوات

هاي شنو عيني كلها صارت من فريق ساهر ههههه سويت بالستوري تصويت وكلش قليل من فريق نيار

+ اعرف البارت مو كلش طويل ان شاء الله باجر اذا گدرت انزل بارت

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_الـثـانـي_عـشـر

-------------------------------------------------

ان الذي يجذب إنسانًا إلى أنسان آخر هو ذلك العنصر من التناسب، وليس الكلام .

- جلال الدين الرومي

------------------------------------------------

سـاهـر ::- ميسم الأسم هذا ضاف لون وطعم لحياتي اتذكر لحد الان اول مرة شفتها بيها ماعرف ليش وشلون توقفت اني وسيارتي بس حتى اتمعن اكثر بضحكتها

بيومها رجعت من دوامي وجانت وقت مغيب الشمس وجانت گاعدة هي وفرح الله يرحمها بأيدهن ككو ما اعرف نستلة وگاعدات على رصيف وماعرف شنو الحديث الدار بينهن ورسم الضحكة على وجه ميسم

ضحكتها خطفت گلبي ومنظرهن حيل قهرني بنفس الوقت ضليت فترة واگف اراقبها وبعدها رجعت لبيتي ما جنت اعرف هي اخت محمد جنت اساعدة كل مرة اشوفة بيها واضل احچي واشاقة ويا

بعد اول مرة شفتها بيها صدف مرة ثانية شفتها بعد اسبوع اجتي للبيت وهذا جان اول مرة تشوفني  بالنسبه ألها بس اني جان ثاني مرة اشوفها

وبعدها تعودت كل مرة ارجع من الدوام احاول اشوفها عيوني ادورها بكل مكان ماعرف شنو السبب بس لفتت نظري جنت اضن هاي شفقة لأن هي بهذا العمر و تفتر بين الشوارع والبيوت

بس بعد يوم حادث الاغتصاب عرفت هاي مو شفقة واتأكدت بأيام التدريب بالمعسكر بكل يوم اراقبها بي وكل ساعة ودقيقة تعلقي بيها يزيد اكثر واكثر

حبيتها بطريقة ما ممكن جنت اتخيلها جنت اگول هي بعدها زغيرة مو وقت الحب هذا هسه ،،، خلي نخلص مهمتنا وتستقر اوضاعنا ثنينا وبعدها افتح هذا الموضوع ويا نيار و اخطبها

بس نضرات نيار وتحكمة وقسوته عليها ونضرات الشك ألنا ثنينا هذا الشي وقفني وخلاني اتحكم بنفسي اكثر ردت اعرف وين توصل ويا نيار

گوة ضابط اعصابي حتى ما اخرب علاقتي ويا صديقي واخوية بس هو تصرفاته غلط و هواي يجرحها صرت انطي اعذار واخلق اسباب من يمي