جـمـرات نـارهـم

الـبـارت الـثـالـث عـشـر

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_الـثـالـث_عـشـر

-------------------------------------------------
»

"تذكر دائمًا أن الخيارات لا مُتناهية، وأنك لست محدودًا بفرصةٍ واحدةٍ أو بمستقبلٍ معينٍ."

"تذكر دائمًا أن في الحياة رحابة، وأن الآفاق واسعة، وأن الدنيا أكبر من أن تتمسك بشيء ظنًا منك أنه قد لا يتكرر."

------------------------------------------------

مـيـسـم ::- ضلينا اني وساهر ندرب للعصر رجع نيار وگال كملت كل شي بالبيت وبعدها گال عرف معلومات عنهم وعن اماكنهم الجديدة

ومكانهم القديم هنا بغداد بعدة ما فرغو بس استلمة أيمن وشوفوني صورته عرفته شايفته اكثر من مرة وخططت لشي بدون ما اگول ألهم راح انفذ وحدي

و دعيت بداخلي السمعته من البنات بالبيت الثاني اليروحن للملهى يكون كلامهن صح واذا طلع الكلام كذب راح اروح لدماري اكيد ولازم اتحمل العواقب

للمغرب وطلعنا من المعسكر ساهر ما قبل يضل لأن امه وحدها البارحة هم ضلت لوقت متأخر وحدها بالبيت  اخذنا عشه ويانا وساهر ماقبل يجي ويانا تحجج يريد يرجع بس ما قبلت گتله تتعشه يمي وبعدين تروح

جنت ويا ساهر بسيارته ونيار وحدة راح بسيارتة گتله يصف السيارة

سـاهـر ::- ليش تريدين شي

مـيـسـم ::- اي اطلبك حلويات هذاك اليوم نصهن اكلتهن انت والبقية نسيت اخذهن

سـاهـر ::- ههههههه بس هاي ماكو اسهل منها ادللي

مـيـسـم ::- نزل ساهر من السيارة ونيار بسرعة اتصل عليه

نـيـار ::- ليش وگفتو هناك صار شي

مـيـسـم ::- لا كمل طريقك ردت شي وگلت لساهر يشتريلي هسه جايين وراك

نـيـار ::- احس النار صعدت من گلبي لراسي احاول اسيطر على نفسي بس ماعرف شنو صار أليه ما جنت هيج اول معرفت ميسم وما جنت اهتم لوجودها ويا ساهر لأن اثق بي هسه ليش هيج يصير وياي ليش من حبيتها ما اگدر اتحكم بنفسي

فصلت المكالمة قبل ما تطلع مني كلمة وتزيد المشاكل وتبتعد ميسم عني اكثر واكثر

مـيـسـم ::- سدة بوجهي مبين انزعج على شنو هيج ينزعج من اقل كلمة او حركة ماعرف ما يتعب من نفسه
انتظرت ساهر ما طول هواية ورجع بأيدة علاگة حلويات