ثأر مُخلد

البارت (2 )

شَلونَك؟
يَبعد المو الي شلونك
يَالتَعبتني انتَ وهَلي
لابيك كَطره مِن الهَلا ولاملكَه غيرك بي دَوه

************************************

"اكبر "
مُخلد راد يروح ويه ودق دك موبايله اسمعه كال
-ود
بابا على كيفج شصاير
هسه هسه حجي مسافة طريق بويه دربالج على اختج وامج لاتخلي ياذيكم
بنتي حاولوا طلعون من بيت هذا سكران بنتي لاتراددي
لاتبجين فدوه
جاي وعيونج الحلوات جاي
طفه الموبايل وكام
طفرت وراه
- شكو مُخلد شبيك
صعد بالسياره وصعدت يمه واني كلشي مامفتهم من سالفه
فتح سويج وحرك وساق بسرعه جنونيه
- مُخلد على كيفك حتسوي حادث يمعود فهمني شصار خالتي بنات بيهم شي
- اكبر ابوي حيحركهم لك حيكتل خالتي واخواتي هذا مسودن كلشي يسوي
اووف ياربي لك شلون شلون امنت اخليهن يمه ضرب لاستيرن بكل قوته
- اكبر ذني روحي من دنيا اذا صارلهن شي انتهي مُخلد ينتهي

- بس اهدء هسه نوصل والله ميصيرلهم شي لاتخاف يمعود ضغطك حيعلك
دار وجهه واستغفر

اباوعله يسوق ودموعه تنزل وكلساع ضرب لاستيرن وشهك
اول مره اشوف مُخلد يبجي وهيج ضعيف لعد شكد يحبهن

غمضت عيوني
اجت كبالي عيون ود
اخخخ ياربي لايصيرله شي دخيلك يا اللّٰه
اعرفه ماتسكت ...

وصلنه لراس الفرع
اسمع صريخ خاله حنان يوصل النه ويمه سمر خاتله بحضنه تبجي
-وددددد ماما ودد الحكوني بنتي جوه فدوه اروحلكم حتحترك
والوادم تحاول تهديه
وهذا الي يتصل بالاطفاء
والي يكلوله هذا حد يومه
مُخلد نزل يركض وصاح
- لاياربي راحت بنتي

نزلت ركضت وراه
دخلت بيت ويه مُخلد
ركضنه على درج من خوف على ود سوينه الدرج بايتين

راح مُخلد يدفع الباب ويصيح

- ود بابا فدوه اسمعيني فدوه ردي هسه اطلعج

لاتخافين لو نطلع سوه لو نموت سوه ماعوفج بنتي
ويبجي بحركه

دفع الباب مانفتح الظاهر مقفول

-مُخلد ترا اختك هي اختي خل اساعدك انت حيلك رايح خويه وخر خلي ادفعه اني و انت جيبلي وصله بيه ماي
نزل درج يركض
توجهت للباب واني اسمع صرخات خالتي وهوسه الناس
اجتي كبالي عيون ود من قهر
دفعته بقوه سمعت طكت القفل

اجه مُخلد اطاني الوصله
دفرت الباب برجلي وكعت و
صار لهيب يطلع من الغرفه
بشكل مخيف على شكل دفعات
ودخان اتصاعد بكل البيت بسرعه
كمت كوه اخذ النفس
التفتت لمخلد وكحيت
- مُخلد حاخذ وحده من وصل وامشي اخمد النار الك و هاك هاي وصله روح جهت الحمام اكيد تلكاه بي
هز راسه وراح كعدت اطفي بالنار حدما وصلته لباب الحمام دفعه ودخل
احس عيوني بلششت ادغوش من دخان وصدري قبط سمعت
صرخت مُخلد وهو يكول...........