ثأر مُخلد

البارت (3)

ما اعَرف وين انطي وَجهي
وكلشي يمِي مااطيقه
واحسدِ الدَم بجسمي
ضلمه بَس يندل طريقه

><><><><><><><><><><><><><

غصن :
فتحت عيوني بصعوبه احاول استوعب الصارلي وخرت الغطه من على جسمي احس ببروده على كصتي اتلمست جان اكو كماده تنقط ماي وخرته و عدلت روحي كعدت احس بدوخه وصداع قوي غمضت عيوني بقوه اريد رؤية تتوضحلي ميلت راسي على تاج جربايه واني افتح عيوني بتعب
باوعت بالغرفه جانت عباره عن غرفه شبابيه بسيطه الونه اسود الإضاءة كانت جدأ ضعيفة
حسيت ببروده سرت بجسمي
لفيت روحي بالغطه حتئ راسي غطيته
درت وجهي على ميز الي يم جربايه شفت عليه موبايل وبصفه باكيت جكاير وجداحه
جريت الموبايل اباوع عليه اخر اصدار والكفراسود عباره عن شخص مقنع مبين صاحبه جداً غني اجيت افتحه
شفت ساعه ب٨ ليلاً
كمت مخترعه وكع موبايل مني
عزاا هاي شنو هلكد نايمه هسه شصار امي ابوي افتقدوني
افتر رايحه جايه اكل باضافيري واحجي ويه روحي مغصتني بطني من جوع
باوعت للباب تقدمت عليه بسرعه خليت ايدي على مقبض اريد افتحه بعدين تراجعت شي يمنعني اطلع من الغرفه
او خوف من مواجهت الواقع
رجعت كعدت على جربايه خليت راسي بين اديه دموعي كامت تنزل
يربي شلون حخلص نفسي من هل مشكله ابوي هسه يلكاه حجه ويكتلني خلاص

انفتح الباب وسمعت خطوات شخص جاي باتجاهي
رفعت راسي باوعتله جان شاب لابس بنطرون اسود وقميص اسود وعاكد حواجبه كمت مفزوعه رحت لنهايه الغرفه
ابتسم اتقرب الي وحجه
مُخلد : الحمد على سلامه بويه شنو تحسين بعدج مصخنه
غصن : لاتتقرب مني انت منو وشعندك جايبني لهنا
مُخلد : خاطفج بويه ومدخلج بيتي وخالج نايمه بنص غرفتي وعلئ جربايتي وها عذريني نسيت اجيب سلاحي واهددج بي واكلج اذا حجيتي لو صيحتي افرغ الشاجور براسج ذكريني على مره جايه اجيبه وياي
غصن :ضيكت عيوني وباوعتله
ضحك بصوت عالي وحجه
مُخلد : شكله الصخونه بعده مأثره بيج بويه خلي احجيلج
وبلش يحجيلي شلون لكاني مغمه عليه بالطريق ورايد موبايل او شي يوصلني لاهلي بس ممحصل فمضطر ياخذني وياه
اخر شي ختم كلامه وكال
وهاغيرتي ماتسمحلي اعوف مره بالشارع واكعه وهي شلون مره جنه وجه العافيه حجه هيج وغمز.
فتحت عيوني بصدمه
غصن : صدك انت واحد متستحي ماعندك اخوات وين الغيره بالموضوع وانت تغمز لاعبالك اني من هاي بنات الخفيفات اجيت اكمل كلامي شفته
مشه اتجاهي وهو مبتسم صار قريب عليه كلشش بعد مايفصلنه شي دنك راسه حسيت نفسه الدافي يضرب على ركبتي كزبر جسمي وصل يم اذني وهمس :
-لو صدك بلااخلاق ومااستحي جان عرفت شغلي من دخلتج الحمام وجردتج من ملابسج وشفتج كما خلقج ربج بس الظاهر بويه انتي عقلج زغير وماتعرفين شتحجين
بعد راسه وغمزلي وطلع
عززا شنو غيرلي ملابسي اريد عقلي يستوعب الي كاعد يصيرلي شفت ملابسي مو نفسهن جنت لابستهن لطمت خدي وكمت ابجي واشهك
رجع دخل بس هلمره نظراته بيه خوف اقترب مني
كتله
-لاتقترب أمشي إطلع بره
رد عليه بصوت عالي وعيونه مليانه غضب
-بويه شبيج أهدئي خلي نفتهم سالفتج بطلي بجي مو طفله انتي
كعدت بالكاع لميت رجليه لصدري وكمت ابجي بحركه
اجه قرفص كدامي وكعد وحجه
-وداعت اختي الي عفته بالمستشفى ماباوعتلج بنظره موزينه شفت اختي بيج بس فهميني شصابج ابوي انتي
رفعت راسي اله ومسحت ادموعي
غصن :فدوه كلشي ماريد منك بس اطيني موبايلك اتصل بماما
شفته ذب حسره وكام جاب الموبايل جان واكع بالكاع فتحه واطانيا
اخذته منه ودخلت رقم ماما واتصلت
رن مره مرتين بالثالثه اجاني صوت ماما مبحوح كالت : الو منو
كتله ماما اني غصن
ردت......
"ود"
كعدت صبح على صوت ماما هي واكبر يسولفون على مُخلد ماما دكله ليش مااجه للمستشفى
َواكبر يدافعله
بس شكل ماما ممقتنعه بحجيه عوجت حلكه وباوعت لاكبر صفح الي طكه ضحكه بصوت عالي
وخرت الغطه وعدلت كعدتي صبحت عليهم
حنان: صباح الخير يمه شلونج اليوم
ود : الحمد لله ماما احسن بس ميته من جوع
باوعلي اكبر وحجه
اكبر : يخسه جوع هسه اجيبلج احله ريوك
راح اكبر كامت ماما اخذتني للحمامات كملنه ودنرجع للغرفه
كتله
-ماما شنو شغل الي خله مُخلد مايجي يشوفني معقوله اكو شي اهم مني
حنان :لايمه لادكولين هيج بس هو شغله صعب ودوم تجي انذارات هلتشوفي راح مااجه بس هو كلساع يتصل بأكبر يطمن عليج.
ود: والله ماما مادري شاكلج
دخلنه الغرفه جان اكبر كاعد يخلي ريوك على طبله وسمر نايمه على السرير مال مُرافق المريض ماما راحت تشوف تحاليل طلعن حتئ تراويهن للطبيب
كعدت كباله هو رفع راسه باوعلي وابتسم
خزرته
حكه لحيته وحجه
-دخيل الله يوم مخازر من الصبح شنو حلمانه بيه.
باوعتله صفح وحجيت
-مو انت حبيبي حتئ احلم بيك
بس اريد اعرف مُخلد وين ليش مااجه وسالفه عنده شغل اذا تمشي على امي فهي ماتمشي عليه.
رفع حاجبه شكله ماعاجبه الحجي ورد
اكبر : يله اكلي حيبرد الصمون
ود : ماريد وماعليك بيه اووك
اكبر : شبيج بابا كاعده من صبح تتعاركين ويه ذبان وجهج.
درت وجهي عنه وكمت تمددت على سديه
كام من كرسي واجه فوك راسي همس :
-ودي شبيج اكو شي مضوجج.
نزلت راسي وبجيت وحجيت
- مُخلد الي مضوجني صار يومين نايمه هنا بالجذب مااجه وسأل عليه وينه حبه الي معقوله اكو شي اهم مني
صفن بوجهي وحجه
اكبر :انتي هيج حلوه من تبجين
رفعت راسي وخزرته
- ضيع الموضوع اكبر ادري بيك تتستر عليه ولو
جوز هسه تلكي سكران بواحد من باراتكم ويمه راقصات و......
بعدني ممكمله حجي اجتني دمغه على راسي فقدتني نص ذاكرتي حجه وهو كاز على سنونه
اكبر :شو انتي ماتعرفين تحجين جم مره كتلج بطلي اتجفص
اكو احده هيج تحجي على اخوه.
انفعلت من ضربني على راسي حاجيته بعصبيه
- اي طبعا تتستر عليه غير انتو وجهه لعمله وحده اثنيكم سكارا واهل بنات.
فتح عيونه وشرار يطاير منهن كمش شعري جرني منه راد يحجي وانفتحت الباب دخلت ماما هو هد شعري وهمس
- بسيطه هسه اجتي امج وفلتي الكفج الكفج واعلمج سكران ابو البنات شيسوي
هزيت ايدي وكتله
-شكو مكابلنه وكاعد يمنه روح شوف شغلك ويه صديقك
رجع عليه وهو كاز سنونه وشرار يطاير من عيونه
درت وجهي لماما بخوف
- ماما شوكت نطلع من مستشفى مليت اكو ناس حتكتلني واذا مامتت بالحرك فحموت مبسوطه.
ماما باوعت لاكبر وضحكت
حنان : شوكت اتبطلون مناكر انتوا لاثنين عبالكم ممنتبه لالكم من امس لليوم كلساع تتكافشون
باوع اكبر عليه وحجه
-خاله هي بنتج ادوس بالمصارين واني ماتحمل ومن هسه دربالج عليه جوز فديوم اجيبه براجدي ارجعه لبطنج.
ماما باوعتلي وضحكت هي وياه هزيت ايدي ودرت وجهي اباوع للشباج
صعدنه بسياره بعد مااكملنه فحوصات وسجلنه خروج من مستشفى توجهنه للبيت الثاني مالت مخلد خليت رأسي على جامه اباوع للطريق بتعب جان الصبح باوله وقطرات ندى تنزل على جامه شويه وفتح
اكبر المسجل شغل دعاء الصباح
وطبعا اني مااسكت اذا مااجفص ماارتاح
رفعت راسي كتله
-اكلك اكبر شايفلك واحد باليل يسكر وبنهار يطلع دعاء الصباح
دار وجهه الي و ٠٠٠٠٠٠