ثأر مُخلد

البارت (18)

ثأر مُخلد
الكاتبه : فاطمه اليساري
لاتنسون التصويت + التعليق بين الفقرات
حتئ تصعد القصه
قراءه ممتعه كرزاتي 🍒

ليش خليت العشگ بعيوني نزوة ؟
يالتسوة ناسي وگل هلي
شنو الخلاك ماتسـوة .



_______________*. *. *. *____________

صوت نياح نسوان واطفال
الدنيا ضلام دامس
الكاع طين رطبه
اركض وأتلفت احس شخص يركض وراي
وصلت لنهايه طريق
اباوع جانت حفره كلش عميقه
هوه عالي اغصان تتحرك بصوره قويه
احس صار قريب عليه
غمضت عيني وطفرته
بس خانتني رجلي زلكت وطحت بيه
صحت بصوت عالي :
ساااااعدوني
اباوع الحفره كامت تنترس ماي اباوع الماي كام يغطي جسمي بلشت اغرك الماي وصل لنص وجهي
كمت ارافس وابجي
بهل لاثناء نمدلي حبل كمشت بي بكل قوتي
سحبني واني احس الهوه بلش يدخل برئاتي
جنت مستعده اطي عمري لان نقذني رفعني
وصلت لنهايه الحفره مديت ايدي اله سحلني
وضمني بصدري همس يم أذني اسف اني
حاولت اوخر وجهي حتى اشوف منو
ما خلاني
فزززيت من الحلم مرعوبه وجهي يصب عرك رفعت ايدي حتئ امسح العرك اديه ترجف بقوه حاولت اهدء روحي
رجعت تمددت واني صافنه بالشباك الدنيا ليل وصوت الهدوء يعم المكان غمضت عيوني
منو هو؟ وليش يتأسف؟
حاولت ارجع انام ماكدرت
فجأه قطع الصمت صوت اقدام قريبه تمشي بأتجاه المخزن
احس الدم وكف بجسمي
صارت الصوت قريب على باب كمت بهلع
واني ارجف
اباوع باب الغرفه كامت تندفع بقوه كمت اصيح

غصن : منو منووو مصطفى موووو

اسمع صوت ضحكاته الشريره

مصطفى : افتحي الباب بكرامه لا اكسره على راسج

غصن رحت ناحيه الباب كمت ادفع بيه بقوتي حتى بلكي ماتنكسر بس جانت قوته اكبر دفع الباب بكل قوته واني اشوف الزقفاله انكسرت هنا ماتحملت صرخت بصوت عالي

غصن : يالله ساعدني
دفع الباب اندفعت بقوه احس انجعصت دخل اباوع عيونه حمر
وصل يمي جرني من معصمي وصاح

مصطفى : اني بسببج انضرب وانطرد اله اندمج واخليج تبجين دم جواي
غصن احاول اخلص روحي منه واسحل بروحي بس هو جان الغضب عامي يسحل بيه بدون رحمه

غصن : فدوه مصطفى اني عرضك لاتسوي هيج بيه
اصيح وادفع بي بس جان مثل الاسد الي يكمش فريسته
دفعني على الفراش

مصطفى : حتكون نهايتج هنا حغتصبج وازوجج كدام أيهم اله اخلي يمشي بالشوارع ويصيح بأسمج

غصن _ احس عقلي وكف شنو اغتصاب شنو يزوجني
اباوعله تقرب عليه كمت اقاوم بي اصيح واستغيث اباوع سعاد واكفه بالباب تضحك اذكرت كلمته من كالت اطلعج بفضيحه
لاياربي بس هلشي الباقي عندي مااخسرته
اذكرت سامر من راد يغتصبني
وانعادت المواقف كله كدامي
جنت اقاوم بي وهو مستلذذ بتعذيبي وصل لأخر نقطه وينتهي بيه كلشي صرخت بيأس :
يارب اطيني القوه
ودفعته بقوه جان هو دايخ واصل للثماله والخدر
بسرعه اندفع اجيت اكوم كمشني من رجلي
مادري منين اجتني القوه ضربته بقوه على.....
هو صاح بالم والتهه بنفسه
كمت مخروعه ملابسي صايره وصل
طلعت واني اركض بسرعه احاول انقذ اخر ماتبقى الي
اركض واني ماافكر وين اروح وصلت لباب الهول اجيت افتحه
انجريت من جتفي بقوه جانت سعاد
كالتتتتت : ويييين الشغل ماكمل حتى اطلعين
غصن نزلت على ايده : ابوس ايدج بس خلي اطلع بعد بعمركم ماراح تشوفون وجهي وايهم كليله هي طلعت وحده فدووه بس خلي اروح بس شرفي بقالي ماريد اخسره
احجي وياه واحس كلبي يتكطع اباوعله وخرت عن الباب وفتحته
مسحت دموعي وضحكت دكول مجرم وطلقوا صراحه
طلعت امشي وصلت للباب اجيت افتحه
سمعت صوته صاحت
سعاد : هاج هاي جنطتج اخذيه هي وصايتج ماريد شي الج يبقى بهذا البيت
غصن _ اباوعله شمرتهن بالكاع وطبت جوه
رحت عليهن لبست الصايه وطلعت حجاب من الجنطه وطلعت
فتحت الباب
جان الجو أظلم كمت أمشي بهمه احاول اطلع من المنطقه كله
امشي وادموعي تصب
اني وين وصلت ليش اني هنا والدنيا ليل
اني ليش ماعندي احد استند عليه
حتئ الشخص الي كلت راح يسندني ماكدر يحميني منهم

أمشي واتلفت وراي وخوف يأكل داخلي أكل
ماتركولي غير حل ما جان كدامي غير هاي الخطوه
اباوع الشارع فارغ بس صوت الجلاب مسموعه

همست : بداخلي يارب ارحم عبدك الضعيف
امشي سريع صارلي فوك ل٦ ساعات وين مادري بس مهم امشي وابتعد عنهم
كعدت على دجه اخذ نفس احس خواصري كاعد تكطعني من الركض
اباوع الظلام صار دامس زين اني وين اروح هسه؟!

غمضت عيوني بتعب احاول اراجع الصارلي
مجرد خطرتلي فكره زواجي منه احس جسمي كله انتفض
وكفت بهمه اكمل الي بديت بي جان لازم من زمان اخطي هلخطوه من جنت يم اهلي جان بيومه لازم اهج مو اروح لخالي وهاي صارلي فتره هنا محد سال حتى امي
كملت طريق امشي بدرابين ماعرف وين حتوديني
شفت مجموعه مال شباب واكفين بنهايه الفرع
احس كلبي وكف الدنيا نص الليل ذوله شيسون هنا
اكيد عبالهم هسه اني بنيه موخوش
عزا بسلا يسووولي شي
اخلص من مصطفى يطلعولي ذوله
اجيت امشي وكفني صوت درت وجهي اشوف منو ياريتني مااشفت صرخت بفززع........

أوس _ واكف منتجي على حايط احاول اسيطر على روحي حتى مااطيح فززيت على صوت مره اصيح واجت بأتجاهنه وراه بنيه شابه زغيره
اباوع هشام راح عليهم الظاهر يخصون مُخلد
اني كتفيت بالنظر اباوع المره كطعت روحه بالبواجي
اباوعله كامت وراحت لأكبر
هو كبل شبكه اباوع ادموعه تنزل بصمت
وجهت نظري للبنيه جانت تباوع لأكبر بحقد ووجهه احمر محتقنه منه
كامت من شافته بجه وشبك امه راحت سحلت امه من ايده
ووكفت مقابيل اكبر الي تفاجأ من ردت فعله صاحت

سمر : لاتسوي نفسك مهتم وانت الك ايد بنومته هنا

أوس عقدت حواجبي وتقدمت ناحيتهم عين اكبر اجت عليه

أوس : شقصدج انتي؟!

اباوعله باوعتلي بأستغراب

سمر : انت منو؟

أوس :سالفه طويله بس اني اصير ابن خال مُخلد

سمر فتحت عيوني بصدمه : من شوكت طلع عدنه ابن خال!

التفتت على ماما جانت مصدومه وبس ادموعه تنزل

سمر : ماما من شوكت عندج اخو واحنه مندري

أوس : لحظه ابو مُخلد مزوج مره ثانيه

سمر : اي بس انت شعليك

أوس : اني ابن خاله من امه لأوله

سمر وكفت ابلعم عزا ذوله شجابهم ومنين طلعوا الله يستر من الجاي
سمعت شهكت ماما اباوعله استندت على حايط شكله حيغمئ عليه
بهتت ركضت عليه كمشته من ايده اسنده كعدت على كرسي
اجه هشام اطني بطل ماي
غسلت لماما
اباوع خطوات اقدامه صارت يمنه رفعت راسسي

أوس : اي ست كملي كلامج شنو علاقه اكبر بود؟!

سمر اجيت احجي بس اجتني كرصه قويه برجلي من ماما
اباوع لهشام واكف وره أوس خازرني
واكبر مختفي شوكت راح شنو معقوله محد حس عليه من طلع!
الظاهر من سحب بهدوء
فززني صوته

أوس :وين صفنتي؟

سمر : ها وياك بس اني هيج حجيت تلفانه اعصابي من الوضع الي دتمر بي اختي

أوس : واني لوتي تمشي عليه كلمتين مصفطتهن

سمر مثلت القوه وكفت وحجيت بصوت عالي : انت منو وشنو جاي عليه تستجوبني شغلات خاصه لاادخل روحك بيه فهمت
مصارلك ساعتين من طلعت ابن خال مُخلد كبل بعت الدور وسويت روحك واحد من العائله
بعدني ممكمله كلام طلع الطبيب من صاله عمليات
اباوعلهم كلهم ركضوا بفزع رحت وراهم
أوس : دكتور طمنه على المريضه شلونه؟

طبيب : احنه حاولنه هواي وياه بس الحادث جان كلشش قوي
للأسف المريضه دخلت بغيبوبه حنخليه بالعنايه المركزه تحت المراقبه وان شاء الله تتحسن ادعوله

سمر من كال هيج طبيب احس الدنيا افترت بيه اريد اسيطر اوكف على رجليه ماكدر كعدت بالكاع احاول استوعب الصدمه يعني خلاص اختي بعد مااشوفه رفعت نظري اباوعلهم هشام راح علي ماما الي كامت ادك وتلطم يحاول يهدئه
اما أوس فراح يمشي بهمه بالممر وعيونه تتشايط غضب وين يريد وليش هيج يمشي مستعجل
تجيت راسي على حايط انمدلي بطل ماي رفعت راسي
جان هشام اشرتله برفض بس هو أصر ولح عليه اخذه
هشام : يابه هو ماي شمطيج ماشوفين روحج وكفه بعد مااكدرين توكفين
سمر هزيت راسي واخذته منه واني اباوع على باب الصاله....

مرت لايام واليوم يصادف اسبوع على غيبوبه ود
دخلت الغرفه جنت لابسه الكاون الطبي اباوع لأجهزه محاوطته
و مُخلد كاعد بصفه باوعت لوجهه لحيته كساه الشيب دكول كبر الف سنه بهل كم يوم لحد هسه اذكر من دره شصار بود كلب المستشفى كلاب لحد ما اجه أوس وهشام كمشوا واطوا حبايه مهدء من ذاك اليوم لليوم مُخلد ما ينام اذا ما ياخذه
اما أكبر فما شفته من يوم اخر موقف صار راح ومارجع
اجيت تقدمت ل مُخلد خليت ايدي على كتفه
باوعلي وتنهد
مُخلد : لسه على نومته الظاهر حلت اله النومه وماتريدنه بعد

سمر نزلت ادموعي على كلامه
مسحتهن بسرعه وحجيت : هه لا مُخلد ود قويه اكيد حتكوم منه بس حبت تتدلع علينه َتشوف معزته

مُخلد : ياريت سمر ياريت بس خلي ترجع روحي كدامه كلشي تريد يصير اله
سمر : هلكد تحبه
مُخلد : ود عاشت مظلومه وتحملت ذنب من زغره
تخيلي جانت تسمع الطالبات وياه يكلله
امج موزينه
امج عافتج وراحت
امج ساقطه
احنه مانلعب وياج انتو ناس موزينه
لحد ما بيوم اجتي فحطانه من البجي بوكته سألته شبيه
كالت المعلمه ادكلي بعدين لاتجين للمدرسه حدما اجيبين امج وياج تريد تعرف صدك ماما موزينه
بوكته كتلكم نشيل من منطقه
بس ابوي مااقبل كال اذا تريد اخذه وروح وحدكم هاي منطقتي ماعوفه
نقلته لغيره مدرسه بعيده جنت اشيله على ظهري ساعتين حدمااوصله لذيج المدرسه
جنت منتظره تكبر واسوالفله الحجي الي جانت تسمع بس ابوي سبقني بوقته جان سكران
لحد اذكر ذيج الليله جنت توني راجع من المدرسه المغربيه
دخلت للبيت واسمع صوت ضرب الحزام وبواجيه
جان يشرحله شلون امي عافته وراحت
بوكته تخبلت وجان اول مره ارفع ايدي بوجه ابوي

سمر اسمع حجيه وابجي صح اني جنت مولوده بهاي الاحداث بس جنت زغيره ماذكر شي
بس من وعيت جنت اشوف ظلم ابوي وقسوته
عليهم رحت ل مُخلد شبكته
سمر : هلايام عدت وتجاوزته ود صدكني حتى هاي لأيام حتعدي دشوف تحسنه تحرك اديه واصابعه لاطباء يكولون ان شاء الله تفيق هلايام ووضعه استقر
كوم حبيبي اكل لكمه وياه ماما خطيه دكول ما أكل اذا مو مُخلد وياي
اباوعله هز راسه وكام رحت على ود بست اديه وراسه وطلعت

اعتراف بالحب
لمسات وقبلات هادئه
يد خشنه تتلمس اطراف اصابعي
بكاء ودموع
معقوله يطلع هو نفسه!!
ضوه قوي
اصوات ضوضاء بكل مكان
حاولت أميز الصوت
لا معقوله هو........

بارت قصير باجر تنزل التكمله ان شاء الله 🍒