ثأر مُخلد

البارت (10)

ثأر مُخلد
الكاتبه : فاطمه اليساري
لاتنسون التصويت + التعليق بين الفقرات
حتئ تصعد القصه
قراءه ممتعه كرزاتي 🍒
لـصوچ مَني
ليش گِتلة،
شما تِغيب تَظل حَبيب
وليش گِتلة ،
الشَمس وكت المُغرب احلى
وعَلميتة عَلى المَغيب.

><><><><><><><><><><><><><><

غصن - حسيت بحركته يمشي صار قريب مني همس

مصطفى : صايره حلوه وجسمج بعد احله من زمان مشايفج.

غصن احس مثل كهرباء سرت بجسمي من الخوف
ركضت كبل على درج واني احس كلبي حيطلع من الخوف صعدت للغرفه مالت بنت خالي همزين جان مفتاح مشكل بيه كبل قفلته وكعدت
واني احس جسمي كله يرجف
بعد شضاملي القدر اخلص من ابوي يطلع بعد لاتعس
تمدتت واني كلما اذكر كلامه تلعب روحي
ضليت حايره لابيه ارجع لاهلي ولااكدر ابقه
شلون بيه شلون اضل هنا هذا اكيد خالني بباله

من بين زحمت الأفكار غفيت من تعب ماكعدت
اله على صوت دك قوي على باب كعدت مخترعه
طفرت فتحته كبل
شفت مرت خالي واكفه بالباب
بعدني مااحجيت شو هاي جرتني من تشيرتي وصاحت

سعاد : منذرررر تعال اخذ زبالة اختك وروح

غصن - رفعت راسي اله اباوع اله بصدمه هي شافتني كامت اصيح اكثر

سعاد : ولج بنت بيان تخزرين فوكاه الله يستر شمسويه حتى ابوج مايريدج وامج سترتج عدنه

غصن - احس كفختني على وجهي من حجت هيج داخلي كله انتفض بس مااكدر احجي لان جان خالي واكف اباوعله
اجه سحلني من ايده خلاني وره ظهره وحجه

منذر : اسمعي سعاد بنت اختي حتضل يمنه هلفتره وأي مشاكل ماريد فهمتي؟

سعاد : لا والله خاف مااتقبل

منذر : هذا اخر كلام عندي لاتعرفين شسوي

غصن - اباوعلهم يتعاركون واني داخلي احسه يغلي من قسوة الكلام خاصه من سمعته كالت

سعاد : خوش يمنذر جاا اخليه خدامه الي ولجهالي مو دكول ماكلت

منذر : ماعليه مهم اضل هنا ما مستعد اخسر الشغل الي حصلته اليه بيان يم بهاء

غصن - عفتهم يحجون ورحت للغرفه دخلت كعدت ابجي بحرركه
يعني خالي بقاني يمهم مقابل يشتغل يم بابا
كله استغلتني
خليت راسي بين رجليه واني احس الدنيا تفتر بيه كامت
شنو بعد اشوف وهاي صرت خدامه ومشرده
مسحت دموعي من بعد نوبه بكاء مُتعبه
خلاص مالازم ابجي اني لازم اتحمل الي يصير ويايه
اكيد نهايه تعبي فرج سمعت صوت ألاذان صاح
همست بضعف :
ألَلهمَ يأكاشفْ الكُرب أكشفْ كَربي

رحت اتوضه حتى أصلي
الحمد لله رُغم كلشي صار وياي
بقيت محافظه على صلاتي
الي احسه هي المنقذ الوحيد إلي من واقعي
جان الطابق الثاني فارغ وبنتهم ما أجت للغرفه
كملت وضوء ورجعت ضليت حايره شلون أصلي
ماعندي لاسجاده لاتربه
بعدين استسلمت للواقع اكيد الله يقبلنه بالي احنه بي
لبست حجابي عدل ووكفت اصلي
جانت صلاتي عباره عن دموع وشكوئ لله
عن الحياه الي كاعد اعيشه.
كملت رحت طلعت دشداشه عريضه
هذا عينه نكسه ويباوع لازم اخذ حذري منه
ولبست حجاب اميره اباوع لروحي طلعت بعد احله
شسوي هذا اتعس شي موجود عندي
طلعت بره الغرفه واني ادعي الله يطيني الصبر والقوه حتى اتحملهم لان من بدايته استقبلوني استقبال حلو اذا اضل بعد اكثر يمهم شنو حيسون
نزلت وأني امشي على أطراف أصابعي
وصلت للمطبخ باوعت على طباخ
شفت محد مسوي غده
سمعت صوته من وراي
فزيت بخوف درت وجهي اله جانت عيونه يطاير الشر والحقد منهم عليه أردفت بصوت عالي