ثأر مُخلد

البارت (8)

ثأر مُخلد
الكاتبه : فاطمه اليساري
لاتنسون التصويت + التعليق بين الفقرات
حتئ تصعد القصه
قراءه ممتعه كرزاتي 🍒

مو هسّه حَتحس بنقص﮼
باچر يُفر بيك الزمن ﮼
واخذ الثار براحتيّ﮼
يل علمتني على السهر ﮼
باچر ترد متعوب الي ﮼
(ماتِلگه مِثل ولايتي).

><><><><><><><><><><><><><><><

ود - رفعت راسي باوعت بعيونه جانت نظراته بارده الي واني كلبي مشتعل نار متت قهر همست :
اكبر اني اكرهك وصدك حيجي اليوم الي تندم بي وهمتني بالحب وطلعت تحب غيري شكد نذل وعار
اباوعله تحولت نظراته البارده لغضب
جرني من ايدي وعصره حيل وحجه
اكبر : ود الف مره كايلج لا تحجين حجي اكبر منج تغلطين وتتجاوزين اموتج والله
ود : هد ايدي يله هذا الكادر عليه تسحلني من الجامعه لو تضربني بيك حظ شوف روحك شمصخم موجايه عليه
اكبر : وج محسستني بينه علاقه صار سنين لو مرتي وخاينج؟
ود : انت جنت تحبني الي نظراتك كله حب وابسط شي موقفك هذا شتفسرره؟ وحجيك الي قبل تذكره؟
اكبر : ليش انتي كلش شخص يباوعلج بنظره حنان تحبي؟ وبالنسبه لمواقفي هاي من باب اخاف واحرص عليج بصفتج اخت صاحبي واختي فلا ضلين اتفسرين لامور من وحدج
ود - شكد حتقرت نفسي حسسني بروحي ذابه روحي عليه وخاصه من كال اختي
همست:اكبر انت اكبر حقير شفته بحياتي خليتني اكره روحي بسببك صدك لو كالوا ذيل الجلب ماينعدل وفعلا انت متعلم على ضحك على بنات نآس بعد ماتفرق بين لاصيله ولبنت الليل

ماحسيت غير على حراره ايده انطبعت على خدي خلتني ارفع راسي بصدمه تلمست خدي الي احسه اشتعل نار
اكبر تضربني؟!

اكبر : واكسر راسج بعد ويله امشي نزلي بسرعه وماريد اشوف وجهج بعد فهمتي ياحسافه تعب خاله حنان بيج وحده ممربايه

ود : الله ياخذك لا تكمل لاتكمل اني مربايه احسن تربيه بس عينك الي بيه خلل شوفني رخيصه لان انت واحد رخيص اكرهك.
نزلت من سياره ارجف من القهر احس بالاهانه على ذل على خيبه امل
درت وجهي باوعتله جان بعيونه نضرت قلق بعديش بعد ماكرهتك هيج خليتني اكبر
أجدي النظره منك
وصلت للباب جانت مقفوله اكيد ماما بالسوك بهذا الوقت
طلعت المفتاح من جنطه اريد افتح الباب ايدي ترجف ماكدر خليت جنطه بالكاع وكمشت المفتاح باثنين اديه وفتحت الباب
هو من شافني دخلت يله حرك سياره ومشه.
دخلت الحديقه كعدت على مرجوحه لميت رجليه لصدري وخليت راسي عليهن احاول استوعب الي سواه وكلامه كمت اضرب على راسي اريد اطلع الكلام الحجاه من راسي
كمت اشهك وابجي واضرب حيل
صرخت اطلع اكبر اطلع اكرهك الله ياخذك
خليت ايدي على كلبي الي احسه حيطلع من مكانه
كافي تنبض بحبه كافي ماايستاهل
حسيت روحي تعبت من الضرب والبجي
بلشت اغفه بتعب المرجوحه جانت تتحرك على كيف مددت جسمي حراره الشمس احسه بلشت تتوغل براسي جسمي رخه
غمضت عيوني واستسلمت للنوم احاول اخلص من الواقع الي اني بي