ثأر مُخلد
الكاتبه : فاطمه اليساري
لاتنسون التصويت + التعليق بين الفقرات
حتئ تصعد القصه
قراءه ممتعه كرزاتي 🍒
-------&&------
"ود "
مرن يومين من اصعب ايام حياتي
جان كل تفكيري وهمي باختي الصغيرة
حتى نسيت نفسي وعلاجي جنت منين مااباوع الكه عائلتي منهاره ؛ماما حنان متخبله دموعه ماترضه توكف ثانيه وحده اما لسانه فكان يلهج بادعيه الامان لحفظه ؛الصدمات الي تعرضتله هاي الفتره خلت سكره يعلك بحيث كامت تتخربط ويدخلوه مستشفى .
اما مخلد فماكو اي كلمه تعبر عن شعوره كاضيه بالمخفر يدور راس خيط يوصله اله حسيته هلفتره كبر مية سنه .
كاعده بالحديقه المغربيه مقابيل الباب انتظر عسا ولعل مخلد يجي وجايبه وياه هاي صارت عادتي هليومين اكعد انتظره بالباب ،صافنه بحالنه الي تغير بين يوم وليله ثواني و
اندفع الباب دخل اوس الي هلفتره سكن عدنه بأمر من مخلد لان يخاف علينه وحدنه
جنت مامرتاحه لوجوده بس ساكته لان وضع البيت مايسمح اتناقش ويه احد خاصه من اشوف مخلد وثق بي بهل سرعه .
ابتعد عن الباب واسمعه يهلي ويرحب بشخص
دخلت وراه مره عجوز صاحبة وقار عجيب .
ضيكت عيوني اباوع لاوس
اشرلي بمعنى شكو التفتت للمره الي باوعتلي وعيونه بلشت ادمع همست
-هاي منو اوس ؟!
قبل لايريد اوس همهمت العجوز وهي تفتح اديه
-انتي ود يجده تكربي خلي احبنج اني بيبيتج سهوة ام امج .
باوعتله بصدمه لاصدك ذوله عاشوا الدور وزياده جان هو كوه جارعته نوب بيبيته حجيت بعصبيه :
-اسفه بس اني ماعندي ام حتى تتطلعلي جده نوب ،اني امي حنان وبس وماعندي لاخوال ولاعمام خلو هلشي حلقه بأذنكم اذا مخلد قابل بهل مهزله اني مستحيل اتقبله .
درت وجهي اريد ادخل وقفني صوته وهي تبجي
-حبيبه هيج تهينين شيباتي يجده واني صارلي سنوات ابجي ومتلهفه عليكم ؟ لو امج جانت عايشه مااجرئتي تحجين هيج واطردين بيه
التفتت اله وحجيت بصرامه
-صدكي ماراح يجي يوم الي اتقبلكم بي ورجاءا اسم بنتج او اي طاري اله لاتجيبين بهذا بيت ،هذا بيت ماايشرف بذكره ابددددد .
عفتهم اجيت ادخل صارت ماما حنان بوجهي عقدت حواجبه بمعنى شكو ماتحملت ذبيت روحي بحضنه
صرت ابجي واشهك وهي تمسد اديه على راسي وتحجي
-اسم الله يمه لاتخرعيني مخلد خابرج اخيتج بيه شي حبيبه شكو ليش تبجين؟؟!.
وخرت منه واني امسح بأدموعي واشهك اشرت على باب
-شوفيهم جابه واجه صار اسنين احاول انسه السواه بينه هسه جابهم واجه
-منو اجه ؟!
اخذته من ايده ووكفته كدام بيبي واوس الي يباوعلي بنضرات انكسار
-ماما شوفيهم ماكدر اتحمل اكثر ماريدهم ماريد اذكرهم اي شي ماريد يذكرني بيه ماحبه عافتني طفله وراحت فكرت بس بنفسه تحملت اشكال الحجي بسببه شكد ضحكن عليه البنات بالمدرسه بسببه حبابه كليلهم يرحون
درت وجهي لبيبي
-تدرين بسبب بنتج لسه اتعير كم مره نقلني مخلد من مدرسه لان بنات درن بسالفه بنتج السوده ويضحكن عليه لو من امشي بالمدرسه يصيحلي بنت الساقطه وهم بسبب بنتج عشت بظلم وخوف تدرين ابوي كم مره راد يموتني ومخلد ينقذني بالانفاس الاخيره بسببه وهسه جايه تكولين اني بيبيتج اني لو بدي حتى اسمه اشيله من هويتي وامحيكم من وجود كلكم ...
بعدني ممكمله كلامي نفتحت الباب ودخل مخلدوبصفه سمر الي محاوطه مخلد بايده وخال جاكيته عليه ووراهم هشام ؛ من الصدمه نسيت نفسي شنو جنت احجي ضليت واكفه اباوعلهم فززني صوت ماما حنان وهي تركض باتجاهم وتصلي على محمد وتهلهل
بهتتت رجليه اريدهن يعينني حتى اروحلهم ماكدر ثواني وصاحني مخلد
-ودايه شنو ماناويه تتحمدين لاختج بالسلامه ؟؟!
رحت واني اسحل بروحي سحل واحس كاع ماشايلتني فتحت اديه اجتي سمر شبكتني وتعالت صوت شهكاتنه وبواجينه
اجه مخلد شبكنه ويبوس براسنه
دار وجهه لهشام واوس الي واكفين مقابيله يباوعون وعيونهم تلمع من الفرحه
-ذني اعز من روحي صمامات كلبي خاف يصيرلي شي اريدكم تحطوهن بعيونكم واديرون بالكم عليهم ...بعده مامكمل اجته دمغه من ماما حنان
-مووكتك مخلد خليني فرحانه بيناتي عوف نكدك .
عافنه وراح شبكه
-شبيج خاله خليني عايش الجو ماطول الدراما صعدت عندي.
-وك يمه حجيك هذا يوجع كلبي هيج دراما ماريد ترا ادعي عليك الله يكطع نسلك
-ليش هو شباقي بنسلي حطخ الاربعين واني باقي على كلبج حتى بعد مابيه حيل صرت شايب يخاله وسوه روحه يبجي.
أنت تقرأ
ثأر مُخلد
Romansa. رجلٌ شرس مُغلف بالقسوه صاحب قلب نقي، لاكن ثأره جَعلهُ رجل حاقدْ تقع ابنة عَدوه في قَبضَته فهل سيرحمها ام سيعمي لانتقام عينيه...... الكاتبه : فاطمه اليساري
