ثأر مُخلد

البارت (19)

ثأر مُخلد
الكاتبه : فاطمه اليساري.
لاتنسون التصويت + التعليق بين الفقرات
حتئ تصعد القصه
قراءه ممتعه كرزاتي 🍒

وَهَل تظن أن البُعد يقتُلني ؟
وَإنَ، قلبي لا يقواكَ، منفردا ؟
أنا التَلاشي وَاللاشيء فأنتبِه
أنا الوجود ، وَكُل الناس لا أحدا .

_________*.*.*.*__________
اعترافات حب
همسات باكيه
ادين تلامس اديه دافيه
حنان مفتقدته من زمان
وشوشه وصوت اجهزه
فتحت عيوني ببطئ
احاول ادير وجهي اشوف منو هذا الشخص الكاعد يمي
بس ركبتي مجبسه
جان صوته حنين وهو يرتل ابيات الدعاء
غمضت عيوني استمع اله بكل خشوع
احس جوارحي كله نسجمت وياه
رجعت فتحت لمن ختمم ابياته
وكف ودار وجهه الي التقت عيوني الدمعه بعيونه
هوو شافني انصدم وبانت على وجهه علامات لاستغراب
اتقرب مني ووجهه مرسومه عليه البهجه تلمس جبيني بأيده

أوس : ود معقوله مدا ااصدك صحيتي

ود _ اجيت احجي بس لساني ثكيل احس جسمي كله مكسر دكول صار سنوات نايمه

أوس : لاتحجين وتعبين روحج حروح اصيح الدكتور واجيج

ود _ اباوعله يحجي بأرتباك على فرحه كأنو اني شي مهم عنده
زين اكو اسأله هواي براسي شيسوي هنا
اني وين؟
شكد صارلي هنا؟
عصرت عيوني احاول اذكر شصار اخر شي اذكره من طلعت من الجامعه
انفتحت الباب دخلت ماما و مُخلد وهو وياهم وطبيب
اجه مُخلد متلهف عليه كمش ايدي بلهفه

مُخلد : ينور عيون اخوج واخيرا صحيتي ولج كبرتيني الف سنه بهذا الشهر

ود _ احاول احجي وياهم ماكدر كلشي بيه احسه متعطل
مثل الأله من تتركه فتره طويله وترجع اشغله
معقوله اني ضليت فتره طويله نايمه
اجتي ماما شبكتني وتبجي بعدين وخره طبيب حتى
يبلش يفحص
فتح عيوني ووجهه عليهن ضوه وكام يحركه يمين ويسار
وكالي احرك وجهي وين ميروح الضوه
سويت مثل ماكال الي

طبيب : السمع والرؤيه تمام مابيهم شي

ود _ من سمعته هيج اباوع الكل تنهد بعد ما جانوا داخلين بحاله قلق ورعب
التفتت الطبيب الي ورفع اصابعه اربعه وحجه وياي اكله اشكد
اجيت انطق مااكدر احس لساني وحلكي مبنج
رجع كرر سؤال غمضت عيوني وعصرت اديه حاولت بكل قوتي انطق كوه طلعت الكلمه

ود : ا ر. ب ع ه

الطبيب : ممتاز كلششش تمام هسه بس مجرد نخليه تحترمراقبه ٢٤ ساعه ونشويله كم فحص وتطلع ان شاء الله

مُخلد : شكرا دكتور ماقصرت زحمناك

الطبيب : ولو هذا واجبي

ود _ اباوع طبيب طلع واني نظراتي على أوسس شيسوي هنا
التفت اكبر شافني اباوع لأوس صاح

مُخلد : احم هذا اؤس ابن خالنه اني وياج

ود _ عقدت حواجبي بستغراب

أوس : ان شاء الله اطيبين ونكعد نحجي ونتعرف ولو اني اعرفج صار شهر مكعديني يمج خفاره بالمستشفى

مُخلد : انجب هن بس سبع ايام جان عندي خفاره واخاف يحتاجون شي ومحد موجود بسرعه سويتهن شهر

أوس تقدمت عليه حظنته من جتتفه : اشاقه وياك عيني خلودي
شعندي غيركم اني بس جدتي اكلت كلبي صار شهر ما نازل كلساع وخابرت تبجي وترددم عليه

مُخلد : ان شاء الله بس اخلص خفارات ونطلع ود نروح اني وياك اله

أوس : ان شاء الله

ود _ اسمعهم يحجون بس كلشي مااافهمت شنو جده وشنو شهر احس راسي كام يوجعني من كد ما مشوش

حنان : يمه شبيج اشو صوفرتي نطلع عنج ترتاحين؟

ود وكوه تطلع الكلمه من عندي : لا

سمر _ بعد اخر موقف صار بالمستشفى مااشفنه اكبر جان بس يتصل ب مُخلد اسمعه يطمن عليه
هشام بوقته ضل خازرني ومن شافهم التهوا ب ود اجه ورزلني

هشام : شكد شفت صلفات مثلج ماا شفت

سمر باوعتله واني فاكه حلكي من حجايته : عيني مو كلنه مثل اخواتك لاتشتبه

اباوعله عيونه كامت تجدح نار صاح وهو صاك على سنونه

هشام : انتظري وشوفي اذا ماوكعتي تحت ايدي وعرفت شلون اربيج مااسمه هشام

سمر هزيت راسي باستهزاء : نجوم السما اقربلك تنولني

هشام : نشوف لأيام جايه

اباوعله عافني وراح واني داخلي يرجف خوف من عنده مبين ماراح يعديه على خير

قطع صفنتي دخول ماما وهي تضحك
طفرت من فراشي وكفت يمه

سمر :لادكوليه ماما

حنان :اي ماما اختج صحتتت

سمر ركضت على ماما شبكته واحس الكاع ما شايلتني من الفرحه

سمر :ماما يله بسرعه اخذذيني اشوفه حبابه وكليلي شلونه شكالتلكم

حنان :امشي بدلي خلي روح واخذي وياج ملابس لاختج ماكو وكت للسوالف سايق بالباب يله عود هناك انتي تشوفيه

سمر ركضت على سريع لبست صاية وحجاب واخذت كم قطعت ملابس لود اجيت اطلع اباوع بالمرايه شفايفي مفطره ووجهي اصفر
طبعا حقي صار فتره هامله كلشي من وكعت ود لليوم ما الي نفس بكلشي حتى اكل ما اكل
رحت على مجر اخذت حمره وباودر رتبت شكلي ونزلت
ماما جانت بالمطبخ اسوي شوربه

سمر :ماما كملت

حنان :يمه انتظريني بالصاله بين ماتستوي الشوربه حتى ناخذه لاختج الطبيب كال وكلوه اشياء خفيفه

سمر :تمام ماما وعزليلي عود طاسه جوعانه كلششش

رحت للصاله كعدت على قنفه طلعت موبايلي اكلب بي فجأة دك عليه رقم غريب
رديت عليه
الو الو .....
ماكو رد طفيته
رجع دز رساله فتحته جانت نقطه بسس حسيت روحي توترت كتبت
منو؟!!!
محد رد
معقوله هذا هشام !!!!
لا مستحيل يسوي هيج هو يعرف بوضعي شنو جان
اكيد حتلو هددني بس مايكدر هو بالاخير صديق مُخلد
ضلت فكره تجيني وتوديني اخر شي طلعت الرقم وحضرته
كمت للمطبخ اشوف ماما

سمر :ها ماما كملتي

حنان : اي يمه سويت هواي حتى الولد ياكلون هم هناك يمه ود على واهس

سمر :تمام ماما اطيني الغراض عنج اوديهن للسياره

اخذت الغراض ورحت خليتهم بالسياره وسلمت على ابو علي هذا سايق خله مُخلد النه يجيبنه ويودينه رجال جبير وحباب كلشش
اجت ماما صعدنه بالسياره ونطلقنه للمستشفى
بالطريق رجعت اجتني رساله مكتوب بيه

(تحضريني من رقم احاجيج من ألف رقم)

بلعت ريكي يربي شلون مصيبه هاي مااعولت افرح بود
طلعتلي هاي سالفه صفح
ماما انتبهتلي وعقدت حواجبه ابتسمت بوجهه حتى ما أشك بيه
وصلنه للمستشفى واني مااعرف شلون طريق خلص بسرعه
نزلت ماما نزلت وراه اخذت الجنطه
واني بالي يودي ويجيب وكلساع مألفه سيناريو ببالي
خاف نفسه الي يهددد مُخلد !!!
زين اني المن احجي هسه مُخلد الي بي مكفي وأوس علاقتي بي سطحيه واصلًا كلما اشوفه اشرد خاف يستجوبني
واكبر علاقتنه انتهت من ذاك اليوم بعد مااشفته
اخر شي سمعت عنه رايح للرمادي بهمه
ماكو غير المتعجرف هشام اكله هاي اذا مااصلا طلع هو
امشي واحجي بيني وبين روحي
لحد مااوصلنه لغرفة فتحت ماما الباب
رفعت راسي اجتي عيوني بعيون الكاعد يم مُخلد
تجاهلت نظراته ورحت لروحي وأختي
شبكته وابجي هي اول مااشافتني ابتسمت
درت وجهي اله
سمر :
قابله والله اطرديني من الغرفه
وقابله اعوفلج الكنتور بس الج
وقابله اقره بره وانتي تضلين بالغرفه
وشتردين اسويلج حتى تنظيف انظف بمكانج
بس بعد لااسوين بيه هيج لج والله صار شهر
دكول واحد مااخذ روحي
امشي واتحرك جسد بلاروح
انتي اختي وروحي وشريكتي بالحلوه والمره
وبير اسراري تمنيت اني وياج بالحادث وانام وياج
اني بدونج ولاشي
كووه سوالف عندي اريد احجيه الج
لو تشوفين حالنه بدونج
مُخلد احسه بنته النايمه مو اخته
وماما يمكن تحبج اكثر منه كلنه
تخيلي أوس طلع ابن خالج انتي مو جنتي دكولين
اتمنى عدنه كرايب ونروح عليهم ويجون علينه
طلع عندج خال وولد اثنين وجده عندج .

اباوعله تباوعلي والحيره بعيونه كوه نطقت

ود : احبكم كلكم اسفه خليتكم تقلقون عليه هلكد

سمر شبكته بلهفه ودموعي ودموعه كامن يطيحن سوه

مُخلد: كافي ولجن ريا وسكينه تصافن واخيرا لو ادري من زمان داعم ود اني وخالجن تتصافن

سمر التفتنه اله وكمنه نضحك

سمر :ماما شوربه فدوه جوعانه

حنان :اي يماما هسه نسيت نسيتني كلشي بحجيجن كومي ساعدي اختج خلي تبدل بين مااصبلكم

سمر كومت ود على كيف ساعدني مخلد واخذته للحمام ابدل ملابسه
كملت صحت مُخلد يساعدني نرجعه شويه رجله مكسوره وكوه تمشي
لكيت ماما مكمله كلشي اخذت وزعتلهم دنكت اطي لهشام همسلي :
عدلي شالح ولج ركبتج نصه طالعه لو مكيفه ترديهم يباوعولج
خزرته ورحت
اذا جان عندي واحد بالميه احساس يدفعني اكله حتى يساعدني هسه محيته ماايستاهل المتعجرف
فتحت موبايل اشوف خاف داز هم
شفت رساله على واتساب بيه صورتي من طالعه من المدرسه احس بطني مغصتني والدموع اتجمعت بعيوني
رفعت راسي اباوعلهم يسولفون بس هشام جانت عينه عليه يباوعلي وعاقد حواجبه
برطمت بوجهه ونزلت دموعي هو كبل أشرلي على باب
كمت بدون تردد رحت طلعت وكفت اكو درج وجواه مكان فارغ بي كراتين وكفت
عشر دقايق انتظر وهو ماكو ادموعي عشره عشره يوكعن الخوف ماكل كلبي
ايست منو انو يجي أجيت ادخل هو طلع
شاف حالتي اجه ملهوف عليه ووجهه عليه الف علامه استفهام

هشام : شبيج سمر شصاير ؟؟!!

سمر اجيت احجي احس كلشي اجمع كدامي
تهديد مُخلد
حادث ود
كلامي هشام الي
كمت ابجي وأشهك خليت اديه على وجهي

هشام اباوعله كامت تبجي وتشهك حسيت روحي رجعت هشام القديم الذايب بيه مو هشام الحاقد عليه
تقربت منه اخذته من ايده لوحده من الغرف جانت فارغه
قفلته وكعدته وهي مستمره بالبجي

هشام : عليمن هلبجي عيونج راحن كليلي شصاير

سمر رفعت راسي اباوع بعيونه نظرات خوف وقلق
رفع ابهام ايده
قربه من وجهي ومسح ادموعي
كزبر جسمي من تلامست ايده بخدودي
احس كهرباء سرت بجسمي
دنكت راسي ماتحمل نظراته هاي
كمت اخاف من الحب من وره ود والصار بيه
هشام : ماناويه تحجين
سمر : هممم بس حراويك شغله
رفعت راسي اله وفتحت الموبايل وأطيتهيا
اباوعله من شاف الموبايل بلشت عيونه تتسع
ودمارات وجهه الغاضبه تبين
التفت الي وصاح

هشام : هاااي شنو ولج منو هذا وفوكاه مااخذلج صوره

سمر : هشام والله مااعرف احس كلبي حيوكف من صبح لسه كلساع يدز تهديدات واخر شي دز صورتي شلون وليش اخذه مااعرف

هشام : اني شاك بشخص بس والله اذا طلع هو اله اندمه انتي هلفتره حتى للمدرسه لاتروحين وابد لاتحجين ويه مُخلد على هلموضوع البيي كافي خليه ورايه
طلعه منا منا ماريد وهاج هذا رقمي حسجله بجهازج كلشي يصير بلغيني مفهوم

سمر اباوعله يحجي وياي بعصبيه وخوف هزيت راسي اله وكمت اريد اطلع احس الجو بيني وبينه متكهرب
وصلت للباب صاح عليه رجعت التفت اله

هشام : الله يخليج سمر بس هلمره اسمعي الكلام ولااسوين شي بدون علمي متفقين بابا

سمر هزيتله راسي وطلعت احس كلمه بابا شكد ضعفتني شكد تمنيت عندي ابو يسندني واحس بالامان بوجوده يمكن كل الي كاعد يصير بينه بسببه
مسحت دموعي ودخلت عليهم
جانت بس ماما يم ود كاعده تسبح وود نايمه
اخذت زاويه بالغرفه وكعدت حتى اخاف افتح الجهاز
لحد ما وصل شي صدمني فتحت الجهاز بسرعه التفتت على جهه ماما لامستحيل معقوله.....

غصن _ دامشي بالشارع الدنيا ظلام دامس
قطرات مطر خفيفه
شفت صوت هوسه شباب بدايه الفرع
وكفت خايفه اعبرهم لو ارجع ادراج خطواتي
غمضت عيوني بحيره اجت صوره مصطفى كبالي
لا لالا مستحيل ارجع....
اجيت أمشي وكفني صوت
انتي وين رايحه وشعندج طالعه بهل ليل
التفتت بتعجب!
مره لابسه عبايه سوده وشال اسود
عيونه تلمع بالظلام
ووجهه ماخذ منه الزمن مأخذ
كله ندوب وتجاعيد محفوره
للحظه تحسه طالعه من أفلام السحره
اجيت اصرخ بس هي سحلتني وخلت ايده على حلكي

ام جُديل : وين تصيحين ولج ذولك شباب الفرع سكاره ومنتظرين صيده تجيهم امشي وياي ستري على روحج للصبح واشوف سالفتج

غصن _ تمشي حيل وتسحل بيه مأطتني مجال حتى احجي وياه
وصلنه لباب بيت جان قريب على مكان الجنت واكفه بي اباوع باب البيت متأكل من كد مااقديم
الظاهر من زمن العثمانين مامغيري من غير شكل البيت الي يوحي بأنوا بيت أثري
طلعت مفتاح وفتحت الباب
والله زين طلع الباب المزنجر بي حظ وينفتح بمفتاح اني عبالي بس تلزمه يوكع بالكاع

ام جُديل : لاتضلين تهمهمين بينج وبين روحج تعالي طبي لجاي للداخل

غصن _ هزيتله راسي ودخلت ماعرف شنو الي خلاني أمشي وراهم يمكن لان تعبت وردت هاي االليله تعدي على خير ولو هو الوضع خربان خربان شيريد يصير اكثر من الي صار
جان حوش جبير تراب والاماكن القريبه على الغرف جانت صبه مفطره وكافعه ليفوك
وصت البيت شجره مال نبات السدر يابسه
منظر البيت يوحي بالبيوت القديمه
بس خفت من منظره
ماحسيت غير نسحلت من ايدي
ودخلتني لوحده من الغرف جانت مفروشه حصير
وبيه بوفيه
ومفروش بالأرض فراشين على جوانب البوفيه
وبنص السكف واير سيار معلك بي كلوب زغير

ام جُديل : ماخلصت صفنتج أكلتي البيت أكل بعيونج

غصن : ليش خاله هذا بيتج منو بحال يآكله!

ام جُديل : يايا يخايبه دحصلي مثله نوب تعالي أحجي عليه

غصن : بهاي صدقتي خاله ام غايب اني فراش ماعندي مو نوب بيت

ام جُديل : ام غايب شني منو هاي؟!

غصن : انتي هو وحده من لأثنين ياعجوز شمطاء يا ام غايب
واله اكو وحده عايشه بمنزل لاشباح هذا وحده

ام جُديل :انعم الله عليج زين من لفيتج بيتي وهيج تحجين روحي اسبحي بين مااافرششلج فراش

غصن : تمام بس الحمام وين

ام جُديل : الحجره الي مقابيل السدره

غصن _ طلعت ملابس من جنطه طاحت ورقه فتحته هذا رقم مُخلد
لازم أتصل بي يشوفلي مكان ماكدر اضل ويه هاي للعجوز احسه بيه شي ووراه سر جبير
رجعت دحسته ويه الغراض
ورحت للحمام جان حايطه مهربش ولايت شحن بي حتئ مو كلوب
وطشت ماي وطاسه
اجيت اخلي ملابسي حرت وين اخليهم اخر شي شفت بسمار مزنجر علكتهن عليه
سبحت وكملت طلعت من الحمام
نزيت من شفته كاعده مقابيل الحمام وتباوعلي

غصن : شبيج خاله عفيه والله نززتيني اكو وحده هبج تباوع
وشكو لازمتلي باب الحمام وكاعده

ام جُديل : ماكو شي ستوني اجيت اشوفج تأخرتي نريد نام حيطلع الفجر

غصن _ هزيت راسي اله ورحت وراه لكيته حاطتلي مخده وبطانيه تلفلفت بيهن ونمت وهي جانت نايمه مقابيل الباب اباوعله نزعت شيلته بينت ظفايره الي بلون الكطن
نطرحت على مخدته كامت تمتم بكلمات هامسه
بس شفايفه تتحرك
احس كلبي اجه يوكف من الخوف خاصه بعد ما كامت تسوي بعيونه حركات
تلفلفت بطانيت وطلعت بس عين وحده لو ضاله على مصطفى ولا جايه برجليه لبيت الأشباح فزززني صوت من صاحت

ام جُديل : نامي لاتضلين مراقبتني.

عزززا هاي شلون عرفتني حتى عيني الثانيه غطيته
حتئ من شردت مارتاحيت
ضلت فكر توديني وفكره تجيني حدما غفيت
كعدت الصبح على صوت سحل قوي وصارت وراه دبه طفرت كبل من الفراش طلعت للحوش
اباوع العجوز الشمطاء تسحل بدبه الغاز ومن تتعب تشمره بالكاع
رفعت راسه شافتني ابتسمت
ام جُديل : صباح الخير يحبوبه
غصن : هلا ام غايب شعندج من صبح كاعده تتعاركين انتي والقنينه بنص الحوش
ام جُديل : بعد بس تحاسبيني كاعده ببيتب وتتأمر
غصن : والله ذليتيني هي ليله بتته هيج
ام جُديل : وحصير ليالي ليله تسحب ليله مهم خايبه روحي لمي كفشتج لاواحد يشوفج البيوت كله متسلطه علينه
ولااطلعين مفرعه
غصن _ هزيت راسي اله ودخلت كعدت بفراشي صافنه
بالفراغ معقوله هسه افتقدوني؟
أيهم شسوالهم هسه؟
شلونه حالهم ماما درت وشسوت؟
هه هي ٣ شهر ماسألت عليه ذبتني ذبت الجلب ودارت وجهه
اهم شي رجله يعيش بخير واستقرار
نفتحت الباب ودخلت العجوز الشمطاء شايله بيده صينيه
جابته وخلته كدامي
جانت طماطه حمس وخبز وبصل وجاي
ام جُديل : شبيج صافنه بوجهي هذا الموجود عيني حياة الترف أنسيه
غصن : شمدريج جنت عايشه بترف جنت؟؟
ام جُديل : الطالعه بنص الليل اكيد شغله غالي مو؟
غصن من صدك عصبتني صحت بيه بصوت كانوا اريد اطلع تراكمات لأشهر الجنت عايشتهن بعذاب :
حتى انتي؟
شنو شسويت حتئ اخذتي عليه نظره هيج؟
عرفتي ظرفي
تعرفين شنو المريت بي
اني مالكيت غير هذا الحل كدامي
اني طلعت بنص الليل
حتى احافظ على شرفي مو حتئ اخسره
بس اعذرجن تدرين لانو اني أهلي هم الي
وصلوني لهاي الحاله.
اباوعله كامت تباوعلي بنظرات خيم عليه الحزن والقهر والفضول على حالتي
رادت تحجي مااطيته مجال
خليت وكمت لبست صايتي والحجاب واخذت جنطتي وطلعت
امشي بالشارع بس اريد اوصل لمحل او أي شخص عنده موبايل قررت قرار ماتراجع عنه خلاص اني لازم اخابره
اكيد الي نقذني مرتين وعيونه جانت تنطيني أمان هلمره هم راح يسندني
وصلت لراس الفرع جان اكو اسواق
ماترددت ولا لحظه انو ادخله
دخلت همزين ابو الاسواق جان جبير بالعمر
اول ما شافني كال :
تفضلي عمو محتاجه شي
غصن : اي عمو محتاجه موبايل اخابر منه لأهلي.
اطانيا اخذته منه بسرعه
طلعت الرقم من جنطه
رفعت الجهاز خليته على أذني
ويه كل دكه جانت نبضات كلبي تضطرب
لحدما.......

أصوات النيران محاوطه المكان
الرمي
أطلاق النار
صوت الجنود يهتفون بطلب الأمداد
جندي : سيدي المكان تحاصر من كل جهات أتوقع الخطه فشلت لازم ننسحب

أكبر : أنسحبوا بس بحذر بدون ماانفقد احد
الهمرات وره المبنى حاولوا اطلعون من أماكن متفرقه لازم نشتتهم مانخليهم يحسون علينه راح ننسحب

جندي : حاضر سيدي

اكبر _ سحبت اقسام وتوجهت للغرفه الأماميه
اني متأكد هاي الغرفه بيه كل الحقايق والادله الي نحتاجه
حاولت افتحه جانت مقفوله
دفعته ماتندفع
ابتعدت مسافه
وجهت المسدس عليه اجيت اصوب عليه بس استوقفني صوت
ذب المسددس لاأصوبك
بدون سابق إنذار ولا حتى التفت
حسيت بطلقه ثائره اخترقت صدري.....