ثأر مُخلد

البارت (29)

ثأر مُخلد
         الكاتبه : فاطمه اليساري
لاتنسون التصويت + التعليق بين الفقرات
             حتئ تصعد القصه
           قراءه ممتعه كرزاتي  🍒
--------------------------------------------------
جنت محتاج اشوفك
من جنت ماشوف
ردتك عون ليه بوكت عازه
وكزازه انت وضمك بين العيون
ياعين تغمض على كزازه.....

ضليت صافنه بوجوهم وهم هم صافنين قطع صفنتي صوت واحد بيهم
هشام - وين ابنكم شوووو ماهو
التفتتله واني احس شعر راسي حيوكف من سمعته معقوله مُخلد كاللهم زوجتي هاي وعندي طفل منه
ضليت ابلعم لابيه احجي شي خاف مُخلد حاجي شي غيره وابتلي
دنكت راسي وصرت اعصر بايدي بطرف الجبه سمعت همهمت الشخص الثاني
أوس - خويه ماعليج منه يحب يشاقه هاي امانه دزه مُخلد الج
من ذكر اسم مُخلد لااراديا رفعت راسي اله حبيت اسمع هلاسم اكثر واطقس اخباره منهم
ضليت اباوع اله وهو يكمل كلامه بس شكد شريف ابد ماارفع راسه وباوع عكسس صديقه الي جانت عينه ادور بأنحاء البيت
خله علاليك المسواك بالكاع مال شقه ودفع الجنطه جانت جنطه سفر زغيره
للداخل
وسحل صديقه من ياخته وطلع
من الفضول مااعولت يطلعون حتى اركض اشوف الجنطه شبيه فتحته جانت اشكال الملابس كله بعلامته بس اليي خلاني اضل مستغربه الملابس كله اسود
ضليت ادور بيهن منو الاحله حتى البسه طلعت تراك من جوه
من سحلته نسحلت وياه علاكه سوده ضليت مستغربه شمعنه قطعت الملابس هاااي بالعلاكه
عفت التراك على جهه وفتحته مثل مافتحته سديته احسسس دخنت من الخجل
عزززا بعينه شلون هيج يجيبلي رجعت فتحته جانت كله ملابس داخليه غمضت عيوني و اخذت سيت منهم ورجعت البقيه
رحت للحمام اسبح  كملت ولبست
عزززا بعينه فيييت عليه طلعن والله ويعرف يختار ابن اللذين
طلعت خليت عطر من جايبهن اليه شهل دلال مامتعوده هيج
رجعت للمسواك صفيته وطلعت الاحتاجه حتى اطبخ
احس من سبحت وغيرت ملابسي نفسيتي تغيرت
خليت التركيبه على نار وضليت اباوع بالشقه استكشفه جانت غرفه وحده وصاله ومطبخ وحمام بسس كللش مرتبه والاثاث مالته كله تركي
شكددد ذواق صاحبه
طبخت الاكل وتغديت وكملت
غسلت الماعين ورجعت كلشي لمكانه احسس بملل لايطاق وفكره تجي وفكره تروح
شنو حيكون مصري معقوله اضل طول عمري حبيست هااي الشقه
رحت لفراشي تمددت احاول انام حتى اهرب من الملل والواقع المر
هي بس فكرت طعنت انسان تاخذ نص حيلي
بحيث كلماااذكره احسسس جسمي يعرك ونفسي يضيق
بعدني توني دااغفه ودك الموبايل مديت ايدي
جاوبت بنعاس 
-الو هاا مُخلد
اسمعه تحمحم ورد
-بويه شبي صوتج عدلي
-شبي صوتي داانام وانت دكيتت شكو
- احمم ماكوووو وصلنج الغراض
-اي شكرررا وصلني كلفت نفسك
-لاعادي بويه يكدددلج موووو؟
احس وجهي اشتعل نار كمت أتأتا
هو صح حجه كلمه عاديه بس اني احسه يقصصد الي بداخل العلاك السوده
حجيت وصوتي واضح بي الارتباك
-ايي يكدون
هو سكت واني سكتت اسمعه يجررر حسرات حسره وره حسررره لحد مااهمس
-غصن اذا فد يوم وكع ابن عدوج بيدج شسويله؟
استغربت من سؤاله بحيث طكيته صفنه دقايق اجيت ارد عليه ماااسمع غيررر الباب كامت تندك بشكللل جنوني من الخوووف وكع الجهاز من ايدي
اسمع صوته يصيح
-غصننن بووويه غصننن وينج
رفعت جهاز من الارض واديه ترررجف
-مُخلد مُخلد الباب تندك حيجوووون ياااخذوني مُخلد فدوه تعالي
-بوووويه قفلي الباب ولااااسوين اي حرررركه خليهم يدكووون ويرحون واني مسافه الطررريق يمج بووويه بسسس كعدي بالغرفه وقفليه بدون ماااسوين صوووت.
رحت سويت الكاله والباب  مستمره تندكك
كعددت بالزاويه واحسس ذاك اليوم نعاد كله عليه الخط بقيه مفتوح ويه مُخلد
اقل من نص ساعه اسمع صوت الدك راح كمت من مكاني خليت اذني على باب الغرفه اسمع بس ماكو صوت الظاهر أيس وراح
رفعت الموبايل
-مُخلد يمكن راحوا ماكوووو صوت فدددوه فهمني شنو ديصير احس عقلي حيوكف من تفكير
-تمام بويه عشررر دقايق واصير يمج
فعلا عشررر دقايق اذا مو اقل وندكت الباب واسمع صوته يصيح
طفرت من الغرفه رحت فتحتله الباب
وهنااا جااان اول لقاء بينه اني هادئه وهو مخبوص رمقني بنضرات خلت جسمي كله يرجف ضليت صافنه بوجهه وهو كذالك
نضراته تحجي تعب على حقد على خوووف
حرررت شنو افسرهن بس رفعت حاجبه وتعابير وجهه توحي اني متهمه عنده
قطع صفنتي صوته
-غصن
همهمت بهمس احس الصوت والكلام  راح من عندي
-ها
-خفتي؟
هزيتله راسي
-بويه هذا ابو الكهرباء اجه يااخذ فلوس الكهرباء
فتحت عيوني عليه
-شكددد شريف بحيث خلاني ابلع طن هوه علمود حضرت جنايه يريد فلوووس واني عبالي عصابه هجمت علينه
سكتت من شفته صافن عليه احس نفعلت زايد دنكت وجهي
ثواني ونطق بكلام خله كل خليه بداخلي تنجرح