ثأر مُخلد
الكاتبه : فاطمه اليساري
لاتنسون التصويت + التعليق بين الفقرات
حتئ تصعد القصه
قراءه ممتعه كرزاتي 🍒
شنفِضهن نفُض شو كُلهن التمَن ؟
لا عَطوه نِطني ولا رِضن يهدن
شكِثر اسَهام كُلهن فد وكت هَدن
سَهم وداع ، سَهم اوُجاع
وسَهم ذاك العزيز الصار جوه...
____________*. *. *. *_______________
أوس _ بلحظه بين طبكت جفن وثاني مُخلد وكع بالكاع
طفرنه احنه ثلاثه كبل اله صاح هشام :
أوس بسرعه سيارتك احنه بره سيارتنه خلي نااخذه للمستشفى ضغطه يمكن ارتفع يمعود
رحت كبل لموبايلي وخابرت ابو محمد مسؤل الكراج يطلعلي سيارتي حتى ناخذه
رجعت اباوع اكبر واكف على جهه يباوع ل مُخلد وعيونه حمر وكلساع ماسحهن حسيت بداخلي انو هذا شخص ضام سر وراه
اباوع هشام التفت اليه شافني اباوع لأكبر كبل دار وجهه اله من شافه هيج صاح
هشام : اكبر روح كدامنه شوف ود
حسيت بداخلي شي يرفض اخلي يروح لود حسيت بالمسؤليه اتجاهه وانو اني احق بيه من أكبر غمضت عيوني وهمستلهم :
اني اروح انتوا اخذوا مُخلد وروحوا هاكم مفتاح سياره
واني حنزل اسأل بمكان الحادث وين اخذوه
اجيت اطلع وصلت للباب اريد افتحه قاطعني اكبر وصاح
اكبر : اني رايح لاتحشر خشمك انت بعدنه بسم الله ستوهم اتعرفوا عليك واحد نجلط والثانيه حتموت عائله بس المصايب الهم اجت من وراكم
أوس : انت بالذات تسكت وتنجب وضعك قطع الشك باليقين انت مسوي شي للبنيه وخاله تطلع بهل الحاله لاعبالك وضعه هذا طبيعي البنيه بالفديو تمشي منهاره
اباوعله اجه تقدم هجم عليه راد يضربني بوكسي كمشت ايده بقوه وتقربت عليه حطيت عيني بعينه اباوعله عيونه دم
أوس : اسمع والله اذا ادري ولو واحد بالميه مسوي شي للبنيه ماراح اتراجع ولاخطوه ما اكول ل مُخلد فدربالك حبيبي وخله ترجيه بأذنك اني مسؤل عنه بعد مُخلد فهمت انت مالك دخل بيه منا وجاي
اباوعله راد يحجي صاح هشام :
يمعودين مو وكت عركم مُخلد حيموت خلي ناخذه
وانت أوس شوف ود وين ناقليه.
طلعت امشي بهمه واني
احس كلبي يعصرني عليه الطريق الي نص ساعه صار خمس دقايق طلعت بالشارع اباوع الناس ملتمه و الرصيف كله دم وهي مطروح بالكاع جنه ملاك مذبوح والعالم واكفه تباوع
احس الدم صعد لراسي
رحت ركض احس المسافه بيني وبينه صارت شكبره واني اشوفه الناس ملتمه عليه ومحد مااخذه منتظرين الاسعاف
صحت بصوت :
ولكم عارات منتظرين تموت يله تاخذوه ناقصين غيره
وصلت يمه ياربي مابيه اي علامه ادل على حياه
بحركه سريعه نزعت سترتي وشلته واني اباوع الدم يجري بغزاره من راسه لايربي حتموت واحنه نتعارك هناك وهي هنا كاعد تموت
خليته على كلبي واركض اباوع الشاله طاح بالارض وشعره أنثر
صحت بصوت سياره فدوه بسرررعه
بهل لحظه شفت سياره لاسعاف اجت
وكفت يمي واني شايله نزلوا المسعفين اخذوه خلوه على سديه واني احس اخذوا روحي مني
اباوع الدم بكل بمكان قميصي لابيض انصبغ احمر ركبت وياه بالاسعاف
اباوعلهم يحاولون يوكفون النزف بس الدم يطلع من كل مكان غمضت عيوني ماريد اباوع احسه كاعد تنازع بين الحياه والموت خاصه بعد مااسمعت المسعف صاح بصوووت استعجلوا اخوان حنفقد المريضه
فتحت عيوني بصدمه كمشت ايده وهمست :
فدوه لاتروحين شكول لأخوج اخوج حيموت هناك وانتي هنا فدوه قاومي علمود مُخلد مُخلد تعب هواي بحياته ودايته كوومي لخاطر عيونه لا صيرين ضعيفه
اباوعله وجهه صار اصفر وفاقده ماعده اي ردت فعل وجسمه بلش يبرد لا ياربي لا
صرخت بيهم : ولكم حتموت وين صارت ألانتقام ولكم سوا شي فدوه جسمه صار بارد حتموت
اباوعلهم نخبصوا واحس السياره من كد ما سريعه ماكاعد نمشي على كاع
وصلنه للمستشفى نزلوا بسرعه نزلت وراهم اركض دخلوه لصاله العمليات اباوع لاطباء تركض والممرضين نخبصوا واني واكف بالباب لاحول ولاقوه وكفت على حايط ساند جسمي احاول اتمالك نفسي قبل لاافقد غمضت عيوني
واني اذكر اول مااشفته احس تخربطت احوالي
جانت لابسه شال وردي زايده جمال وجاذبيه
جانت تضحك للهوا حسيت بوكته هاي البنيه راح تخربط احوالي حسيت بيه طفله بريئه
جنت اقسي عليه احاول اجذب داخلي انو هي مجرد طالبه عندي جنت ارزله واحاول اقلل من قيمته حتى ارضي داخلي
لحد مااختفت فتره عرفت انو هي داخله مستشفى بوقته
مااعرف شنو صارلي
بعده داومت وجانت طالعه ملاك مو بشر بوقته غرت عليه من عيون الطلاب حاولت اكومه تشرح حتى بلكي الكه فرصه حتى اطرده بس جانت مثل الكناري تغرد بخجل وهمس خلتني اتندم لأن كومته رجعت واني عيوني تركض وراه
طلعنه ورحت للمكتب واني راسي مصدع منه بنت اللذين طالعه اطك بالكاع
خاصه عيونه العسليه ويه الكحل سطرني سطرر
رحت للنادي اخذ كوفي جانت هي تريد تطلع ماشافتني ونصدمت بيه بوكته لأول مره احس الحظ وكف وياي كمشته بين اديه واني احس كلبي وكع وياه باوعت بعيونه واني لاهمني قميصي الي توصخ ولا حرك صدري جنت اريد بس دقايق اصفن بعيونه عن قرب
اباوعله كامت بفزع صاحت اسفه وطلعت ضليت ملتفت اباوع عليه
وراه هم رجعت اختفت ومن سألت عليه كالوا بالمستشفى اخوه مااخذله اجازه بذاك الوقت مااعرف صارلي شنو
بس الي اعرفه اخذتني رجليه للمستشفى حتى اسأل عن حالته
ولمن وصلت عرفت صاير عده بدايه صرع
بوقته اختنكت حسيت اني مذنب وانو الي أيد بالي صارله ضليت بوقته للفجر افتر بالشوارع اريد النار الي بداخلي تهدء عرفت بساعته انو ود ملكت كل كياني وكلبي ما هزتني بنيه غيره
طول عمري مكرس حياتي للدراسه واخوي وبيبيتي خاصه بعد موت عمتي كرهت الزواج ولارتباط جانت بيبي اتلح عليه ازوج واعرس وانو مو كل اصابعي سوه بس جنت رافضه للفكره
نزلت راسي وحاليا شايل بنت كلبي بأيدي وهي اصارع بين الحياه والموت
_ردتج هوسة عرس وصفكة
و عمر وياي مو بيدي تموتين.... بقلمي
أنت تقرأ
ثأر مُخلد
Roman d'amour. رجلٌ شرس مُغلف بالقسوه صاحب قلب نقي، لاكن ثأره جَعلهُ رجل حاقدْ تقع ابنة عَدوه في قَبضَته فهل سيرحمها ام سيعمي لانتقام عينيه...... الكاتبه : فاطمه اليساري
