ثأر مُخلد

البارت (6)

ثأر مُخلد
الكاتبه : فاطمه اليساري
لاتنسون التصويت + التعليق بين الفقرات
حتئ تصعد القصه
قراءه ممتعه كرزاتي 🍒

جبِت كلِشي وعفت كلشي
ومَدري شلون اجْيت امَشي
اجيتك ردت اگلك شوف
رِدنه نعُوف كلشي وماكِدرنةَ نعوف
-جبار رشيد

><><><><><><><><><><><><><

غصن : احس عقلي وكف من كالله هسه حنوصل للشقه
التفتت لميسون وصرخت باعله صوتي:
- ميسون ياشقه هاي مو عساس حنروح لمطعم تتغدون عالسريع ونرجع لاتخبليني
اباوعله اتلبكت وصار وجهه اصفر دارت وجهه الي وكامت تمتمت بالكلمات
ميسون : ها غصن باعي هو غيرنه رئينه قررنه نروح لشقته ونطلب غده حتئ ناخذ راحتنه اكثر

احس صاعقه نزلت على راسي من كالت هيج اريد احجي احس لساني ثكل
كتلهم بصوت يرتجف : نزلوني هنا فدوه

رفعت نظري شفته ابتسم ابتسامه جانبيه وضغط على لاقفال مال السياره وقفله
فتحت عيوني بصدمه صرخت عليه :
انت شنو سوي كاعد داكلك افتح الباب ونزلني هنا ادكوم تقفل الباب حقير
التفت على ميسون جريته من جتفه باوعتلي وادموعه تجري وهمست :
-اسفه غصن بس هو هددني اذا ماجبتج اله ينشر صوري واني ما كان عندي حل ثاني فدوه سامحيني

احس حيلي باد من كالت هيج يعني اني صرت طعم وصديقتي الي هي مفروض تكون سند الي غدرتني

رجعت نفسي على كرسي اريد استوعب الصدمه الصارت
غمضت عيوني بحيره اسمع صوت ضحكته
وهي تشهك الحقيره بعد ماورطت روحه وورطتني وياه
اذكرت بابا اكيد اذا دره يموتني هو يريد حجه بسس
فتحت عيوني وكمت ادفر بالباب اريده تنكسر احس حيوكف كلبي من الخوف كمت اصيح واشهك :

-حقيررر حيوان افتح الباب لك

سامر بضحك : البزونه كامت تخرمش وتغلط صيحي يبعدي صيحي نتحاسب عليهن كلهن نكعد هسه بالغرفه ونصفي حسابنه يحلوه

احس دموعي كامت تجوي خدي على كد مانزلت همست بضعف وتوسل :

حباب الله يخليك والله اني ممسويتلك شي ليش هيج سوي بيه انت مو تحب ميسون شسوي بيه لعد

سامر : منو كلج احب ميسون ردته حلقه وصل حتئ اوصلج
وما شاء الله عليج فعلا عندج صديقات ونعم بيهن بحيث يخرخرن اخلاق
بسرعه اطت روحه وباعتج

من سمعته هيج يحجي من قهر كلبي دفرت ميسون برجلي احس كعب الحذاء طب بزنده
كامت اطفر من الوجع و َتبجي

رديت عليه بصوت عالي : حيل بيج يااخاينه بدي اكطعج واشرب من دمج هسه حسبتج اختي وطعنتينيي عسئ حركت كلبي ماتتعداج ياحقيره؛ بعدني ممكمله حجي وشخطت سيارته وكفت
احس كلبي وكف ويه وكفته دار وجهه الي وحجه