ثأر مُخلد

البارت (9)

ثأر مُخلد
الكاتبه : فاطمه اليساري
لاتنسون التصويت + التعليق بين الفقرات
حتئ تصعد القصه
قراءه ممتعه كرزاتي 🍒

باجِر من ترد ما تلگه شي موجوّد
تلگه الوَرد ذابِل والأرض صحره
تلگاني مدينّة مسَدده البيّبان
بيها الگمَر ميت والشمّس حمره

><><><><><><><><><><><><><

بيان : انتي لازم تروحين

غصن - رفعت راسي اله بصدمه وجسمي مكسر من الضرب :
وين اروح وين اطي وجهي خلي يكتلني ويخلصني اني تعبت

بيان : وج شنو تموتين ناويه جلطيني فدوه اروحلج يمه بس اسمعيني وطلعي من البيت كله وج خسر صفقه كامله البارحه مايرحمج اطلعي احسلج هو حتئ مراح يسأل عنج ينتظر هلشي من زمان

غصن -كعدت من صدمه الخبر الي جاهدت ٢٠ سنه ويه بابا ومافكرت بيوم اتخليني ابات عند احد هسه جايه بكل بساطه دكلي اطلعي من البيت كمت ابجي بحركه
اباوعله اجتي اتريد تبوس ايدي هلموقف كسر كلبي تريد تحافظ عليه وهي مابيده شي لان ابوي مراح يرحمه هزيت راسي اله واني احس الشهكه شكت صدري اباوعله بنص ادموعه وغصته ابتسمت بتفائل
بيان : باعي حخابر خالج يجي ياخذج وحلملج كم قطعه ملابس واوصي من ياخذج يوديج للطبيب خوش يمه يعالج الجروح ولاثار الي بجسمج

غصن : وجروح كلبي يمه منو يعالجه المفروض ابوي يكون سندي بالحياه صارلي عدو
تدرين شنو اتمنى من سمعت حجيج اتمنى اموت واخلص داحس كلشي يخنكني.

اباوعله اجتي كعدت جوه رجليه وحجت ادموعه اصب

بيان : وداعتج يماما مجبوره اتحمل هذا الوضع والعيشه شعبالج اني مرتاحه بس ابوج لازمني من ايدي التوجعني ومااكدر اضحي بيج والله رايح ينهيج تدرين البارحه جان عيد ميلادج هه وانتي ممذكره وهو بنفس اليوم خسر صفقه كامله ونص ربعه لكفوهم بالممنوعات يعني حيعدمج العافيه لا عبالج سهل عليه فراكج .

غصن - هزيت راسي اله وكمت احس شعري كله متكطع لميته وسويته كبايه وصعدت لغرفتي فتحت البرده شفته بره ديخابر ويحجي بعصبيه حسيت بخوفه داخلي لازم اسمع كلام ماما وراوح نزيت من شفته دفر الكرسي وراح للسياره وطلع حسيت كلبي وكف لا إراديا رحت للكنتور فتحته وطلعت جنطه وكمت ألم غراضي بصوره عشوائيه اخذت بس شغلات الي احتاجهم اذكرت مُخلد رحت ركض لغرفه ماما لكيته كاعده على جربايه تبجي هي من شافتني رئسا كامت دنكت راسي وحاجيت

غصن : ماما اريد موبايلج

بيان : شسوين بي؟

غصن : ها اريد اخذ رقم ميسون خاف احتاجه.
اباوعله راحت طلعته من كنتور وجابته خلته بيدي

اخذته ورجعت صعدت للغرفه طلعت قلم ورقه من جنطتي بحثت بالارقام على يوم الي صارت بي الحادثه طلع رقمه
سجلته بالورقه حسيت بداخلي حيجي يوم وراح احتاجه
كملت وخليت ورقه بجنطتي.