ثأر مُخلد
الكاتبه : فاطمه اليساري
لاتنسون التصويت + التعليق بين الفقرات
حتئ تصعد القصه
قراءه ممتعه كرزاتي 🍒
ثم تأتي المُدن بَيننا
ولَن نلتقي ابداً،
حتى المُصادفة لَن تجمعْنا معاً
تُم رُبما يَموت أحدنا ،
والآخر لَن يعرف ابداً
" غصن "
واكفه على سنك اسمع جدال ام جُديل وسمر اخت مُخلد على رغم من وجوده القليل بس تحسه فرضت شخصيته بس سكوته وعدم سؤاله علينه خلاني اقلق ممعقوله وحده تتدخل شقه اخوه وتلكه بنيه شابه وحده وماتسال منو!
هلشي خلاني افكر بأحتمالين يا انو مُخلد مبلغهن ياا هن من النوع الي مااايدخلن باخوهن
دنكت امسح الكاونتر
ورجعت بذاكرتي لذاك اليوم
الي نفتحت بي الباب ودخلت ام جديل
من صدمتني مااا كدرت احجي شي منا ضعف جسمي ووجعه ومنا صدمتي بيه حسيت الكاع افترت بيه والدنيا ظلمت بعيني
...
صحيت بعد فتره لكيته كاعده يمي تشمشمني عطر رفعت ايدي اتلمس وجهه اتاكد الكاعد تشوفه عيني حقيقي لو خيال
ايي ايي هي حقيقه ودموعه التوكع وتمسحه بالشيله
اباوعله كمشت ايدي باسته نزلت دموعه على ايدي
همست :
ساامحيني يمه ساامحيني
عقدت حواجبي بأستغراب
-ليش اسامحج مفروض انتي تسامحيني دخلتج بمواضيع انتي بغنئ عنه.
دنكت راسه وخلت شيله على عيونه وصارت تبجي بحركه وتحجي
-لاااني السببب بالكاعد يصيرلج اني سبب بالي وصلتيله
استغربت منه أكثر حاولت اهدئه وابررله انو ماله علاقه بسسس جانت بغير عالم لدرجه حسيت نفسي صدك ظالمته وخالته تعاني تأنيب ضمير بسببي.
ضلت على وضعه ساعه كامله تبجي وتحجي كلام مامفهوم واني مكابلته وكاعده لحد ماتعبت وسكتت
رحت كمت اجر روحي جر جبتله ماااي اطيتهيا واني مستغربه من وضعه
اخذت الكلاص شربته كله
اخذته منه خليته على طبله وكعدت مقابيله واني ببالي كومه اساله
اوله شوصله لهنا وشعده ويه مُخلد معقوله جان خااااطفه؟؟؟
رفعت راسي اباوعله واني مترددده احاجيه لو اغلس
مرات ثواني بعد مااتحمل اجيت احجي اول مااكلتله
ام جُديل
انفتحت الباب الخارجيه ودخل مُخلد
باوعلي نوب وزع نظراته على ام جُديل
الي من شافته تخربط وضعه
هلشي خلاني اخلي الف علامه استفهامم
اكيد اكو شي ضامي بس سويت روحي مامنتبه عليهم
فاااجأني من كال سوووا طريق دخلن للغرفه وياي خطار
هزيت راسي كمت وكومت ام جُديل دخلنه للغرفه
من شوكت مُخلد يجيب خطار للبيت؟؟؟
دقايق ودخل للغرفه باوعلي وحك كصته
صدمني من كال
مُخلد : لبسي حجابج وعبايتج وتعالي وراي
غصن :ليشش؟؟!!!
مُخلد :جبت السيد يعقدلنه.
أنت تقرأ
ثأر مُخلد
Romance. رجلٌ شرس مُغلف بالقسوه صاحب قلب نقي، لاكن ثأره جَعلهُ رجل حاقدْ تقع ابنة عَدوه في قَبضَته فهل سيرحمها ام سيعمي لانتقام عينيه...... الكاتبه : فاطمه اليساري
