ثأر مُخلد

البارت(21)

ثأر مُخلد
الكاتبه : فاطمه اليساري
لاتنسون التصويت + التعليق بين الفقرات
حتئ تصعد القصه
قراءه ممتعه كرزاتي 🍒

____________*"*" *"*" *"*" *________________

ود من صدمه ما سمعته وكفت بالعجل همست :
اوس فدوه منو متعرض لحادث مُخلد بي شي ؟؟!
- مو مخُلد بس اكبر متعرضين لهجوم ومتصوب
- صدك تحجي وشلونه هسه ؟؟
رفعلي حاجبه بتساؤل !!
-وانتي شعليج بي اتصور هو صديق اخوج لاكرايبج ولااخوج بعد شكو هيج فزيتي عبالج واحد من اهلج لو عندج شي وياه ست ود ؟؟
-شعندي مثلا هاا وانت شكو هيج مندفع اخاف عليه ابجي عليه اكطع روحي انت اخر واحد يدخل فهمت
ورجاءاً وخر عن طريقي خلي اروح وهاي اخر مره اسمحلك تتدخل بيه اخر وكت طلعلي ابن خال وكام يحجي
باوعلي وهمس
-برعه ماصيرلج جاره طالعه على جدتج
-درت وجهي اله يااجده اني عندي وحده وماتت صارله سنين
-جدتج ام امج يحلوه.
كال هيج وغمز
ضليت متصنمه بمكاني ياربي منين اجتني هاي مصايب لو ضاله فاقده احسلي جنت بوحده صرت باثنين
-وين مدولغه صفنتج مو خاليه هاي الله يستر منه
-اي مو خاليه داافكر شلون اكتلك واخلص احسك هيج واكف مثل العظم بالبلعوم لاتنبلع ولاتطلع
-ديله عساس انتي شلونج اليشوفج يكول ميت عليج جنج عصفور مهلسين جناحاته .

ود اجيت انفجر من العصبيه حاجيته بنبره عاليه
-لاتموت عليه ولااموت عليك انت بس شوف جم عين عندك قبل لا تتنمر على ناس ابو اربع عيون.
قبل لاينطق ويرد عليه عفته وطلعت
اسمع صوت خطواته ورايه يمشي وينافخ
عابتله هو بالجامعه مااطايقته نوب هنا
دخلت للغرفه اباوع ماما وجهه اصفر مخطوف تقربت اله بخوف
-شبيج ماما صاير شي وياج ليش هيج وضعج؟
رفعت راسه ودموعه بعيونه
-اكبر مصوب ولج ماما وحالته حاله هسه مُخلد خابرني ويكول خلي اوس يرجعكم للبيت اني داخل ويه اكبر للمستشفى

نزلت راسي اجذب اذا اكول مامهتمه بس دااحول اطلعه من تفكيري واوهم نفسي مااهتم اسمع اخباره
هزيت راسي لماما
- الله يشافي ماما مايستاهل الصارله.
كامت تباوعلي بستغراب الظاهر جانت متوقعه ردت فعلي اقوه من هلشي.
ماتركتله مجال تسأل وتستفسر كمت الم بالاغراض حتئ نطلع.
دنكت اخذ الحذاء من تحت السرير
اسمع الباب اندكت دكات خفيفه ونفتحت رفعت راسي صار أوس كبالي عقجت وجهي ونزلت اربط القيطان الظاهر ماراح نخلص مُخلد واثق بي كلش والعائله كله كامت تشوفه السند المثالي اذا غاب مُخلد خصوصا بعد مااسمعت الترحيب الحار من ماما حنان اله
معناه هذا لعنه حضل ملازمتني
رفعت راسي اباوعله جان لابس قميص ابيض وبنطرون قماش رصاصي مرتب نفسه على اخر حبايه
ويسولف ويه ماما بطلاقه وماما تجاوبه باريحيه
ثواني ودك موبايلي رفعته جان مُخلد فتحت الاتصال
اجاني صوته التعبانه
-هلو بابا شلونج شلون صرتي عذريني ماكدر اجي اخذج اكيد تعرفين بالصار
- لا حبيبي براحتك متقصر معذور احم شسمه اكبر شلون صار؟
اني كلت هيج وعيون أوس اتحولت عليه اطيته نظره عدم اهتمام وركزت ويه كلام مُخلد
- والله مادري شكول ود اني كلش تعبان ود اكبر فاقد بعدني ماتخطيت حادثج طلعلي حادث اكبر
- كول يالله حبيبي شده وزول ماعنده غير العافيه اني حغلق الخط لانوا حنطلع
سديت الخط من عنده بعد ماودعته واني عيون أوس عليه كلما حاولت كدما اكدر اتجاهل نظراته.
سوينه خروجيه وطلعنه حتى نرجع للبيت ماما صعدت بالصدر يم أوس واني كعدت لوره ثواني وحركت السياره جان الهدوء سيد الموقف للحظات دك موبايل أوس وياريت بساعته ميته ولاسامعه هذا الخبر الي جان بمثابه صدمه جبيره النه كلنه.