ثأر مُخلد

البارت (24)

ثأر مُخلد
         الكاتبه : فاطمه اليساري
لاتنسون التصويت + التعليق بين الفقرات
             حتئ تصعد القصه
           قراءه ممتعه كرزاتي  🍒

———————————————————————-
غصن داحجي ومنطلقه بالكلام مااحسيت غير صوت بابا كام يلعلع بيان وينج بيان
بسرعه طفيت الجهاز من الخوف حسيته دكول شايفني مجرد صوته خله الرعب يدب بداخلي عفت موبايل
درت وجهي ل ام جُديل جانت تباوعلي بتمعن اشرتله بمعنى

-شكو

-ليش طفيتي جهاز

-سمعت صوت بابا يصيح عليه .

اتقربت عليه اخذت الخاولي من ايده وبلشت امسح الدم من كصته جانت مجروحه بيه
امسح وهي كل حسره تذبه تشك الكلب شك ستغربت وضعه
نزلت الخاولي من ايدي وباوعتله

-شبيج زرفتي كلبي بحسراتج ؟؟

-خايفه عليج منهم وراج طريق طويل وصعب

اجذب اذا اكول مااخفت من كلامه رجعت امسح بوجهه واحجي
-اني يمج صدكي ماايلكوني

-بنتي هذا وكتنه غدار امني بالغريب ولا تأمنين بالقريب واذا الله كاتبلج ترجعين ترجعين لو تنضمين بجوف الكاع.

باوعتله بخوف
-ليلوه شبيج خليتي كلبي يلعب كوه كوه تردين تخوفني .

خليت الخاولي بالكاع وطلعت بره
افتر بالطارمه وفكره تاخذني وفكره تجيبني اني مو كدهم شلون ارجع اتصل بماما بله شاف الرقم عنده شنو حيسوي
لااكيد ماايسوي هو اصلا عمره مااشفته مااخذ جهازه
سواه الحظ واخذه ساعته حيطلعني من جوه الكاع هو حاقد ويدور حجه عليه أمنيتي اعرف شنو السبب الي خلاه هيج وياي .