☆☆☆
ကားကလေးက စိတ်ညစ်စရာအိမ်ထဲမှ ထွက်ခွာလာခဲ့သည်။လမ်းတစ်လျောက် စိတ်တွေထုံလွန်းလို့ အရာအားလုံးက မဲမှောင်လျက်သာရှိ၏။ တကယ်အပြင်က မှောင်နေတာမဟုတ်ဘဲ နွယ်မျှင်လေး အမြင်တွေကသာ မှောင်မဲနေခြင်းဖြစ်သည်။
ကားစက်သံ ရပ်သွားတဲ့အခါ ကားသမားက နွယ်မျှင်လေးဆင်းဖို့အတွက် သတိလှမ်းပေး၏။နွယ်မျှင်လေး ကားသမားကိုကြည့်လိုက်သည်။ထိုကားသမားက ဦးလေးအရွယ်မဟုတ်ဘဲ အစ်ကိုအရွယ် လူငယ်တစ်ယောက်ဖြစ်ကြောင်း နွယ်မျှင်လေး ယခုမှသိ၏။
" ကျွန်တော်နဲ့ အတူလိုက်ကြည့်ပါလား "
" ဗျာ "
" ကျွန်တော်တစ်ယောက်တည်း ပျင်းလို့ပါ လိုက်ခဲ့မလား "
" အာ ကျွန်တော်.... "
" လာပါလိုက်ခဲ့ "
ထိုကားသမားလက်ကို အတင်းဆွဲ၍ ဘိုင်စကုတ်ရုံးဘက်သို့ ထွက်ခဲ့ကြသည်။ထိုလူ့ကို ခေါ်လာတာဘာရည်ရွယ်ချက်မှတော့မရှိပါဘူး။ဒီအတိုင်း သူတစ်ယောက်တည်းသာဆိုလျှင် ငိုမိမည်ဟုထင်သောကြောင့်ဖြစ်၏။
ဒါပေမယ့် နွယ်မျှင်လေး ဘိုင်စကုတ်မကြည့်လိုက်ရပေ။ငိုမည်ဆို၍ အတင်းဆွဲခေါ်လာသော လူရှေ့တွင်တောင် ငိုမိတော့၏။ဘာကြောင့်လဲဆိုလျှင် ကိုကိုကြီးနဲ့ မမခင်တူတူ ရယ်မောကာ ဘိုင်စကုတ်ရုံးထဲဝင်သွားတာကို လှမ်းတွေ့လိုက်ရသောကြောင့်ပင်။
နွယ်မျှင်လေး ငိုတဲ့အခါ သူ့ဘေးနားက လူတွေက ဝိုင်းကြည့်ကုန်ကြသည်။ကားသမားက ဘာလုပ်လို့ ဘာကိုင်ရမလဲမသိဘဲ ပျာယာခပ်နေ၏။နွယ်မျှင်လေးလည်း လူရှေ့သူရှေ့တွင် ဆိုသောအချက်ကိုပါ သတိမထားမိတော့ဘဲ ကလေးတစ်ယောက်လိုငိုယိုနေလေသည်။
အစကတည်းက ဝမ်းနည်းနေသော စိတ်ကလေးက ထိုမြင်ကွင်းကြောင့် ခံနိုင်ရည်မရှိစွာ မျက်ရည်ကျမိသွား၏။သူအရမ်းဝမ်းနည်းနေသည်။
ရုတ်တရပ်နွယ်မျှင်လေးကို တစ်ယောက်ယောက် ဖက်လာသည်။ထိုလူကို နွယ်မျှင်လေးသိသည်။သူက နွယ်မျှင်လေး အတင်းဆွဲခေါ်လာသည့် ကားသမားဖြစ်သည်။
YOU ARE READING
ဦးလှည့်လို့ ဘယ်ကို နှင်မှာလဲ (၁၉၈၀( Retro ))(complete)
Fanfiction" ပန်း နှင့် လိပ်ပြာ ကျူးပိုက်ဖြားလို့ ပြန့်ပြူးချုပ်ထိုင်း လျှပ်ပန်းစုံကို စက်အရှင်နှယ် ပျံသန်းလေရော ပျံသန်းလေရော " Author - shut paann Start date - 27 . 2 . 2023 End date - 2 . 11.2023