☆☆☆
မိုးရေစက်ကလေးဖျောက်ဖျောက်ကြားရုံ သစ်ရွက်ကလေးလှုတ်ရုံနဲ့ ဘာလို့ အလွမ်းတွေကပိုသည်းလာရတာလဲ။အမြဲတစေ ဖုန်းနဲ့အဆက်အသွယ်ရှိနေသော်ငြားလည်း လွမ်းရတဲ့ရက်က တစ်လမှာ ရက်၃၀။
တမြန်နေ့က အငွေ့အသက်ကလေးတွေက အိပ်ယာခင်းပေါ်မှာ စွဲနေတုန်းပါပဲ။ လုပ်စရာအလုပ်ရယ်ပုံနေသော်ငြှားလည်း တစ်နေ့တစ်နေ့ ဖုန်းကောလ်လေးကိုသာ စောင့်မျော်နေမိ၏။ဘယ်ဘဝက ပါရမီတွေပါလိမ့်။တနည်းမဟုတ် တနည်းဖြင့် လွမ်းနေရတာချည်းပင်။
" သားရေ သား "
" ဗျာ အမေ "
" ဆန်စက်ကိုတချက်သွားကြည့်ပါအုန်း ရန်ပွဲဖြစ်လို့တဲ့ "
" တင်ထွန်းတို့ နဲ့ပဲလား "
" ဟုတ်တယ်သားရယ် အမေတို့အလုပ်သမားကိုထိုးကြိတ်လိုက်တာများ ဖူးယောင်နေတာပဲတဲ့ "
" ကျွန်တော် အခုသွားလိုက်မယ်အမေ စိတ်မပူပါနဲ့ "
" အေး အေး သားလည်းဂရုစိုက်အုန်း "
နွယ်မျှင်လေး ခေါင်းကိုငြိမ့်လိုက်ပြီ အိမ်ပေါ်မှသွက်သွက်ကလေး ဆင်းလာကာ ဆန်စက်ဘက်သို့ ထွက်လာခဲ့လိုက်သည်။အမှန်တကယ်တော့ ရန်ပွဲဆိုတာက ရိုးနေချေပြီ။အမြဲတမ်း တင်ထွန်း တို့ဘက်က ရန်လာလာစတက်သောကြောင့် ရိုးနေခြင်းဖြစ်သည်။
ယခုတခါတော့ သူ့ဘက်က အထိနာသွားသည်ဟုကြားရတော့ ဒါက ကိစ္စသေးသေးလေးတော့မဟုတ်တန်ရာ။မဖြစ်သင့်တာတွေမဖြစ်ခင် နွယ်မျှင်လေး အပြေးကလေး ခရီးနှင်းလိုက်သည်။နွယ်မျှင်လေး ဆန်စက်ကိုရောက်တဲ့အခါ လူတွေရှိနေသေး၏။
ဒဏ်ရာရထားတဲ့ ကောင်လေးက မြေပြင်ပေါ်မှာလဲနေပြီး ကောင်မလေးတစ်ယောက်က တရှုံ့ရှုံ့ထိုင်ငိုနေသည်။ကျန်တဲ့လူတွေ နဲ့ တင်ထွန်းတို့အဖွဲ့က တုတ်ဆွဲ ဓါးဆွဲဖြင့် အချေအတင် စကားများနေကြ၏။
" ဘာတွေဖြစ်နေတာလဲ "
နွယ်မျှင်လေး လူတွေအားလုံးကိုကြည့်၍ အော်ပြောလိုက်သည်။
YOU ARE READING
ဦးလှည့်လို့ ဘယ်ကို နှင်မှာလဲ (၁၉၈၀( Retro ))(complete)
Fanfiction" ပန်း နှင့် လိပ်ပြာ ကျူးပိုက်ဖြားလို့ ပြန့်ပြူးချုပ်ထိုင်း လျှပ်ပန်းစုံကို စက်အရှင်နှယ် ပျံသန်းလေရော ပျံသန်းလေရော " Author - shut paann Start date - 27 . 2 . 2023 End date - 2 . 11.2023