__🍁🍁__
دخلت مع اليوم الجديد بطاقة جديدة وحيوية كبيرة مست كل واحد قابلها ...وهي في الكلوار ماشية لبيروها تتمايل باكتاف مرفوعة ومشية مشاهير ، خلط عليها ياسين في يدو قهوة ريحتها فاوحة شي عجب ..تكلم تحت وذنها فاجعها " دددِنيااا "
تنفضت " باسم الله المانع الستار "ضربتو علئ كتفو معاقبتو " يااا سخطة "
ضحك وهو يعرض عليها قهوتو " هيا باسم الله ...والا قهوجت عند ولد التارزي قبل لا تجي "
_" كاينك حاضر...قهوتك هاذي ماتجيش في بُنَّة من بُنّٓات ولد التارزي "
_" برجولية ملاا ولد التارزي وملا هو ..وبيناتنا ملا أنت يادنيا ..لبارح سكتهم تقول بوارو في زماناتو "
نطرت شعرها بغرور " دكتووورة ...ياخا بالساهل هو يسموك دكتورة علم نفس جنائي..نهبلكم فازات وتحليلات "
_" اللهم زدنا تواضع "
_" آمييين "
ضرب كتفو علئ كتفها " تي هو معاوية وعينيه برقت ..أخ شيستنئ فينا منك "
نفشت ريشها " كان الخير يا بعد قلبي ...وبالنسبة لماوي ...بكلو باش يبرق موش كان عيونو "
شرق في القهوة " يتولاك...ماااوي ؟!..كان يسمعك الا مااا .."
جاهم صوتو من أول الكلوار" دنياااا "
وشوشت لياسين " يظهرلي سمعنا وكمل ونحن في مرحلة الا مااا هاذيكا...راااح الغالي راااح "
دارولو الزوز واستنوه حتئ وصللهم ..صبح عليهم بنبرة بالكاد مسموعة و حك خشمو وعينيه تلعب يمين ويسار " دنيا ..حاجتي بيك في كليمتين "
ياسين حس روحو زايد في الحكاية وفهم أنو لازم يجبد روحو من وسطهم ويخليهم مع بعضهم " أنا...سامحوني ...ا..دنيا..هاني سبقتك "
تبسم لمعاوية باحراج وتسلسب من بينهم وهي لقات الوقت باش تكتف يديها لصدرها و تهز راسها مبينتلو ثقتها في روحها " أن شاء الله خير سي معاوية "
طول دخل في صلب الموضوع " أكيد وصلتك الانفيتاسيون باش تطلع و تحكي ع المباشر في التلفزة "
" ايه ..صحيح وصلتني " تنهدت وهي تمشط اطراف شعرها " الصراحة كيف ناديتلي استنيت تقلي براافو علئ تحليلي لبارح ماجاش لبالي شتحكيلي ع التلفزة "
هز حاجب بحاجب بحركة بدات تحفظها عليه "هذيكا خدمتك وواجبك...ياخا كل ماتخدم ساعة باش نصفقولك وهاااي برافو !!عموما موش هذا موضوعنا...المباشر ايلي باش تطلعو ممكن ياسر يسألوك فيه حاجات تمس سرية التحقيق...حاب انبهك علئ حويجا..."
أنت تقرأ
تــجاعيٕد ســامّة ☘️( مكتب التحقيقات الخاصة ) ☘️
Ação🌼الإسـم : 🦋تـجـاعـيـد ســامّــة 🦋( toxic wrinkles ) 🌼الكاتـبـة :🦋 ňòùdã🦋 🌼النــوع :بوليسي ،جريمة ،اثارة ،تحقيق رومنسي ، اجتماعي 🚔 🌼تاريـخ النـشر : 2023 : قريبا 🌼القـصّـة : تدور احداث القصّة حول محقق من مكتب التحقيقات الخاصة يسعئ رفقة فري...
