___🍁🍁___
" الضحية ،ذكر في عمر 68 ، يعيش وحدو من ستة شهور في دار ورث من بوه ، مطلق من عشرة سنين وعندو زوز بنات ...وحدة معرسة لبرا ووحدة مازالت ، تعيش في ولاية اخرئ ...المعروف عليه سكارجي وماركة قمار ونساء ...اخر مرة شافوه لبارح كان مع الساعتين مروح وحدو ...ماتسمع شي من الجيران وقت الحادثة لا صياح ولا حركة موش عادية ..أيلي فاق بالجثـ..ـة واحد من أصحابو يقول أنو بيناتهم مفاهمة يجيه الصباح باش يهبطو لرحبة قريبة بحكم المقتـ..ـول يتاجر في الحيوانات "
زم معاوية شفايفو بعد ماسمع من محي الدين " مات بالكول ؟! "
فسرلو " ع الأغلب شم الكول حتئ فاضت رواريه ...هو وحسب كلام جيرانو مسانس يشمو ...لكن الزروقية والرضوض علئ وجهو ورقبتو تأكد فرضية أنو فمة شكون شممو بالقوة لين قطع النفس "
حك معاوية جبينو " وأكيد السيد عندو عمايل ماتحاسبش عليها "
_" حسب البحث مع معارفو ...كان عامل في مرتو وبناتو...ضرب واهانة لدرجة كبيرة ...هربو منو هروب "
خزر معاوية لمحي الدين " ووجدي ...فماش خبر عليه "
ميل محي الدين فمو " وجدي....في دارو ...ضوو شاعل وشافو فيها حرك مع الساعتين...والصباح خرج منها عادي أما مانعرفوش وقتاش روح "
_" تحب تقول بعد ماهرب منكم ماعمل شي ...فقط حب يلعب شوية معاكم وعاود روح لدارو فرحا مسروراً ؟! "
هبط محي الدين راسو ...اصلا شنوة عندو يقول ...الغلطة وصارت ...زايد تو يبرر ويفسر ...يستاهل يسمع هكا واكثر .
صوت الصحبي نجاه من هاك الاحراج " اووو...سي محي الدين ...المفروض تعلم رئيسك قبل ..." ضحك وعينيه علئ معاوية " أما معذور ...مازلت ماهضمتهاش و باقي مبرمج ع القديم"
المعنئ كان علئ معاوية ايلي حط يدو في جيابو وهزو وحطو ودار ماشي ..صفر الصحبي " وااااي ...سي معاوية ...وين علئ خير ...عرفك مازال يحكي ...وعندو خدمة يوصيك عليها "
حبس معاوية علئ بلاصتو مستعوذ من الشيطان وطالب وسع البال ...خلط عليه الصحبي " نحبك تدور علئ عايلتو وتسألهم نفر نفر وتجيبلي تقريرك ..هاااه ..رد بالك تكركرهم للتحقيق ...تمشيلهم وين هوما...ماهمش متهمين راو "
ضحك معاوية " تحبش نلحلحو بيهم ونشربوهم الروزاتا"
_" أخ أخ...مشكلتك يا معاوية كل شي تشوف فيه قوة ..."مط شفايفو ببلادة " عهد القوة مشئ معاك...توا وقت التكتيك و المخ "
ضرب علئ كتفو " هيا بابا ...برا مالا من حينك ...وسيب عليك من التيران...تو أنا نقوم بالباقي...خدمتي هااااذي يا اكس رئيس"
أنت تقرأ
تــجاعيٕد ســامّة ☘️( مكتب التحقيقات الخاصة ) ☘️
Acción🌼الإسـم : 🦋تـجـاعـيـد ســامّــة 🦋( toxic wrinkles ) 🌼الكاتـبـة :🦋 ňòùdã🦋 🌼النــوع :بوليسي ،جريمة ،اثارة ،تحقيق رومنسي ، اجتماعي 🚔 🌼تاريـخ النـشر : 2023 : قريبا 🌼القـصّـة : تدور احداث القصّة حول محقق من مكتب التحقيقات الخاصة يسعئ رفقة فري...
