__🍁🍁__
"محي الدين !؟ ..." تبسم فوق من قلبو مكذب العاصفة ايلي كسرت داخلو وقت طلت مرت عمها من وراء الباب ايلي من لحظات دقّو "امممم .." خزرت وراها تطمن حد شلقش وكيف لقات كل شي مريڨل خرجت حذاه وسكرت الباب وراه " سامحني محي الدين بودي لو دخلتك أما ..." زمت شفايفها مستصعبة نطق ايلي ملزومة تحكيه " ايمان...اكدت عليا باش ماتقابلهاش ...حتئ انها قالت يدخل هو نخرج أنا ونهج لبلاصة مايلقاني فيها حد ..والحق بالحالة ايلي هي فيها ..نتصور تنجم تعملها "
طبّس راسو ضامم شفايفو لبعضهم غايضو حالو ...دارو كانت مستورة ومرتو وولدو ملمومين عندو شكون قال باش يتقلب كل شي للعكس ... عاود خزرلها وعينيه جامدة " ظاهر ماخذة بارشا في خاطرها .." تنهد " ميسالش...علئ راحتها .. تاخو الوقت ايلي تحب عليه ...ترتاح وترتح راسها ...وترجع ..." تنهد للمرة الثانية " قلها بايلي جيت...و ... الله غالب تلهيت شوية في الخدمة ..سي نو ...كنت نجيها من قبل ...قلها تعمل عقل ...أنا ...نحبها بارشا ...ونحبها جنبي ..وبعدها عليا مانطيقوش ...ماذبيا ها الغش يوفئ ونرجعو لبعضنا ...والمشاكل ايلي بينا نلقاولها حل مع بعضنا ..موش بالبعد "
_" صدقني قاعدة نزن عليها ونريض ونرصّ...أما هي رافضة حتئ باش يتذكر اسمك قدامها ...كل الوقت وهي تعاود في كلمة طلاااق طلااق ..قلتلها ولدك صغير خمم فيه ع الاقل ..." نفخت وهي تهز اكتافها بعجز " وشي ..باقية راكبة راسها "
يعني هان عليها...وهانت عليها عشرتهم ومحبتهم والوقت ايلي عدوه مع بعضهم ..صحيح قصر في حقها ..لكن محكوم وملزوز ..معترف بغلطو ...أما علاش هي سكرت الباب طول...علاش ماخلتش فرصة للصلح ...تنهد موجوع " باهي...يعطيك الصحة ..هيا السلام "
رجع علئ ثنيتو ...يمشي بخطاوي رزينة...يخمم في فرضية الطلاق ايلي حبت عليها ايمان...ماقبلهاش...ومانجمش عقلو يستوعبها...مايهمش هي فاش تخمم...ولا شنوة قررت...هو باش يعمل كل شي باش يرضيها ويردها لدارو...حبو ليها موش هين باش بسهولة يتخلئ عليه ...باش يحارب و يعاود يكسبها..غير ها الطريق ماعندوش .
__🍁🍁__
مانجمش يقبلها في راسو ...ولا يهضمها وتتعدئ عادي...أنو وجدي يخرج كي الشعرة من العجين فجر براكين ...تبختر قدامو متباهي ومتفاخر...فمو يتبسم وعيونو تلمع بشماتة وتحدي ...وكاينو يقلك ...ماعندك ماتعملي ...أنا الحر وأنت ايلي مكبل ..تعارضو في الكلوار ...وكل واحد يخزر للآخر بتحدي ومشاعر مخلطة حاكم فيها الكره ...عمال يقربو من بعضهم حتئ تقلصت المسافة...ضحك وجدي وهو يحب ذراعاتو " سيد الكوميساار ...كيف ايلي كلمة سامحني رزنت عليك " قرب وذنو " ميسالش قولها بالشوية ...يكفي أنا نسمعها "
قرب منو معاوية وهمسلو " مصيرك تجينا ضيف مرة اخرئ ونسمعك ما تحب وتكره... " اشر بصوابعو لعيونو وهو يفوتو " عيني عليك "
أنت تقرأ
تــجاعيٕد ســامّة ☘️( مكتب التحقيقات الخاصة ) ☘️
Aksiyon🌼الإسـم : 🦋تـجـاعـيـد ســامّــة 🦋( toxic wrinkles ) 🌼الكاتـبـة :🦋 ňòùdã🦋 🌼النــوع :بوليسي ،جريمة ،اثارة ،تحقيق رومنسي ، اجتماعي 🚔 🌼تاريـخ النـشر : 2023 : قريبا 🌼القـصّـة : تدور احداث القصّة حول محقق من مكتب التحقيقات الخاصة يسعئ رفقة فري...
