___🍁🍁___
ضرب الطاولة قدامو بغش خلئ ايلي فوقها لكل يرجف ويتحرك من بلاصتو .. عينيه حمراء دم...نار تحرق في وجوه هاك الزوز المصففين قدامو ، واقفين حذا بعضهم ولاكاينهم كانو يتلاطخو لبرا قدام الناس لكل ، واحد مكتف يديه لوطة وكفوفو فوق بعضهم ، جامد ع الحركة و راسو مهبط .. شي مايوحي أنو نادم علي عملو ماعدا ضغط الشفايف ايلي بين اللحظة واللحظة يعملها .
الثاني كل شوية يتحسس وجهو يتفقد جروحو و النفاخ وفي كل مرة الدم يغلف يدو وصوابعو ...قدامهم كبيرهم و مسيّر اومورهم ...راجل خزرتو تنذر ببركان باش يهد عرص المكتب ...قدم منهم و وقف قدام معاوية ...لثواني قعد يبحلق فيه و لعيونو جلدو الف جلدة قبل ما بشدو من خناقو ويجبدو بنطرة لعندو " وليتلي باندي ؟!...فتُوة لهنا سيدي !؟..ماعاد محترم حد ...بطحة اكباش!؟ ...بونية وخنيفري في مكتب التحقيقات ...والادهئ والامر بين زوز ضباااط...كبار وواعين وناضجين وواقفين علئ دوسيات قيمة...فضيحة هاذي ...بربي لو واحد صوركم ؟...لو واحد هبط فيديو للهم متاعكم هذا...شيصير فينا احنا من وراكم ...سمعتنا جرايركم باش تمشي فتات...وزيد " خزر للصحبي " هذا صاحبك ...وخوك ...في بالي عشرة من ايام ماكنتو تقراو ...درتو علئ بعضكم لواه؟!...وكيف انتوما تسالوها لبعضكم ...تي ماو فضوها وانتوما لبرا ...علاه في الخدمة ..وقتها الله لاكون فيكم ..."
رفع راسو بقرار حاسم " سي الباندي معاوية ... باش تتعدئ علئ مجلس التأديب ...حضر روحك يا أما تشد الحبس ...يا أما تتفصل نهائيا من ها الخدمة ايلي مانظنش مازلت كفؤ فيها " خزر للصحبي " وأنت ...اعمل سارتفيكا لها الخريطة ايلي حلها فيك وقدمها في اقرب وقت ..." ڨحر لمعاوية " خوذ حقك منو ...حد مايعلئ ع القانون هنا...وأيلي يغلط يخلص...السيد طغئ وتجبر ...عوض يشد المجرمة ...ولئ هو في حد ذاتو مجرم "
___🍁🍁 ___
تفرك في صوابعها بعصب وتوتر ...تمشي وتجي حايرة ...تستنئ فيه يخرج من عند منذر ويحكيلها شصار بالضبط لداخل ووين باش ترصي بيه الحكاية ...لكن هو أول ماخرج ...ماخزرلهاش جملة وتعدئ من جنبها موش شايفها ...الريح العاصف بيه شوية لهزها معاه ...تالمون الغش عاميه معادش منجمة تحكي معاه كلمة ولا حتئ تتجرأ تسألو بحرف ...تبعتو بعيون مليانة دموع وخوف وهو يبعد...هي السبب في هذا الكل...لكن هي في حد ذاتها زادا ماعملت شي ...
وقف جنبها الصحبي يتبسم شايخ ع الوضع " المجلس يمكن يقرر الحبس والا الفصل "
دارت مفجوعة ومربوثة من صوتو ايلي فجعها...وبمجرد ما العين جات في العين وكاينو النار لهبت فيها من جديد فكرتها بعملتو المزمرة ...بكل ماليها من قوة ضربتو علئ صدرو " ساااقط "
شدلها معاصمها مانعها تكمل تضرب وكبس عليهم حتئ لين حست بالتخدير فيهم " التسوقيط مازلت ماشفت منو شي يا الدِنيا "
أنت تقرأ
تــجاعيٕد ســامّة ☘️( مكتب التحقيقات الخاصة ) ☘️
Aksi🌼الإسـم : 🦋تـجـاعـيـد ســامّــة 🦋( toxic wrinkles ) 🌼الكاتـبـة :🦋 ňòùdã🦋 🌼النــوع :بوليسي ،جريمة ،اثارة ،تحقيق رومنسي ، اجتماعي 🚔 🌼تاريـخ النـشر : 2023 : قريبا 🌼القـصّـة : تدور احداث القصّة حول محقق من مكتب التحقيقات الخاصة يسعئ رفقة فري...
