اخذلي أحباب راحت روحي وياهم 💔
زمن غدار علية أندار 😞
شو وحشة الدار ضلت بلياهم 🥺
༺༺༺༺༺༺༻༻༻༻༻༻
#الساعة 4العصر #
#بيت عائلة أسد #
فتحت عيونهة الحمرة المنفوخة ببطئ وقابلهة السگف ظلت صافنة بالسگف ومر گدام عيونهة شريط بالأحداث يلي صارت الصبح گل عقلهة أنو چانت
تحلم بس فزت من مگانهة من شافت الغرفة مو غرفتهة
تعرف هاي غرفة مرت عمهة فاطمة بس شجابة لهنا؟! رجفت لمجرد تفگيرهة بأنو يلي صار الصبح
حقيقي مو حلم طلعت من الغرفة
وأنقبض گلبهة من سمعت بچي نسوان صادر من الأستقبال يلي بصف الغرفة
توجهت للمطبخ وشافت مرام ورغد وسمر (بنت خالة لأسد) ونور (مرت ملهم أخو لأسد) وبنات عمامهة گلهن ديحضرن بالمي ويحطنة بالصواني ويلي خلاها تضوج أنو گلهن لابسات أسود تقدمت منهة رغد وأردفت
"حبيبتي لولو محتاجة شي"
بعدت لارا چف رغد يلي على چتفهة وأردفت بصراخ
"ليش لابسات أسود؟!"
أبتسمت سمر بخبث وأردفت
"خايبة أهلچ گلهم ماتوا وأنتي تسألينة ليش لابسين أسود"
شدت رغد على چف إيدهة بغضب وألتفتت على سمر وأردفت
"ضروري تگليلهة بهل طريقة ماتشوفين حالتهة"
توجهت لارا للأستقبال ووگفت بنص النسوان وأردفت بأنفعال
"شبيچن تبچن هاااا؟! أهلي ماماتوا همة بعدهممم عايشييين"
أنگسرت گلوبهن من شافن وضع لارا وبدن يعيطن ويلطمن تقدمت فاطمة من لارا وحضمتهة وأردفت ببحة
"البقية بحياتچ يايمة الله يصبر گلبچ"
بچت لارا بصوت مسموع بحضن فاطمة من أدرگت أنو ماگو فايدة من أنو تچذب موتت أهلهة لأنهم راحوا وبعد مايرجعون نزلت دموعهة بحرگة على خدودهة ماغابت بالسوگ غير نص ساعة ومن رجعت
لگت بيتهم يحترگ شلون صار گل هالشي؟!
أبتعدت عن حضن فاطمة وعيونهة منفوخة من البچي وخشمهة أحمر ووجهة ذبلان لطمت على أفخادهة وعاطت ببحة
"ألمنننن عفتونيييي ياييييمة أرجعوووا وأخذوووني وياگمممم والله ماأتحملللل"
ومن گثر البچي والعياط أغمى عليهة ورجعنهة للغرفة بدن البنات يسون عشة للنسوان يلي راح يتعشن ببيت عائلة أسد وهم يحضرن للبچي يلي راح يسوونة ورة العشة وأسد راح من الوحدة الظهر وية عمامة وخوال لارا للنجف علمود يدفنون أهل لارا
(الشخصيات الجديدة)
رغد: الأخت الچبيرة لأسد عمرهة 21 وطولهة 167 بشرتهة بيضة وعيونهة سود واسعة وخشمة صغير وشعرهة بني ثخين يوصل لنص ظهرها وعدهة شامة فوگ شفتهة جسمهة رشيق وتدرس قانون مرحلة ثالثة
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
