بطلت فرح ظليت ابيع هموم
وأسعار الهموم مسجلة بخدي
الرايد حزن خلي يجي ياخذ دين
والرايد فرح يعذرني ماعندي
༺༺༺༺༺༺༺༻༻༻༻༻༻
"أم سرمد جوارينة جتي اليوم لبيتنة وگالتلي
أنه بعد باچر خطوبة رغد من أبن عمهة گنان"
أنقبض گلبة بس طخ گلام أمة لمسامعة ترجعلة
ذاگرتة مباشرتاً للقاءة الأخير برغد وشلون چان
خايف عليهة ويسألهة عن سبب بچيهة وزعلهة
بس ماتقبل تگلة السبب عرف بعد گلام أمة أنه
رغد چانت تبچي لأنهم يريدون يزوجهة غصب
عنهة لأنه يدري بيهة تحبة وماترضى بغيرة
"أيهم أنت وياية عالخط"
حچت بعد ماطال سگوت أيهم اللي أردف بأستعجال
"يمة آني لازم أروح باي"
سد الخط ومشة بخطوات مستعجلة تجاه الگنتور
بدل ملابسة لقميص أزرگ على لون عيونة وبنطرون
أسود وأخذ السويچ من عالگومدينة وطلع بخطوات
سريعة تارك موبايلة بالغرفة وحتى مامشط شعرة
گثر ماهو مستعجل طالع من الشقة ومن العمارة
صاعد بسيارتة وسايق بسرعة
دقايق وطبگ أيهم سيارتة على صفحة مترجل
منهة وتقدم من البيت ودك الباب ثواني وفتح
أسد الباب وأندفع أيهم گامش أسد من ياخة
قميصة داخل للطرمة ودفع الباب برجلة سادهة
صگ أسد على سنونة بأنزعاج وأردف بتحذير
"وحگ اللي خلق محمد ياأيهم إن ماطلعت من
البيت لاأنسة أنك چنت بيوم أگثر من صديق
بالنسبة إلي"
تجاهل أيهم گلام أسد وشد أسد من ياختة
مقربة من وجة وأردف بأنفعال
"شلون تريدون تزوجوها غصباً عنهة هااااا؟؟
لَك هذة زواج مو لعبة مستحيل تگدر تعيش
وية شخص ماتحبة"
نفذ صبرة لأسد ودفع أيهم للخلف چم خطوة
ورد ببرود
"وأنت شدخلك هاااا؟؟ أحنة أهلهة ونعرف
مصلحتهة لو زلمة چان مضحكت عليهة
وأستغليتهة ......"
ماگمل أسد گلامة بسبب أيهم اللي تقدم منة
وضربة بوگس قوي على فچة ومن قوة البوگس
وجة نلف للجهة الثانية وشفتة گامت تنزف
وأيهم اللي چان واگف گدام أسد ويتنفس بصوت
مسموع من شدة غضبة ماجاي يستوعب أنه أسد
يظن بي هالظن صارلة سنين وية أسد ولازم يگون
أسد عرفة حق المعرفة بأنه مو مثل هالشباب ويحب
رغد من گل گلبة تاليهة يجي ويگلة أستغلالي وحقير
گمش أيهم ياخة قميصة لأسد وشدة بقوة وعيونة
حمر من الغضب أردف بحدة
"طول السنين اللي فاتت آني وياك سوة
وماشفت مني غير گلشي زين وتاليهة هسة
جاي تگلي حقير وأستغلالي"
برزت عروگ أسد من گثر غضبة ولف وجة بأتجاه
أيهم وعيونة تجدح نار ماجاي يستوعب أنه أيهم
ضربة! أستجمع قوتة بقبضة إيدة ورجعلة البوگس
لأيهم اللي تراجع چم خطوة ليورة من قوة البوگس
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
