شلوني وآني أنشرلگم البارت قبل موعدة 😂😂
بس جديات بنية رادتة للبارت مني من وگت
وماگدرت أگسر بخاطرهة وماأنزلة
༺༺༺༺༺༺༻༻༻༻༻༻༻#الساعة 5 ونص المغرب #
چانت رغد گاعدة بصف مرام عالقنفة ولارا گاعدة عالقنفة گبالهن ويسولفن بمواضيع عشوائية وفجأة دخلت فاطمة ومرام ورغد تفاجئن لأن فاطمة دخلت للأستقبال وهي تدري برغد موجودة
ولارا اللي فرحت لأن خمنت من دخول فاطمة أنه قبلت طلبها وجاية لحتى تنهي زعلهة وية رغد تقدمت فاطمه من رغد وگالت
"شلونة گنان وياچ خوما مضوجچ؟؟"
رغد اللي ماجاي تستوعب أنه أمهة رضت عنهة وجاية تحاچيهة وتسألهة بشگل طبيعي لأن تدري بأمهة إذا زعلت من أحد مستحيل ترضة تحاچي بهالسهولة يعني شنو اللي ممگن أثر عليهة وخلاها تحاچيهة؟؟ هذة السؤال اللي دار براس رغد
نفضت هالأفگار والأسئلة من بالهة گايمة على حيلهة واگفة گبال أمهة وگالت
"الحمدالله گنان زين وياية أنتي شلونچ يمة؟؟"
ردت فاطمة
"الحمدلله زينة اليوم ماتطلعين من البيت گبل ماتتعشين يمنة مسوية برياني لأن أدري بيچ تحبي"
أبتسمت رغد بحب ناحية أمهة والفرحة مو سايعتهة بأنه أمهة وأخيراً رضت عنهة وحاچتهة گمشت رغد چف إيد فاطمة رافعتهة وبايستهة مدحچة بعيونهة وگالت
"يمة الله عليچ أعذريني على الحچي اللي گلتة ألچ گبل چم يوم والله مو بقصدي أگلچ هالحچي وأطمئني يمة آني وأيهم أنهينة علاقتنة"
رفعت فاطمة إيدهة تثبت چفهة على راس رغد تمسح علية بحنية وگالت
"مسامحتچ بنيتي والله يرضى عليچ أنشالله اللي راح راح أهم شي ترگزين على زوجچ وبيتچ"
عافت رغد چف فاطمة رادة
"أنشالله يمة"
أبتسمت مرام متقدمة من رغد وفاطمة واگفة بنصهن وگالت بين ماتصفك بإيديهة
"وأخيرررراً رجعت الماي لمجاريهة"
تقدمت لارا منهن وردت على حچي مرام
"اي والله الحمدلله ياربي يلا أمشن نصلي"
حچت لارا بعد ماسمعت صوت الأذان ومشن گلهن طالعات من الأستقبال علمود يتوضن ويصلن
#بعد مرور يومين #
#الساعة 4 العصر#
طلعت لارا من المطبخ وحست بگلبها يوگع من الخوف من شافت أسد داخل للبيت ومضيك عيونة بين مايفرك بأصابيعة صفحة راسة تقدمت منة بحيث وگفت بصفة وگالت بخوف
"أسد بيك شي؟؟!"
رد وهو مستمر بفرك صفحة راسة
"راسي راح يخبلني ماجاي يصير زين حتى ماجاي أگدر أنام من الوجع إلا آخذ حباية منوم"
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
