اللي يزرع حزن
مايحصد أفراح
والشابع قهر
صدگني مايرتاح
༺༺༺༺༺༺༺༻༻༻༻༻༻
#الساعة 5 ونص الصبح #
#بيت گنان#
صبت رهف چاي بالأستگانين حاطة بعدهة القوري عالطباخ وگاعدة عالگرسي اللي حول الطاولة گدام گنان وبدو ياگلون بدون صوت الى أن گطعت رهف الهدوء گايلة
"تدري حبيبي أحمد الله وأشگرة أنه أهلك تقبلوني زوجة ألك"
رفع گنان راسة من عالماعون يدحچ بعيونهة راد
"أي والله أحلى يوم بحياتي من رحنة للمحگة وسوينة عقد زواجنة مستحيل أنسة ذاك اليوم"
أبتسمت رهف گايلة
"گنان تتذگر ذيچ الطفلة اللي جتي وية أمها للمحگة أووف يربي تگول للگمر گوم أگعد بمگانك غير ملاك ونازلة من السمة تمنيت تصير عندي بنية مثلهة"
أبتسم گنان بخفة راد
"صدك ذيچ الطفلة ماتنسي بس أنشالله بالجايات تحملين وتجيبينة بنوتة حلوة مثلهة"
أبتسمت رهف گايلة
"أنشالله"
دقايق وشبع گنان گايم من عالگرسي متقرب من رهف مدنك بايسهة من شعرها گايل بحب
"باي يكلبي"
خلت عيونهة بعيونة رادة
"الله وياك حبيبي"
طلع گنان من البيت بأگملة رايح وية أخوتة للشغل ورهف اللي بدت تنظف بالبيت براحتهة وأمير نايم لأن من يگعد يثبر الدنية ومايخليهة تنظف البيت براحتهة
#بنفس اليوم #
#الساعة 9 بالليل#
دخل أسد للطرمة بعد ماچان طالع خارج البيت أنتبه على ملهم اللي ديتمشة بالحديقة وهو شايل شمس بين إيدية مشة أسد داخل للحديقة مقترب من ملهم گايل برفعة حاجب
"أنت عاقل مطلع البنية بعز البرد؟؟ لَك ولي دخلهة للغرفة گبل لاتاخذ برد وتتمرض"
رفع ملهم راسة من على بنتة مدحچ بعيون أسد راد بضوجة
"لابسة هواية لاتخاف عليهة وبعدين عيني أستاذ أسد شلون مستلمهة لبنتي شتايم أربعة وعشرين ساعة لا وفوگاها تعيب على شگولي روح دحچ على چهرتك بالمراية يلة عيب علية"
ضحك أسد بخفة گايل بشقة
"عيني أبو الشباب أعذرنة ماچنة ندري بيك حساس وتزعل بسرعة"
رد ملهم
"ولي منا وبنتي بعد ماتشيلهة فاهم؟؟ تريد روح أتزوج وخلف"
مد أسد إيدية رايد ياخذ شمس گايل
"ملهم لاتظل تمسلت وأنطيني شموسة خلي أشيلهة شوية گبل لاأروح أنام"
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
