ضايعين
لافرح يندل دربنة
ولاحزن فك ياخة عنة
༺༺༺༺༺༺༻༻༻༻༻༻
فتحت الباب ودخلت للطرمة حالتهة حالة عيونهة منفوخة وحمرة ووجهة مليان دموع وهدومها گلهن تراب وگلهم گاعدين عالگراسي بالحديقة أندارو من سمعو صوت الباب وأنصدمو من شافوها بهالحالة
گامو ملهم وفاطمة ومرام من على الگراسي طالعين من الحديقة متقدمين منهة وگال ملهم بخوف
"شبيچ تبچين؟؟ شصاير؟؟ وبعدين أسد وينة ليش ماأجة وياچ؟؟"
وماحصل رد من لارا اللي ظلت دموعها تنزل بدون صوت وهذة اللي زاد خوفهم لزمتهة فاطمة للارا من أجتافهة گايلة تتوسل بيهة
"الله يخليچ يابنيتي گولي شبيچ؟؟ لاتخوفينة وأحچي شصاير وياچ؟؟"
دحچت لارا بعيون فاطمه گايلة بصوت مبحوح
"أسد گتل واحد وأخذو الشرطة"
فتحو عيونهم على گبرها من الصدمة هزت فاطمة أجتاف لارا گايلة
"شدتحچين أنتي؟؟!!"
دحچت لارا بعيون فاطمه گايلة بصوت ضعيف تشرحلهة اللي صار
"من چنة بطريقنة للمول أجة رجال چان عينة علية وأسد ضاج من شافة يشمرلي حچي ويتقرب مني وبلش يضرب بي وآخر شي شال طابوگة وضرب راس الرجال بيهة وگبل گام ينزف راسة وواحد من الناس دك عالشرطة وأجو گلبچو أسد وأخذو وياهم"
أنهت لارا حچيهة حاسة أنه بعد ماعدهة القدرة الگافية لحتى توگف على رجليهة تتجاوزهم داخلة للصالة صاعدة لغرفتهة بالطابق الثاني گعدت بالگاع ضامة رجليهة لصدرهة وساندة ظهرها عالحايط تصفن عالفراغ گدامهة
ثواني ورجعت ذاگرتهة ليورة من گلبچو أسد وأخذو وياهم وگبل نزلن دموعها يبللن خدودها تحچي بصوت مليان قهر وعتب
"آآآخ ياأسد ليش گتلتة ودخلت روحك بهالمصيبة ليش متعمد تأذي گلبي ماأعرف شلون راح أگدر أتنفس بدونك والله حرام عليك تأذيني وتقهرني"
بدت تشهك بصوت مسموع وتبچي رافعة راسهة ساندتة عالحايط وراها گايلة بصوتهة المليان خوف
"وحك الله خايفة أنه يأذو أو يسوولة شي خايفة أنه ماأگدر بعد أگحل عيوني بشوفتة آآآخ منك ياأسد رحت وأخذت گلبي وياك"
بعد مرور خمس ساعات دخل ملهم لغرفة فاطمة وشافهة گاعدة على طرف الچرباية تقدم منهة گاعد بصفهة گايل
"يمة مثل ماگلتيلي رحت بمراگز الشرطة وسألتهم عن أسد إذا موجود عدهم وبآخر مرگز همة عرفو وماخلوني أشوفة وگالولي أنه بعد أسبوع راح يحاگمو بالمحگمة"
وبالفعل أول ماجتي لارا وگالتلهم فاطمة أمرتة لملهم أنه يسأل عن أسد بگل مراگز الشرطة الموجودة بمنطقتهم عسى ولعل يلگا وملهم سوة مثل ماگالتلة أمة ولگة أسد بواحد من مراگز الشرطة بعد ماگاللهم أسمة الثلاثي وگبل الشرطة عرفو
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
