أنا اللي عشت بالدنيا
اصارع غابة الأحزان
حزن وهموم وعذابي يبتسم فيها
تعبت بدنيتي هايم
وصرت بدنيتي حيران
༺༺༺༺༺༺༻༻༻༻༻༻༻
#الساعة 10 الصبح #
#بيت عائلة أسد #
نزل من عالدرج بخطوات ثابتة لابس بيجامة سودة
وفانيلة بيضة نص ردن چان هستوة گاعد من النوم
وگف بنص الصالة وشد على قبضة إيدة بأنزعاج
من شافهة گامشة الماسحة وتمسح بالطرمة طلع
من الصالة ووگف مسافة عنهة بحيث يشوف
ظهرها وأردف بحدة
"شدتسوين هااااا؟؟!"
فزت من سمعت صوتة وألتفتت ودحچت بعيونة
وردت
"غير جاي اغسل الطرمة"
أقترب منهة بحيث صار گبالها وأردف من بين سنونة
"لللچ آني مو گتلچ لاتعتبين باب الصالة أفرضي
احد من الجيران صعد عالسطح وشافچ "
عگدت لارا حواجبهة بأستغراب لأن مالابسة شي
مو مستور حتى يضوج أسد بالعكس لابسة دشداشة
سودة عريضة وشال أسود وأردفت
"بس آني لابسة ومستورة فماكو داعي تضوج"
صگ على سنونة بأنزعاج ولزمهة بقوة من زندهة
وقرب من وجهة وأردف بحدة
"صاير لسانچ طويل ويرادلة گص لچ چم مرة
حذرتچ وگتلچ لاترادديني من أحچي تسمعين
گلامي وتنفذينة"
عگرت لارا ملامح وجهة بألم بسبب شدة على
زندهة بس أستجمعت جرأتهة وجرت إيدهة
من قبضتة ودحچت بعيونة وأردفت بجزع
"ترى تعبت وجزعت روحي من أسلوبگ وتعاملگ
وياية تتحگم بية على گيفك وتريدني أظل لاصمة
حلگي وساگتة ترة تعبت آني مو لعبة بين إيديگ
تحرگهة شلون ماتريد فاهممم؟! إذا أنت مهووس
بالسلطة روح أفرضها على غيري"
أنصدم من جرأتهة وگأنه أحد ذب على راسة مي
بارد من گثر الصدمة تقدم منهة ورفع چف إيدة
وضربها راجدي قوي وبهل أثناء دخلن فاطمة ونور للطرمة لأن چانن ببيت الجيران ومن قوة
الراجدي نلف وجه لارا للجهة الثانية وأذنهة گامت تصوفر وأصابيعةأنطبعت على خدهة يلي
تحول لونة للأحمر
تقدمت فاطمة من أسد بحيث وگفت گبالة وأردفت
بأنفعال
"الله يگسر إيدگ لَك تريد تموتني شمسويتلگ
المسگينة حتى تضربها هاي تالي تربيتي بيگ
ياأسد تمد إيدگ على بنت عمگ اليتيمة ماتخاف
الله"
رد أسد بقلة صبر
"لو تضب لسانهة بحلگهة وماتراددني چان
ماضربتهة"
دخلت لارا للصالة وهي عاضة شفتهة السفلية
علمود لاتنهار گدامهم وصعدت لغرفتهة بالطابق
الثاني وأسد هم صعد لغرفتة بدل ملابسة لقميص
أبيض وبنطرون أسود وأخذ محفظتة وموبايلة وسويچ
السيارة وطلع بدون وجهة محددة المهم مايظل
بالبيت
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
