وحك اللي بطرف هالعين.... يسگن
من أشوفك گل وجع بالروح.... يسگن
اليگول أنساك گون الگبر.... يسگن
يشوف الويل گل صبح ومسية
༺༺༺༺༺༺༺༻༻༻༻༻༻#بعد مرور أسبوع#
#الساعة 7 بالليل#
#غرفة أسد #
گاعدة على طرف الچرباية ببدلة عرسهة ومنزلة راسهة وأول ماسمعت الباب تنفتح رفعت راسهة يدك گلبها شايفتة يدخل بقاطة الأسود اللي عبالك مفصل علية مخفف لحيتة ومرجع شعرة الأسود اللي بي چم شعراية بيضة ليورة وعطرة الرجولي أنتشر بگل جزء بالغرفة ظلت لارا تتمعن بي وشلون هيبتة وشخصيتة بارزات بشگل يخلي الگل ينعجب بي
سد الباب ماشي بثبات وأستقر يم الشباك فاتحة وواگف هناك بدون مايدحچ على لارا ومخلي چفوف إيدية بجيوبة يغمض عيونة أول ماضرب الهوة البارد وجة
تگوم لارا على حيلهة ماشية بخطوات ثابتة الى أن وگفت ورة أسد مرگزة على ظهرة گايلة بنبرة مقهورة رايدة تعرف اللي ديمر بي
"أسد آني صرت مرتك ولازم تگلي ليش هيج مقهور؟؟"
ماحصلت رد من أسد اللي ظل على نفس وضعيتة تقربت منة لافة إيديهة حول بطنة وريحت گصتهة على چتفهة تنزل دموعها على خدودهة گايلة تتوسل بي
"أسد الله يخليك لاتظل ساگت هيچ دتخليني أخاف عليك أسد أنت دتدمرني بسگوتك هذة"
دار جسمة عليهة وتقابلت وجوهم أخيراً يرگز أسد بشگلهة چان وجهة على طبيعتة وماحطة مگياچ وهذة لأن لارا ماتحب المگياچ من يوم يومهة تحب تبقة على طبيعتهة حتى لو بعرسهة نزلت عيونة على البدلة البيضة اللي چانت لابستة واللي طالعة تجنن عليهة
يلتفت ساد الشباك والبردة رايح للچرباية متربع على طرفها بدون ولاگلمة ولارا اللي لحگتة گاعدة على رگبهة بالگاع وگامشة چفوف إيدية مدحچة بعيونة گايلة تتوسل بي
"أسد إذا روحتي لبيت خوالي هي اللي مضوجتك فأتمنة تسامحني أسد الله يخليك أحچي گول أي شي أضربني عيط علية بس لاتبقة ساگت مو راح تموتني"
دحچ أسد بعيونهة شايف دموعها اللي نزلت مبين ألة شگد هي تحبة وتخاف علية گايل بنرة مگسورة لأول مرة تسمعهة لارا لهاي النبرة طالعة منة
"أمي يالارا خبر وفاتهة چان أگبر صدمة بالنسبة إلي مصدگت اطلع من السجن لحتى أشوفهة وتاليهة ماتت مشتاق لحضنهة الدافي ولريحتهة الطيبة مشتاق لگلشي بيهة لچ ذگرياتهة ماجاي تروح من بالي ولمن دخلت للبيت وماشفتهة حسيت بوجع چبير بگلبي لچ البيت أحسة أظلم بدونهة أحس بفراغ چبير بحياتي بعد موتهة"
وبنهاية گلامة نزلت دموعة تحس لارا بنغزات قوية وموجوعة بگلبها لأول مرة تسمعة يحچي بهل نبرة المگسورة والمقهورة ولأول مرة تشوف دموعة وتشهد علة حالة ضعفة لطالما چان قوي ويبچي الگل بأسلوبة القاسي حتى خواتة ماچانن يسلمن من عصبيتة وقسوتة وهسة گاعد يبچي گدامهة ماتحملت لارا تشوف دموعة ترفع چفهة ماسحة دموعة گايلة تتوسل بي
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
