أحبكِ جداً
وأعرف أن الطريق
الى المسحيل طويل
وأعرف أنكِ ستُ النساء
وليس لي بديل
༺༺༺༺༺༺༺༻༻༻༻༻༻
#الساعة 11 بالليل#
طلعت رغد من الغرفة وتقدمت من باب غرفة
أسد تدري بأسد يسبح بهيجي وگت بس رادت
تتأگد قبل ماتدخل لطشت أذنهة بالباب وأبتسمت
من سمعت صوت المي وتأگدت أنو هو بالحمام
فتحت الباب بحذر ودخلت تقدمت من الگومدينة
وأخذت موبايل أسد فتحت الموبايل لأن چان
بدون رمز دخلت على جهات الأتصال وطلعت رقم
أيهم سجلتة بموبايلهة يلي جانت جايبتة وياهة
وحفظت الرقم بموبايلهة وقفلت موبايل أسد
وخلتة عالگومدينة وطلعت بحذر مثل مادخلت
دخلت للغرفة ودحچت على مرام الگاعدة عالچرباية
تلعب بموبايلهة وأردفت بفخر
"شفتي مومو آني من أحط شي براسي أحصلة
سجلت رقمة بموبايلي وحفظتة"
قفلت مرام الموبايل ودحچت على رغد وأردفت
"خايبة ماتخافين والله إذا عرف أسد لايشرچ
عالحبل"
أبتسمت رغد وأردفت
"مايعرف حبي لاتخافين لو تشوفين يامومو
شلون گلبي گام يدگ من ألتقت عيوني ببحر
عيونة يلي تسحر الگلوب والعقول ماچنت متوقعة
أنو نظرة راح تخربط وضعي وتخليني أحبة
لدرجة مايعلم بيهة غير بس الله"
أبتسمت مرام بأستهزاء وأردفت
"والله يالله ومصدگة أنو هي واگعة بالحب
لچ بابا هذة أعجاب مؤقت مع مرور الأيام
تنسينة"
ردت رغد
"أنطمي مرام آني مو غبية علمود ماأعرف أميز
مشاعري أتجاهة حبيتة وواضح من نظراتة إلي
أنو هو هم حبني أروح فدوة لطولة عَلِية هيبة
وشخصية يسطرن سطر عين الباردة عَلِية"
أنفجرت مرام بالضحگ وأردفت بأستهزاء
"ومصدگة روحها جولييت"
ضاجت رغد من أستهزاء مرام وأردفت
"آخذ ملابس واولي أسبح أحسن إلي"
توجهت للگنتور وأخذت ملابس ودخلت للحمام
ورة ربع ساعة طلعت من الحمام وهي لابسة
تيشيرت أسود نص ردن وبيجاما بنفس اللون
گعدت عالگرسي گدام المراية وأخذت الشسوار
شغلتة وبدت تشسور شعرها البني الطويل وبدت
تدندن بالأغنية يلي أجتي على بالهة
"من أول نظرة شفتة"
"وگلبي صار يدگ"
"خليتة براسي وحتى أحساسي صار يدگ"
نساني جروحي وصار بروحي حبة يدگ"
أردفت مرام بأستهزاء
"والله لو يسمعچ ياسر عبد الوهاب دتغنين
أغنيتة چان رفع عليچ دعوى هههههه"
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
