شگد قاسية الدنيا وياي
وشگد قاسي الوگت وياي
حرمني منگم💔
وبديت أحن لسوالفگم
يامحلا هذيج الأيام
أنكط دمعة دمعة
وگلبي بغيابگم أشتعل نار
ياربي ليش هيج الدنيا وياي؟؟
وليش الوگت طبعة دوم غدار؟؟
༺༺༺༺༺༺༻༻༻༻༻༻واگفة يم غرفة العلميات وساندة ظهرها عالحايط ودموعها تنزل بدون ماتوگف من گالتلهة الممرضة بالتلفون عن أسم المستشفى اللي بيهة أسد هي رگضت بسرعة بدون حتة ماتكول لأحد أخذت تگسي وجتي تدحچ عالباب وتدعي أنه الدگتور يطلع ويطمنهة أنه أسد بخير لزمت جهة گلبهة اللي دينغزهة حاسة بخوف مو طبيعي علة أسد همة من ساعتين بالعمليات وماأحد طلع وطمنهة ليهسة
فز گلبها أول ماأنفتحت الباب وطلع الطبيب تقدمت منة گايلة بصوت مبحوح
"دگتور الله عليك گلي أنه أسد بخير"
دحچ عليهة الطبيب گايل بسؤال
"أنتي مرتة؟؟"
هزت راسهة گجواب علة سؤالة يحچيلهة الدگتور حالتة بصراحة وبالتفصيل
"شوفي آني ماراح أچذب عليچ المريض من جابو چان عندة نزيف حاد بالدماغ وبصعوبة گدرنة نوگف النزيف لأن جابو للمستشفة متأخرين صحيح أحنة گدرنة نوگف النزيف بس صار عندة تلف چبير بخلايا الدماغ وهسة فاقد الوعي تماماً وحالتة خطيرة وبس الله يعرف إذا راح يگعد ويجوز مايگعد"
حست بالغصة توگف ببلعومها گايلة بصوت مبحوح
"شتقصد دگتور؟؟"
رد الدگتور ببرود
"زوجچ دخل بغيبوبة ومانعرف بالضبط شوگت يگعد"
هزت راسهة للجهتين ماجاي تستوعب اللي ديگولة الدگتور ماتگدر تتخيل أنه أسد يدخل بغيبوبة وماينعرف يگعد لو لا؟؟ بدن دموعها يتسابقن علة خدودهة گايلة تتوسل بي بصوتهة الضعيف
"الله يخليك يادگتور عالجو وشگد متريدون ننطيگم فلوس الله عليك يادگتور گولي أنه عدگم علاج لحالتة والله العظيم ماأتحمل يصيرلة شي"
أنقهر عليهة الدگتور وهو يشوفها تبچي وتتوسل بي بصوتهة المبحوح چان وضعهة يقهر العدو بس مايگدر يچذب عليهة ويگلهة أنه حالتة زينة لأن من صدك حالتة خطيرة يدحچ بعيونهة گايل
"مو شغلة فلوس بس زوجچ حالتة گلش خطيرة بس أدعيلة بلگت الله يستجيبلچ"
وبعد نهاية حچية هو راح متجاوزهة ولارا اللي حست برجليهة ثگلن وماعاد يحملنهة گعدت عالگرسي وگلام الدگتور يتردد بأذنهة ثواني وطلعو أسد من غرفة العمليات تگوم لارا مباشرتاً واگفة يم السدية ينقبض گلبها بوجع من شافتة
"راح أبقة وياك بس أنتة شد حيلك وفتح عيونك أسد الله يخليك قوي نفسك"
ظلت تمشي بصف السدية الى أن دخلو الممرضين لأسد بوحدة من الغرف يمنعون لارا أنه تفوت تخلي چف إيدهة عالشباك تدحچ علة أسد اللي ديرگبولة الممرضين الأجهزة تعض شفتهة بقهر گايلة بصوت ضعيف
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
