أنصدمن گلهن من شافن لارا توگع من عالقنفة بالگاع
وأسد اللي ذب الحلقة عالطبلة العريضة المحطوطة گدامهم ومشة بسرعة متدني لمستوى لارا شايلهة بين
إيدية أمددهة عالقنفة تقدمت فاطمة منة واگفة بصفة
وگالت بنرة خايفة
"يمة الله يخليك أخذهة للمستشفى أخاف بيهة شي"
خلة أسد أصبعة بصف خشمهة يشوف إذا دتتنفس لو
لا وأرتاح گلبة من أطمئن أنه هي جاي تتنفس ودار راسة على أمة وگال
"يمة مابيهة شي بس جيبولي مي"
ثواني ورجعت أم سمر وبيدهة گلاص مي قدمتة لأسد
اللي أخذة صاب چم قطرة بچف إيدة چابهن على وجه
لارا مرجع الگلاص لأم سمر
شهگت لارا من حست بقطرات المي على وجهة تفتح
عيونهة على وسعهن تجر أنفاسهة بسرعة أرتاحن من
شافنهة تفتح عيونهة وفاطمة اللي تدنت لمستوى لارا
تمسح على خدهة بچف إيدهة وگالت
"هااا يمة شلون صرتي؟؟"
دارت لارا وجهة بأتجاه فاطمة وردت
"أحسن لحمدلله"
أنتبهت على أسد الواگف بصف فاطمة وأنقبض گلبها
بوجع دحچ أسد بعيونهة وگال بنبرتة الخشنة
"يلا گومي عطلتي الخطوبة على شي ماگو"
نفخت مرام أنفاسهة بضوجة من أسلوب أسد البارد
بالحچي وية لارا وگالت
"أسد ماتشوفها تعبانة شمگدرهة تگوم"
أندار أسد على مرام ورد بخشونة
"مابيهة شي تگدر تگوم"
رجع أسد لمگانة بصف سمر ولارا اللي بلعت غصتهة
بالگوة گايمة معتدلة بگعدتهة عالقنفة وگملوا منين ماوگفوا أسد لبسهة الحلقة لسمر وهي همين لبستة
الحلقة يطگون چم صورة سوة وبعدهة أجى الشيخ
وعقدلهم قرانهم
#الساعة 9 بالليل#
#بيت گنان #
طلعت رغد من المطبخ متوجهة لغرفة گنان داگة الباب
ثواني ورد سامحلهة تدخل دخلت سادة الباب وراها گاعدة بصفة على طرف الچرباية وگالت بدون مقدمات
"اليوم جتي وحدة أسمهة رهف وگالت أنه هي حبيبتك ظلت تلعلع وحتى تهجمت علية لأن دارية
بينة متزوجين"
نفخ گنان أنفاسة بضوجة خلك ودحچ بعيون رغد راد
بنبرة مهمومة
"من چنت بالشغل اليوم خابرتني وظلت تلومني
على زواجي منچ غلطت علية وسبتني وطلعت حرگة
گلبهة بية وگالتلي لاتشوفني وجهك إذا ماطلگتهة
وتزوجتني"
أنقهرت رغد من شافت گنان مهموم ومقهور وگالت بسؤال
"وانت تحبهة؟؟!"
رد گنان بأبتسامة
"مو بس أحبهة لچ آني أموت عليهة وهي هم تحبني
بس سالفة زواجنة آني وياچ أثرت عليهة وحقهة تضوج لان آني لو بمگانهة چان أگلب الدنية"
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
