محبتنة جذب مو گالو تموت
ولتصدگهم الگالو لك نسيتك
لأن أنت شراگة بالنفس وياي
ومااتنفس آني بغير ريتك
༺༺༺༺༺༺༺༻༻༻༻༻༻
#الساعة 9 بالليل#
#شقة أيهم#
دخل للغرفة ولازم گوب بي گهوة بچف إيدة تقدم
من الگومدينة وأخذ موبايلة گعد على طرف الچرباية
ودخل على جهات الأتصال ودگ على رقم رغد
وخلا الموبايلة بأذنة
رغد يلي چانت گاعدة عالچرباية بوحدهة بالغرفة
وضامة رجليهة لصدرة وعيونهة حمرة ومنفوخة
وخشمهة أحمر من البچي وفجأة سمعت صوت
رنة موبايلهة
مدت إيدهة وأخذت موبايلهة من عالگومدينة
دگ گلبهة بعنف ضارب ضلوعهة من شافت أسمة
ينور الشاشة فتحت الخط وخلتة بأذنهة وأردفت
مساء الخير حضرت الضابط "
حس أيهم بگلبة ينغزة من الخوف لأن سمع
نبرة صوت رغد المبحوحة وواضح من صوتهة
باچية خلا الگلاص عالگومدينة وأردف بخوف
"صوتچ مو تمام بيچ شي؟!"
مارادت تبين ألة أنو هي مقهورة لذلگ حاولت تعدل
نبرة صوتهة وردت
"لا مابية شي بس منشولة شوية لذلگ
صوتي متغير أنت شلونگ حضرت الضابط"
على الرغم من أنو أيهم مادخل لعقلة جوابها بس
ماراد يضغط عليهة أگثر لذلگ رد بهدوء
"بخير دامچ بخير"
بالگوة بلعت الغصة يلي وگفت ببلعومها بعد ماسمعت
ردة تتمنة تگلة آني مو بخير وحيل گلبي موجوع
وخايفة من الأيام الجاية بس ماتگدر لأن ماتريد
تدخلة بمشاگلهة مسحت دموعها وردت بصوت
حاولت قدر الأمگان أنو تخلي طبيعي
"دومگ انشاء الله بخير حضرت الضابط"
گام أيهم من عالچرباية ووگف بصف الشباگ
ودحچ عالگمر من خلف الشباگ وأبتسم بخفة
وأردف
"تدرين شغلة يالگطنة دخولچ لحياتي أحلة
شي صارلي بهل فترة آني شخص صريح وأعترف
أنو هاي أول مرة يدگ گلبي
علمود أنسانة حسيت بروحي تردلي لچ حتى
نضرتي عن الحب تغيرت مية وثمانين درجة
من شفتچ لچ وضعي تخربط لاليلي ليل
ولانهاري نهار بسببچ گل تفگيري بيچ لچ
حتى لو أنام چم ساعة تطلعيلي بالحلم صرت
أتمنة تصيرين حلالي وآخذچ اليوم گبل باچر
آني أحبچ يالگطنة وأحبچ أگثر من روحي يجوز
تواجهنة مصاعب وعقبات بالأيام الجاية بس
آني راح أظل گاتب گلبي وعقلي وگل فؤادي
بأسمچ وآني متأگد أنو أنتِ هماتين تبادليني
مشاعري"
حچة گل يلي ديشعر بي ويحسة أتجاه رغد بدون
ماياخذ نفس يدري گلش زين أنو حبهم راح يواجه
عقبات بسبب أهلة يلي رفضوا أنو يطلبولة أيد رغد
بس بنفس الوگت هو چان متأگد أنو رفض أهلة
ماراح يزعزع مشاعرة تجاه رغد بالعگس راح يحبهة
أگثر
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
