أشمالك يافرح مر بية
مشتاك
وضوجني الحزن
༺༺༺༺༺༺༺༺༺༻༻༻༻
"اي آني كطنتك ياحضرت الضابط"
حچت وهي مرگزة بزراك عيونة اللي يشبهن لون البحر
اللي تتمنة تبحر بيهن طول عمرهة الباقي هاي العيون
اللي مستعدة تغرك ببحرهن وهي الممنونة ماتنگر
تأثيرهن الچبير عليهة هنة اللي خطفلهة گلبهة وعقلهة
من أول نظرة
رفع أيهم حاجبة بأستغراب وگال
"كطنتي؟؟ إذا نسيتي إذگرچ أحنة أنتهينة
وأنتي گلتي بلسانچ هالشي"
عضت رغد شفتهة بقهر ماتگدر تنگر گلامة لأنه
صدك هي اللي گالتلة هالشي بلسانهة بس أگتشفت
باليومين اللي راحن أنه هي دتچذب على روحها لأن
روحها وگلبهة وعقلهة متعلقات بي شلون تگدر تنسا؟؟
من شافهة ساگتة هو گمل بنبرتة اللي يحاول أنه
يخليهة ثابتة وجادة گدام اللي حبهة أگثر من روحة
"تعوذي من الشيطان وأرجعي منين ماأجيتي
أنتي هسة متزوجة وجيتچ لمگتبي تعتبر خيانة
لزوجچ"
حست بالوجع يدك بگلبهة من سمعتة يطردهة
بشگل مباشر من مگتبة وگالت بنبرة مهزوزة
"هاي هيچ صارت ياحضرت الضابط؟؟!"
دار جسمة عنهة بحيث يگون وجهة مقابل الميز
مال المگتب وظهرة مقابل وجه رغد وخلة إيدة
ورة ظهرة وگال
"أنتي اللي قررتي تنهين علاقتنة لذلك گوني
گد قرارچ وأطلعي من مگتبي"
ماحست غير بالحرارة تمشي على طول خدودهة
ماتوقعت أنه أيهم راح يعاملهة ويحاچيهة بهل أسلوب
القاسي والمر الماينجرع هي خافت لايگون نساها
من صدك وشالهة من گلبة
دار جسمة بأتجاه رغد ودحچ بعيونهة وگال
"آني رايح لأن عندي علمية ألقاء قبض وضباط فرقتي دينتظروني لذلك مع السلامة وأتمنالچ التوفيق والسعادة بحياتچ الزوجية الجديدة"
أنهة گلامة متجاوزهة وطالع من المگتب مايريد
يظل وياهة لأن بوگتهة راح يضعف ويرجع يستسلم
لمشاعرة اللي يحملهة لرغد مايريد يضعف وهو يدري
گلش زين أنه رغد تزوجت وصارت حلال لشخص
غيرة فالأحسن أنه يسوي حاجز بينهم لحتى لاتتعقد
الأمور بيناتهم أگثر
دقايق ظلت واگفة وحدهة بنص المگتب ودموعها
ينزلن مثل الشلال على خدودهة حچي أيهم ليهسة
ديتردد على مسامعهة ماتوقعت أنه ياخذ بحچيهة
وينساها
رفعت چف إيدهة لازمة گلبها اللي بدة ينغزهة بشگل
أوجعها ثواني وشهگاتهة صارت مسموعة بالمگتب
تحبة وحبة أنتشر بگل گثر بيهة من المستحيل بالنسبة
ألهة أنه تنسة أيهم اللي أحگم على عقلهة قبل گلبها
غمضت عيونهة بقوة وگالت من بين شهگاتهة
"لي...ش ...ياأ...يهم ...لي...ش؟؟ و...الله
حر...ام ...الگا...عد ...تس...وي ...بگل...بي"
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
